Dagblaðið Vísir - DV - 11.05.2012, Blaðsíða 17

Fréttir 17Helgarblað 11.–13. maí 2012
A
ð sjálfsögðu munum við
verða við þessari ábendingu.
Við erum bara mjög ánægð
með Ríkisendurskoðun og
að hún standi þétt við bakið
á okkur í þessu eftirlitshlutverki,“ segir
Sigríður Ingibjörg Ingadóttir, formað-
ur fjárlaganefndar Alþingis. Ríkisend-
urskoðun hefur beint þeim tilmælum
til nefndarinnar að hún kalli mennta-
málaráðherra, innanríkisráðherra, vel-
ferðarráðherra og umhverfisráðherra á
sinn fund og krefji þá svara um hvern-
ig tekið verði á rekstrarvanda stofnana
með verulegan uppsafnaðan halla.
Mikill halli
Í frétt sem birtist um málið á vef Rík-
isendurskoðunar á miðvikudag kem-
ur fram að Ríkisendurskoðun telji að
taka verði á vanda þessara stofnana.
Það þjóni engum tilgangi að láta slíkan
halla hvíla á stofnunum ef ekki sé tal-
ið raunhæft að ætla að þær muni geta
greitt hann upp. Í fréttinni voru birtar
upplýsingar um nítján stofnanir sem
glímdu við verulegan uppsafnaðan
halla í árslok 2011, þar af eru þrjár sem
glímdu ekki við neinn halla árið á und-
an. Meðal þeirra nítján stofnana sem
sérstaklega er fjallað um er Landspít-
alinn með tæpa þrjá milljarða, Land-
búnaðarháskóli Íslands með rúmar
300 milljónir og Lögreglustjórinn á
Suðurnesjum með rúmar 140 milljón-
ir króna.
Brugðist við
Sigríður segir að fjárlaganefnd hafi
fengið skýrslu frá Ríkisendurskoðun
í febrúar um skil á rekstraráætlunum
ríkisstofnana sem þær eigi að skila í
byrjun janúar. Það hafi verið yfirfarið
og leitað til fjármálaráðuneytisins um
svokallað veikleikamat á framkvæmd
fjárlaga árið 2012. „Síðan höfum við
ætlað okkur að skila skýrslu til þings-
ins um framkvæmd fjárlaga 2012 og
helstu veikleika núna fyrir þinglok. Í
aprílbyrjun sendum við bréf til fjár-
málaráðuneytisins þess efnis að við
myndum kalla fulltrúa þeirra fyrir
nefndina um mánaðamótin apríl/
maí til að fá uppfært veikleikamat
sem þeir höfðu unnið í samráði við
hin ráðuneytin,“ segir Sigríður og
bætir við að fulltrúar fjármálaráðu-
neytisins hafi komið á fund nefndar-
innar á miðvikudag ásamt fulltrúum
Ríkisendurskoðunar með nýtt veik-
leikamat. Í millitíðinni hafi ráðu-
neytisstjórar þriggja af þeim fjórum
ráðuneytum sem um ræðir verið kall-
aðir fyrir nefndina. Á nefndardög-
um í næstu viku verði þessir fjórir
ráðherrar kallaðir fyrir nefndina og
skýrslunni verði skilað fyrir þinglok.
Bregðast strax við
n Ríkisendurskoðun vill að fjárlaganefnd kalli ráðherra á fund vegna halla ríkisstofnana
„Að sjálfsögðu
munum við verða
við þessari ábendingu.
Uppsafnaður halli í
árslok 2011 í millj. kr.
Vandi m. v.
áætlun 2012
Landbúnaðarháskóli Íslands 317 Óleystur
Hólaskóli – Háskólinn á Hólum 134 Óleystur
Fjölbrautaskólinn við Ármúla 18 Gæti leyst
Tilrst. Háskólans að Keldum 25 Óleystur
Ríkislögreglustjóri 59 Óleystur
Lögreglustj. á höfuðbsvæðinu 73 Óleystur
Lögreglustj. á Suðurnesjum 141 Óleystur
Sýslumaðurinn í Borgarnesi 25 Óleystur
Rannsóknarnefnd umferðarsl. 8 Óleystur
Útlendingastofnun 29 Óleystur
Landspítali 2.967 Óleystur
Heilsugæsla á höfuðbsvæðinu 449 Óleystur
Heilbrigðisst. Austurlands 114 Óleystur
Heilbrigðisst. Suðurlands 137 Óleystur
Sólvangur, Hafnarfirði 127 Engin svör
Lyfjastofnun 184 Óleystur
Vatnajökulsþjóðgarður 169 Engin svör
Veðurstofa Íslands 56 Óleystur
Stofnanir með verulegan
uppsafnaðan halla
Einar Þór Sigurðsson
blaðamaður skrifar einar@dv.is
Ánægð með
Ríkisendurskoðun
Sigríður Ingibjörg
segist sátt við að
Ríkisendurskoðun
standi við bakið á
nefndinni.
n Þekkt heilkenni erlendis n Skordýrafræðingur veit um nokkur tilvik hér á landi