Dagblaðið Vísir - DV - 14.01.2013, Side 4

ÚTGERÐIN STENDUR
UNDIR VEIÐIGJALDI
4 Fréttir 14. janúar 2013 Mánudagur
n Forsendur Deloitte varðandi veiðigjaldið langt frá raunveruleikanum 2011
A
fkoma íslenskra sjávarút-
vegsfyrirtækja (EBIDTA) var
umtalsvert betri á síðasta ári
en talið var í útreikningum
um veiðigjöld, eða tæplega
80 milljarðar króna í stað 72 milljarða.
Þessi tala kom fram í riti Hagstofunnar
um hag veiða og vinnslu sem út kom
þann 20. desember síðastliðinn. Þar
kom einnig fram að hreinn hagnaður
sjávarútvegarins hafi numið tæplega
60 milljörðum króna árið 2011.
Endurskoðendafyrirtækið
Deloitte hefur unnið töluvert mikið
fyrir Landssamband íslenskra útvegs-
manna (LÍÚ) á undanförnum árum.
Haustið 2009 mat Deloitte áhrif fyrn-
ingarleiðar á stöðu sjávarútvegs á Ís-
landi. Niðurstaða skýrslunnar var sú
að líklegt væri að fyrningarleið setti
flest núverandi sjávarútvegsfélög í
þrot og afskrifa þyrfti stóran hluta af
skuldum þeirra, sem þýddi tap fyrir
bankakerfið. Gerði endurskoðenda-
fyrirtækið ráð fyrir því að EBIDTA-
hagnaður sjávarútvegarins árið 2010
yrði 35 milljarðar króna. Raunin varð
hins vegar 65 milljarða króna hagn-
aður.
Hæpnar forsendur Deloitte
Þá vann Deloitte einnig umsögn um
áhrif veiðigjalds á sjávarútveginn að
beiðni LÍÚ. Skilaði endurskoðenda-
fyrirtækið Alþingi umsögn sinni til
í apríl 2012. Í þeirri umsögn gerði
Deloitte ráð fyrir því að miðað við
þær forsendur sem fyrirtækið gaf sér
yrði handbært fé frá rekstri sjávarút-
vegsins árið 2010 einungis jákvætt
um 600 milljónir króna.
Eins og sjá má í töflum með
fréttinni nemur handbært fé frá
rekstri tugum milljarða króna árið
2011 sama hversu háar forsendur
eru settar inn. Árið 2011 greiddi
útgerðin einungis 3,5 milljarða
króna í veiðigjald. Sé notast við þær
forsendur sem Deloitte gaf sér í um-
sögn um veiðigjald í apríl 2012 varð-
andi vaxtakostnað og fjárfestingar
nam handbært fé frá rekstri nærri
40 milljörðum króna árið 2011, var
nærri sextíufalt hærra en Deloitte
gerði ráð fyrir í sínum útreikningum
fyrir 2010. Ef settar eru inn þær
forsendur að útgerðin greiddi 19,5
milljarða króna í veiðigjald líkt og
upphaflega stóð til yrði handbært
fé frá rekstri jákvætt um 20 milljarða
króna árið 2011 og nærri 30 milljarða
króna sé miðað við þá lendingu sem
loks var farin en tekjur ríkissjóðs af
veiðigjaldinu eru taldar verða um 13
milljarðar króna árið 2012.
Steingrímur efaðist um
útreikninga Deloitte
Ýmsir hafa lýst efasemdum sínum um
að forsendur Deloitte varðandi áhrif
veiðigjaldsins á sjávarútveginn eigi við
rök að styðjast. Þannig lét Steingrímur
J. Sigfússon, atvinnu- og nýsköpunar-
ráðherra hafa eftir sér að forsendur
Deloitte væru hæpnar og óljósar. Þá
sakaði Huginn Freyr Þorsteinsson,
aðstoðarmaður Steingríms, Þorvarð
Gunnarsson, framkvæmdastjóra
Deloitte um það í grein í Fréttablað-
inu í apríl 2012 að vera talsmaður út-
gerðarinnar. Einnig sagði Huginn að
ekki kæmi nægilega skýrt fram hvort
kynning Deloitte á mögulegum áhrif-
um veiðigjalds væri kostuð af LÍÚ eða
útgerðarmönnum. „Slíkt skiptir þó
máli enda gæti einhver talið að búið
væri að kosta fyrirtækið til áróðurs-
herferðar,“ segir í grein Hugins.
Framkvæmdastjórinn stendur við
forsendur
DV hafði samband við Þorvarð
Gunnarsson, forstjóra Deloitte, og
sendi honum þær töflur sem DV styðst
við í grein sinni um áhrif veiðigjaldsins
í blaðinu í dag. Hann vildi ekki játa að
þær forsendur sem endurskoðenda-
fyrirtækið gaf sér hefðu verið hæpnar.
„Þær forsendur sem Deloitte studdist
við varðandi vexti og fjárfestingar voru
og eru mjög eðlilegar og voru alls ekki
of brattar,“ segir í svari frá Þorvarði.
Þannig gefur hann lítið fyrir það að
handbært fé frá rekstri hjá sjávarút-
vegsfyrirtækjum hafi verið sextíufalt
hærra árið 2011 en Deloitte gerði ráð
fyrir í sínum útreikningum fyrir árið
2010. Það er þrátt fyrir að stuðst sé við
forsendur Deloitte um vaxtakostnað
og fjárfestingu sem sumir telja of hátt.
„Afkoma sjávarútvegs í heild sinni
var mjög góð árið 2011 en skiptist hins
vegar mjög misjafnt á fyrirtæki eftir
tegund veiða og vinnslu eins og skýrt
kom fram í erindi mínu á síðasta aðal-
fundi LÍÚ. Þar kom jafnframt fram að
EBITDA-framlegð sjávarútvegsfyr-
irtækja á árinu 2011 var samtals 73
milljarðar króna. Þar er um að ræða
öll fyrirtæki, sem hefur verið úthlutað
aflaheimildum, byggt á úrtaki sem
náði yfir 88 prósent af heildarúthlutun.
Gögn Hagstofunnar byggja hins vegar
á stærra mengi, þar sem hjá þeim eru
einnig fiskvinnslur án útgerðar og út-
gerðir án aflaheimilda, þar með talið
strandveiðar. Það er því eðlilegt að
þeirra niðurstöður um afkomu sjávar-
útvegs séu eitthvað hærri en okkar,“
segir Þorvarður aðspurður um afkomu
sjávarútvegarins á Íslandi árið 2011. n
Mótmælt við Austurvöll
Útgerðin hefur mótmælt
auknum álögum harðlega. Hún
virðist þó ráða vel við þær.
Annas Sigmundsson
blaðamaður skrifar as@dv.is
Forsendur Deloitte varðandi veiðigjaldið og raunstaðan 2011
Spá Deloitte 2010 Fyrsta tillaga Rauntillaga 2011
EBIDTA-hagnaður 65.938 83.641 83.641 83.641
Reiknaðir vextir -21.960 -21.960 -21.960 -21.960
Reiknaðir skattar -4.884 -4.884 -4.884 -4.884
Fjárfestingar -19.758 -19.758 -19.758 -19.758
Veiðigjald -23.513 -19.5001 -13.0002 -3.7003
Skattasparnaður 4.844 4.844 4.844 4.844
Handbært fé frá rekstri 667 22.423 28.923 38.223
*Allar tölur í milljörðum króna. 1)Upphafleg tillaga um veiðigjald. 2)Endanleg tala veiðigjalds. 3)Greitt veiðigjald 2011.
Stendur við útreikninga Þorvarður
Gunnarsson, framkvæmdastjóri Deloitte, gefur
lítið fyrir það að svo virðist sem sjávarútvegur-
inn eigi tugi milljarða króna afgangs í handbæru
fé þrátt fyrir tilkomu veiðigjaldsins. Hann segir
útreikninga Deloitte ekki hafa verið of bratta.
Telja ásakan-
irnar ekki
þungar
„Okkur var kunnugt um þetta en
Björt hefur farið vandlega yfir
þetta með okkur og við sjáum nú
ekki að í þessu felist mjög þungar
ásakanir,“ sagði Guðmundur
Steingrímsson í samtali við Frétta-
blaðið aðspurður hvort stjórn
Bjartrar framtíðar myndi aðhaf-
ast eitthvað vegna umfjöllunar
DV um missætti innan stjórnar
Geðhjálpar. Í helgarblaði DV var
fjallað um það að Björt Ólafs-
dóttir, oddviti Bjartrar framtíðar í
Reykjavíkurkjördæmi, væri með-
al annars sökuð um að hafa fals-
að kjörgögn, hafa blekkt stjórn og
ráðið vinkonu sína í starf fram-
kvæmdastjóra og smalað fólki inn
í samtökin til þess að hljóta kjör
til formanns. Guðmundur segir
stjórn flokksins ekki munu að-
hafast neitt vegna málsins. „Við
í Bjartri framtíð blöndum okkur
ekki í þetta, en hvetjum alla til
þess að kynna sér hlið Bjartar,“
sagði hann einnig.
Annar flugdólgur
Karlmaður sem lét ófriðlega var
yfirbugaður af farþegum í vél
Icelandair frá Washington til
Keflavíkur á miðvikudaginn í síð-
ustu viku. Á Vísi er maðurinn
sagður hafa hundsað tilmæli um
að halda kyrru fyrir í sæti sínu í
lendingu og að hafa auk þess áreitt
aðra farþega. Endaði það með því
að maðurinn var yfirbugaður og
tveir farþegar héldu honum í sæti
sínu meðal vélin lenti. Þetta er í
annað sinn á skömmum tíma sem
slíkt atvik á sér stað í vél Icelandair
en í fyrra atvikinu var flugdólgur-
inn límdur niður og fjallað var um
atvikið bæði í hérlendum sem og
mörgum erlendum fjölmiðlum.