Dagblaðið Vísir - DV - 19.09.2012, Qupperneq 12

12 Erlent 19. september 2012 Miðvikudagur
iPhone 5 vinsæll
Yfir tvær milljónir eintaka af
snjallsímanum iPhone 5, nýjustu
afurð Apple, seldust á fyrsta sól-
arhringnum eftir að síminn fór í
sölu. Þó svo að magnið sé held-
ur meira en forsvarsmenn Apple
gerðu ráð fyrir er búist við að hægt
verði að afgreiða langflestar pant-
anirnar þó einhverjir þurfi að bíða
fram í október. Þegar iPhone 4S
fór í sölu seldist rúmlega ein millj-
ón eintaka fyrsta sólarhringinn.
Hlutabréf í Apple hafa hækkað
undanfarna daga og á mánudag
fóru þau í 698 dollara á hlut, tæp-
lega 85 þúsund krónur.
Mitt Romney
í vanda
„Það er erfitt að vera forseti allra
Bandaríkjamanna þegar þú hefur
þegar afskrifað helming þjóðar-
innar á fyrirlitlegan hátt,“ segir Jim
Messina, kosningastjóri Baracks
Obama Bandaríkjaforseta, um orð
sem Mitt Romney, keppinautur
Obama og frambjóðandi repúblik-
ana í forsetakosningunum, lét
falla á fundi á mánudag. Fundur-
inn var tekinn upp á myndband
án vitneskju Romneys en á mynd-
bandinu heyrist Romney segja
að 47 prósent Bandaríkjamanna
muni kjósa Obama – sama hvað
hann geri. Þessir kjósendur séu
bótaþegar sem greiði ekki tekju-
skatt og skilji ekki stefnu hans
varðandi skattalækkanir. Romn-
ey sagði á þriðjudag að hann hefði
getað orðað þetta betur en dró orð
sín þó ekki til baka.
Winklevoss-
bræður komnir
aftur á kreik
Tyler og Cameron Winklevoss,
sem urðu frægir fyrir lagadeilu
sína vegna Facebook, hafa fjár-
fest í nýjum samfélagsvef, SumZ-
ero, fyrir eina milljón dala, rúmar
120 milljónir króna. Winklevoss-
bræður stefndu Mark Zucker-
berg, eiganda Facebook, fyrir að
hafa stolið hugmyndinni að vefn-
um sem nú er einn sá vinsæl-
asti í heimi. Zuckerberg féllst á að
greiða þeim bætur upp á 65 millj-
ónir dala, eða tæpa átta milljarða
króna, árið 2008.
SumZero.com er aðeins ætl-
aður fjárfestum og er vettvangur
fyrir þá til að ræða hugmyndir og
viðskiptatengd mál. Meðlimir nú
eru rúmlega 7.500 talsins. Þetta
er fyrsta fjárfesting félags þeirra
bræðra, Winklevoss Capital, sem
stofnað var eftir að bæturnar voru
greiddar.
DæmDur til
Dauða fyrir
að myrða
kvalara sinn
n Mikilvæg gögn í málinu litu aldrei dagsins ljós
T
erry Williams, 46 ára fangi
á dauðadeild í Philadelphia
í Bandaríkjunum, bíður nú
niðurstöðu um hvort dauða-
dómi hans verði breytt í lífs-
tíðarfangelsi. Williams var dæmd-
ur til dauða árið 1987 fyrir morðið á
Amos Norwood, 56 ára efnafræðingi
og sjálfboðaliða í kirkju, en lík hans
fannst í kirkjugarði í Philadelphia í
júní 1984. Norwood var með stungu-
sár, áverka eftir barefli og hafði eld-
ur verið borinn að líkinu áður en
það fannst. Williams var handtek-
inn ásamt æskuvini sínum, Marc
Draper, sem vitnaði gegn félaga sín-
um gegn því að fá vægari dóm. Eft-
ir að Williams var handtekinn fyrir
morðið á Norwood var hann einnig
ákærður – og síðar sakfelldur – fyrir
annað morð.
Var misnotaður
Þegar saksóknarar börðust fyrir sak-
fellingu Williams héldu þeir því fram
að félagarnir hefðu ætlað að ræna
Norwood. Þeir hefðu ekki þekkt
fórnarlamb sitt og að um tilviljunar-
kenndan glæp hefði verið að ræða.
Nú hafa hins vegar nýjar upplýsingar
komið fram í málinu sem verjendur
Williams vona að muni gagnast í bar-
áttu þeirra fyrir réttlæti. Á þeim tíma
sem málið var í gangi fyrir dómstól-
um gerði verjandi Williams sig sekan
um alvarleg afglöp. Hann lagði ekki
fram gögn þess efnis að Norwood
hefði misnotað Williams kynferðis-
lega í æsku og aðra unga drengi.
Þetta gerði það að verkum að
kviðdómendur fengu aldrei að
heyra þennan vitnisburð Williams;
að Norwood hefði greitt honum fyr-
ir kynlíf þegar hann var undir lög-
aldri, misnotað aðra unga drengi í
kirkjunni þar sem hann starfaði og
Williams sótti og að Williams hefði
einnig verið fórnarlamb annarra
kynferðisbrotamanna. Williams var
18 ára og þriggja mánaða þegar hann
var dæmdur til dauða og vakti málið
mikla athygli á sínum tíma. Williams
þótti efnilegur í amerískum ruðn-
ingi, var vel liðinn meðal jafnaldra
sinna og stóð sig vel í námi.
Aftaka fyrirhuguð 3. október
Sem fyrr segir var Norwood handtek-
inn og sakfelldur fyrir annað morð –
á manni sem var þekktur kynferðis-
brotamaður. Sá var stunginn til bana
í íbúð sinni, en í íbúðinni fannst
mikið magn kynferðislegra ljós-
mynda af ungum drengjum. Verj-
endur Norwoods komu fyrir dóm í
Philadelphia síðastliðinn föstudag
þar sem þeir fengu leyfi til að leggja
nýju gögnin fram. Dómari frestaði
ekki fyrirhugaðri aftöku Williams,
sem verður að óbreyttu tekinn af
lífi þann 3. október næstkomandi,
en gögnin verða lögð fram í næstu
viku og mun dómari í kjölfarið taka
ákvörðun um hvort dauðadómnum
verður breytt í lífstíðarfangelsi eins
og verjendur Williams krefjast.
Sagan sem aldrei var sögð
Í næstu viku þegar málið verður tek-
ið fyrir hjá dómstólum mun Draper,
félagi Williams sem var dæmdur í
lífstíðarfangelsi, bera vitni í málinu.
Hann hefur þegar skilað greinargerð
til lögmanna Williams þar sem at-
burðunum kvöldið örlagaríka er lýst.
Hann segir að hann og Williams hafi
kvöld eitt í júní 1984 þegar Norwood
keyrði upp að þeim í bifreið. Þeir fóru
inn í bifreiðina og ók Norwood sem
leið lá að kirkjugarði. „Norwood var
mjög viðkunnanlegur,“ segir Draper
í greinargerðinni. Þegar í kirkju-
garðinn var komið fóru Williams og
Norwood afsíðis, að sögn Drapers.
„Eftir smátíma kom Williams að
bílnum og sagði mér að koma með
sér. Hann var mjög reiður, öskraði
og réðst á Norwood með felgujárni.
Hann hrópaði að honum: „Svo þú
ert hrifinn af strákum, svo þú ert
hrifinn af strákum!“ Þá segir Draper
í greinargerð sinni að saksóknar-
ar hafi þrýst mjög á sig að segja ekki
frá kynferðisbrotum Norwoods gegn
Williams.
Snertir viðkvæma strengi
Mamie Norwood, ekkja Amos
Norwood, hefur biðlað til dóm-
ara og saksóknara um að Williams
verði sýnd miskunn. Saksóknarar
halda hins vegar kröfum sínum til
streitu um að Williams fái að gjalda
með lífi sínu fyrir misgjörðir sínar. Í
umfjöllun The Huffington Post um
málið kemur fram að mál Williams
nú hafi snert strengi í Pennsyl-
vaníu þar sem fjölmörg kynferðis-
brotamál manna í ábyrgðarstöð-
um hafi komið upp undanfarin
misseri. Hafa kirkjunnar menn og
menntastofnanir verið gagnrýndar
fyrir að þagga niður kynferðisbrota-
mál. Í júlí var yfirprestur kaþólsku
kirkjunnar í Philadelphia dæmdur
í þriggja til sex ára fangelsi fyrir að
leyfa presti í kirkjunni að umgang-
ast börn. Þetta gerði hann þrátt fyrir
að vita að viðkomandi prestur væri
kynferðisbrotamaður. Og í júní síð-
astliðnum var Jerry Sandusky, fyrr-
verandi þjálfari Penn State-háskól-
ans, sakfelldur fyrir að misnota börn
um árabil. „Ef eitthvert ríki Banda-
ríkjanna þekkir hvað kynferðisbrot
geta gert fólki þá er það Pennsyl-
vania. Og þetta er maðurinn sem
á taka af lífi,“ segir Marc Bookman,
framkvæmdastjóri Atlantic Center
for Capital Representation, samtaka
sem berjast gegn dauðarefsingum í
Bandaríkjunum. n
„Svo þú ert hrifinn
af strákum, svo þú
ert hrifinn af strákum!
Einar Þór Sigurðsson
blaðamaður skrifar einar@dv.is
Dauðadæmdur Williams verður tekinn af lífi þann 3. október – að því gefnu að dómari hafni beiðni verjenda hans.
Gegn dauðarefsingum Marc Bookman
hefur beitt sér í máli Williams. Hann er
framkvæmdastjóri samtaka sem berjast
gegn dauðarefsingum.
Gefst ekki upp
Þó að líkurnar á
að dómnum verði
breytt séu litlar
ætlar Williams að
berjast áfram.