Dagblaðið Vísir - DV - 03.10.2012, Síða 2

2 Fréttir 3. október 2012 Miðvikudagur
„Eins og að æpa
upp í vindinn“
O
rkuveita Reykjavíkur gekk
þvert á eigendastefnu fyrir-
tækisins þegar hún sótti um
rannsóknarleyfi í Skjálfanda-
fljóti vegna fyrirhugaðrar
virkjunar við Hrafnabjörg. Þetta segir
Sóley Tómasdóttir en hún situr í stjórn
Orkuveitunnar og hefur gagnrýnt
harkalega hvernig staðið var að þessari
umsókn. „Stjórnendur og stjórn Orku-
veita Reykjavíkur sem og meirihlutinn
í Reykjavík virðast ekki skilja reglurnar
um valdmörk og lýðræðislegt umboð,“
segir hún.
Það er greinilegt að henni liggur
mikið niðri fyrir. Í júní var samþykkt
eigendastefna fyrir Orkuveituna en
Sóley segir að hún hafi ekki verið virt.
„Aðeins örfáum vikum síðar er geng-
ið þvert á eigendastefnuna. Mér finnst
það vera til marks um að fyrirtækið er
á nákvæmlega sömu sjálfstýringu og til
dæmis í REI-málinu. Það hefur ekkert
gerst sem girðir fyrir það að við lend-
um ekki í öðru REI-máli. Þrátt fyrir að
við séum búin að samþykkja eigenda-
stefnu og búin að fara yfir allt sem
hægt er að fara yfir þá er meirihlutinn
að taka ákvarðanir allt annars staðar
en lýðræðissamfélagið gerir kröfu um.“
Stjórnin óupplýst
Sóley var stödd erlendis þegar um-
sóknin var send inn. En þegar hún
kom heim og sá að það hafði verið gert
hringdi hún beint í stjórnarformann-
inn og forstjórann og spurði hverju
þetta sætti. „Á næsta fundi var okk-
ur sagt frá því að þetta félag Hrafna-
bjargarvirkjun hefði fengið bréf þann
17. febrúar um að Orkustofnun liti
svo á að þeir hefðu fallið frá umsókn-
inni vegna þess að þau hefðu ekki fylgt
henni eftir. Þeir áttu þá í samskiptum
við Orkustofnun sem endaði með því
að fimm mánuðum síðar var send inn
ný umsókn fyrir rannsóknarleyfinu.
Það var gert þremur vikum eftir stjórn-
arfund og aðeins örfáum vikum eftir
að eigendastefnan er samþykkt, sem
felur það í sér að Orkuveita Reykjavík-
ur megi ekki fara út fyrir starfssvæði
sitt á Suðvesturhorninu nema með
samþykki eigenda og það megi ekki
heldur fara inn á óröskuð svæði nema
með samþykki þeirra. Samt sendir for-
stjórinn þetta inn í samráði við stjórn-
arformann sem sá enga ástæðu til að
fara með þetta fyrir stjórnina.
Þeir sögðu að þeir hefðu þannig
talið hagsmunum fyrirtækisins best
borgið. Það er bara ekki hans að meta
það heldur stjórnar og eigenda í mál-
um sem eiga að fara fyrir þá. Það er
reyndar kveðið á um það í eigenda-
stefnunni að ef forstjórinn metur það
svo vegna tímaskorts eða annarra
ástæðna þurfi hann að taka ákvarð-
anir um mál sem annars væri stjórn-
ar að taka þá beri honum að upplýsa
stjórnina um leið og kostur gefst. En
það gerði hann ekki heldur. Við viss-
um ekki af umsókninni fyrr en við lás-
um um hana í fjölmiðlum.“
Undrast tómlætið
Sóley gerði ekki aðeins athugasemd
við stjórnarformann og forstjóra Orku-
veitunnar heldur tók hún málið upp í
borgarstjórn og lét þar bóka eftirfar-
andi þann 4. september síðastliðinn:
„Borgarfulltrúi Vinstri grænna undr-
ast það tómlæti sem meirihluti Besta
flokks og Samfylkingar hefur sýnt í
umræðum dagsins um þær lýðræðis-
legu leikreglur sem settar hafa ver-
ið fyrir Orkuveitu Reykjavíkur. Um-
sókn fyrirtækisins um rannsóknarleyfi
í Skjálfandafljóti er stórmál, hvort sem
litið er til umhverfis eða efnahags og
alveg ljóst að ákvörðun um slíkt hefði
þurft að bera undir stjórn og eigendur,
þó það hafi ekki verið gert. En borgar-
fulltrúar meirihlutans láta sér fátt um
finnast og taka ekki þátt í umræðum
um málið.“
Borgarfulltrúar Besta flokksins og
Samfylkingarinnar lögðu einnig fram
bókun um málið en hún var svo hljóð-
andi: „Óskað hefur verið eftir því af
hálfu stjórnar að forstjóri leggi fram
greinargerð um málið þar sem m.a.
möguleikar á því losa eignarhlut Orku-
veitu Reykjavíkur í Hrafnabjargavirkj-
un ehf. verða skoðaðir. Borgarstjórn
óskar eftir að fá þessar upplýsingar um
leið og þær berast.“
Verður aldrei sátt
„Þetta er eins og æpa upp í vindinn,“
segir Sóley. „Ég rakti málið eins vel og
ég gat og spurði borgarfulltrúa í ein-
lægni hvort þeim hafi ekki verið alvara
þegar þeir samþykktu eigendastefn-
una. Jón Gnarr var sá eini sem tók til
máls, ræddi í örfáar mínútur um gildi
þess að hafa eigendastefnu en svar-
aði ekki efnislega fyrir málið. Svo lagði
meirihlutinn fram þessar undarlegu
bókun í lok fundar. Það er ekki borg-
arstjórnar að biðja um upplýsingar
um mál sem borgarstjórn á að taka
ákvörðun um,“ segir hún ákveðið.
„Orkuveitunni er stýrt á þremur mis-
munandi sviðum, sumt getur forstjóri
ákveðið, annað þarf stjórnin að ákveða
og enn annað þurfa eigendurn-
ir að ákveða. Þá þarf það að fara fyr-
ir borgarráð í öllum eigendasveitar-
félögunum, Akranesi, Borgarbyggð og
Reykjavík.
„Það verður aldrei
sátt um Orku-
veituna og henni verður
aldrei faglega stýrt ef við
ætlum ekki að virða leik-
reglurnar í kringum hana.
n Sóley Tómasdóttir ósátt við vinnubrögð Orkuveitu varðandi endurnýjun rannsóknarleyfis
Borgarstjórinn Sóley sakar meirihlutann um fálæti gagnvart málinu. Upplýsingafulltrúi
Reykjavíkur kannaðist ekki við málið þegar DV óskaði eftir viðbrögðum og benti á upplýs-
ingafulltrúa Orkuveitunnar.
Ingibjörg Dögg Kjartansdóttir
blaðamaður skrifar ingibjorg@dv.is
Orkuveitan Sótti um endurnýjun á rannsóknarleyfi án
samþykkis og vitundar stjórnar og eigenda, en það er brot
á eigendastefnu sem sett var í sumar. Sóley Tómasdóttir
segir að leikreglum varðandi Orkuveituna sé ekki fylgt.
Auglýsa eftir
dómara
Innanríkisráðuneytið hefur aug-
lýst eftir umsókn um embætti
hæstaréttardómara. Umsóknar-
frestur er til 22. október næstkom-
andi. Sérstaklega er tekið fram í
auglýsingunni að umsækjend-
ur þurfi að gefa upp netfang. „Til
þess að hraða afgreiðslu umsókna
og bréfaskiptum er áskilið að um-
sækjendur gefi upp netfang sem
notað verður til að eiga samskipti
við umsækjendur,“ segir í auglýs-
ingunni sem send var fjölmiðlum
á þriðjudag. Dómari verður skip-
aður í embætti frá og með 1. des-
ember næstkomandi og til og með
31. desember árið 2014. Þeir sem
hafa hug á að sækja um embættið,
og uppfylla hæfniskröfur, geta sótt
um hjá ráðuneytinu og í gegnum
netfangið postur@irr.is.
Hafnarfjörður
opinberar gögn
Hafnarfjarðarbær hefur ákveðið
að aðgengi að gögnum sem lögð
eru fram á fundum í ráðum og
nefndum hjá bænum verði öll-
um opið. Í framhaldi af ákvörðun-
inni munu fundargerðir bæjarins
ekki aðeins innihalda upplýsingar
um hvaða mál voru á dagskrá og
hvernig þau voru afgreidd heldur
líka greiða leið að upplýsingum
sem lagðar eru fram með formleg-
um hætti á fundunum. Með þessu
er ætlað að skýra betur ákvarðanir
viðkomandi nefnda og ráða í eins-
tökum málum. Þetta kemur fram í
tilkynningu frá bænum.
Greiða máls-
kostnað Pálma
Þrotabú Fons ehf. er gert að greiða
eignarhaldsfélagi Pálma Haralds-
sonar, Feng, 2,3 milljónir króna í
málskostnað auk virðisaukaskatts,
samkvæmt dómi Héraðsdóms
Reykjavíkur. Þrotabú Fons fór fram
á að rift yrði með dómi sölu á öll-
um hlutum Fons hf. í Astreus Ltd.
til Fengs fyrir 50 þúsund sterl-
ingspund í febrúar árið 2009 og fór
þrotabúið fram á skaðabætur frá
félaginu. Fór þrotabúið fram á að
fá endurgreiddar tæplega sautján
milljónir sterlingspunda, sem
nema um 3,3 milljörðum íslenskra
króna. 
Í greingerð dómkvaddra mats-
manna kom þó fram að verðmatið
var allt annað en það sem þrotabú
Fons fór fram á og ákvað því dóm-
ari að verða við kröfu matsmanna
um að málið yrði fellt niður.