Dagblaðið Vísir - DV - 17.08.2011, Blaðsíða 17

Erlent | 17Miðvikudagur 17. ágúst 2011
Allt á einum stað!
Bílaverkstæði | Dekkjaverkstæði | Smurstöð | Varahlutir
Þú færð fría olíusíu ef þú lætur
smyrja bílinn hjá okkur
Komdu með bílinn til okkar og
þú færð fría ástandsskoðun
Lítill hagvöxtur
í Þýskalandi
Hagvöxtur í Þýskalandi á öðrum árs-
fjórðungi, frá byrjun apríl til loka
júní, var aðeins 0,1 prósent, sam-
kvæmt tölum sem þýska hagstofan
sendi frá sér á þriðjudag. Þetta er
mun minni hagvöxtur en spár gerðu
ráð fyrir.
Hagvaxtartölur fyrir evrusvæðið
voru einnig birtar á þriðjudag, en
samkvæmt þeim nam hagvöxtur á
öðrum ársfjórðungi 0,2 prósentum.
Á fyrsta ársfjórðungi var hagvöxtur-
inn 0,8 prósent.
Tölurnar eru birtar aðeins nokkr-
um dögum fyrir fund Angelu Mer-
kel, kanslara Þýskalands, og Nicho-
las Sarkozy Frakklandsforseta vegna
fjármálakrísunnar á evrusvæðinu.
Munkur
kveikti í sér
Tíbetskur munkur framdi sjálfs-
víg í suðvesturhluta Kína á mánu-
dag með því að hella yfir sig bensíni
og kveikja í sér. „Við Tíbetar viljum
frelsi, lengi lifi Dalai Lama. Leyfið
honum að snúa aftur til Tíbets,“ er
meðal þess sem munkurinn, Tsew-
ang Borbu, hrópaði áður en hann
kveikti í sér.
Munkurinn hafði aðsetur í
klaustri í Tawu í vesturhluta Sichu-
an-héraðs í Kína sem er skammt frá
landamærunum að Tíbet. Fjölmarg-
ir Tíbetar búa á svæðinu og vilja þeir
að Tíbet og Tawu sameinist í eitt ríki.
Tíbet er sem kunnugt er undir kín-
verskum yfirráðum.
S
taða Muammars Gaddafi,
einræðisherra Líbíu, þyk-
ir hafa versnað til muna nú
þegar uppreisnarmenn nálg-
ast höfuðborgina Trípolí óð-
fluga. Ekki bætir úr skák að innan-
ríkisráðherrann virðist nú hafa flúið
land en hann lenti í Kaíró ásamt fjöl-
skyldu sinni án þess að sendiráð Líb-
íu vissi nokkuð.
Hersveitir hliðhollar Gaddafi
beittu svokölluðum Scud-eldflaug-
um í fyrsta sinn gegn uppreisnar-
mönnum á sunnudaginn. Bandarísk
stjórnvöld greindu frá því. Eldflaug-
arnar voru þróaðar í Sovétríkjun-
um og voru meðal annars notaðar í
Persaflóastríðinu. Þær þykja afar öfl-
ugar og geta flogið allt að 800 kíló-
metra.
Eldflauginni var skotið frá Sirta,
fæðingarbæ Gaddafis, og beint að
Brega, sem lýtur stjórn uppreisnar-
manna. Hún lenti hins vegar í eyði-
mörk og olli engum skaða. Notkun
flauganna þykir benda til örvænting-
ar í röðum Gaddafis en talið er að yfir
hundrað slíkar eldflaugar megi finna
í vopnabúri hans og hann sé tilbúinn
að beita þeim á eigin borgara.
Búa sig undir að ná Trípolí
„Af hverju ættum við að ræða við
Gaddafi? Við höfum náð vendipunkt-
inum núna og hann mun örugglega
falla eftir nokkrar vikur,“ sagði tals-
maður Líbíska þjóðarráðsins í Lond-
on. Uppreisnarmenn eru nú komnir
til bæjarins Zawiah sem er tæpum
fimmtíu kílómetrum frá Trípolí.
Uppreisnarmenn segjast hafa næst-
um því allan bæinn á sínu valdi. Ein-
ungis olíuhreinsistöðin sé í höndum
hersveita Gaddafis og geymi þar síð-
ustu olíubirgðir stjórnarinnar.
Stjórn Gaddafis er undir miklum
þrýstingi og geta uppreisnarmenn í
Misrata nú loks leyft sér að slaka að-
eins á. Það eina sem heldur aftur af
þeim núna er ótti við að verða fyrir
árásum Nató af slysni.
Líbíska þjóðarráðið er farið að
búa sig undir að taka Trípolí yfir. Í
yfirlýsingu sem ráðið sendi frá sér
á mánudag var því beint til fólks að
gæta öryggis í Trípólí, kvöldið sem
stjórn Gaddafis myndi falla. Mikil-
vægt væri að gæta öryggis við sjúkra-
hús og skóla svo dæmi séu tekin.
Segja hersveitir Gaddafis
nota pallbíla
Sama bjartsýni virðist nú ríkja í hin-
um vestræna heimi. Vestrænir emb-
ættismenn eru farnir að búa sig und-
ir blóðuga lokabaráttu Gaddafis og
er talið að hún gæti jafnvel farið fram
í Sirta. Bretar halda því fram að loft-
árásir til fjögurra mánaða hafi skilað
sér í því að hersveitir Gaddafis séu
nú ófærar um að hefja árásir. Yfir sjö
þúsund loftárásir hafa verið gerðar
á Líbíu og segja Bretar að hersveitir
Gaddafis notist við pallbíla í hernaði
sínum. Bandaríkjamenn eru að sama
skapi farnir að hrósa sigri. „Það er að
koma smátt og smátt í ljós að dagar
Gaddafis eru taldir,“ sagði Jay Car-
ney, talsmaður Hvíta hússins.
Gaddafi ekki af baki dottinn
Benjamin Barber, sérfræðingur í
málefnum Líbíu, er þó ekki jafn
bjartsýnn. „Framtíð margra stórra
ættbálka og hópa veltur á að Gad-
dafi haldi völdum,“ segir Barber.
Hann segir enga sérstaka ástæðu til
væntinga nema komist verði að sam-
komulagi. Lítill vilji virðist hins veg-
ar vera til þess af hálfu uppreisnar-
manna og vestrænna ríkja.
Þá er Gaddafi enn jafn kokhraust-
ur í máli sínu. „Nýlenduveldið bíð-
ur endaloka sinna og rotturnar líka,“
sagði Gaddafi í ávarpi til stuðnings-
manna og beindi tilmælum til þeirra
að losa Líbíu við landráðamenn.
„Blóð píslarvottanna er eldsneyti
fyrir bardaga,“ sagði Gaddafi í ákalli
sínu. Gaddafi er oft sagður hafa ver-
ið tilbúinn til að víkja en lítið bendir
til þess að eitthvað sé til í þeim sögu-
sögnum.
Björn Reynir Halldórsson
bjornreynir@dv.is
Líbía
Gaddafi hvergi banginn Uppreisnarmenn vænta þess að geta steypt Gaddafi af stóli bráðlega en hann situr sem fastast og berst til
síðasta blóðdropa. Mynd reuTerS
n uppreisnarmenn nálgast Trípolí n Vestræn ríki búast við blóðugri lokabaráttu
n Gaddafi brýnir fyrir stuðningsmönnum að losa Líbíu við landráðamenn
Síðasta hálmstrá
einræðisherrans