Dagblaðið Vísir - DV - 15.04.2013, Side 4

4 Fréttir 15. apríl 2013 Mánudagur
Hrannar kjörinn formaður
n Hlaut yfirburðakosningu á aðalfundi Geðhjálpar
H
rannar Jónsson var á laugar-
daginn kosinn nýr formað-
ur Geðhjálpar á fjölmenn-
um aðalfundi félagsins.
Jafnframt voru kjörnir þrír stjórn-
armenn til tveggja ára, þau Jón-
ína Valsdóttir, Maggý Hrönn Her-
mannsdóttir og Sveinn Rúnar
Hauksson. Auk þess var kosinn
stjórnarmaður til eins árs, Róbert
Lagerman. Drífa Kristjánsdóttir,
móðir Bjartar Ólafsdóttur, fyrrver-
andi formanns félagsins, bauð sig
fram gegn Hrannari sem hafði bet-
ur í kosningunni.
Hrannar er 49 ára, búsettur í
Reykjavík og starfar við hugbún-
aðarþróun. Í kynningu fyrir kosn-
ingarnar á vef Geðhjálpar lýsti
Hrannar sér á þennan hátt: „Ég segi
að geðheilbrigðismál komi mér við
vegna þess að sjálfur átti ég í mörg
ár við geðröskun að stríða. Eitthvað
sem ég vil leyfa mér að segja að er
núna að baki.“ Hrannar hefur starf-
að lengi að málefnum geðsjúkra og
meðal annars verið verkefnastjóri
hjá Geðfræðslu Hugarafls, verið í
stjórn styrktarfélagsins Vinjar og
styrktarfélags Alþjóða geðheilbrigð-
isdagsins auk þess að vera með
fræðslu í grunn- og framhaldsskól-
um um geðraskanir.
Líkt og DV hefur greint frá þá
hafa verið töluverð átök innan
stjórnar samtakanna um nokkurt
skeið sem enduðu með því að van-
trauststillaga var samþykkt á Björt í
lok síðasta árs. Skömmu síðar sagði
hún af sér formennsku og fór í fram-
boð fyrir Bjarta framtíð. Ástæðurn-
ar fyrir vantraustinu voru sagðar
starfshættir hennar, meint smölun
í félagið fyrir kosningar til stjórnar
árið 2011 og falsanir á kjörgögnum
2012.
Á fundinum voru einnig kynntar
niðurstöður óháðrar úttektar sem
félagið lét gera á starfsemi þess en
þær verða gerðar opinberar á næstu
dögum. n
viktoria@dv.is
Hótaði lögreglu-
mönnum lífláti
Nítján ára karlmaður, Egill Mikael
Ólafsson, var á föstudag dæmdur í
tveggja ára óskilorðsbundið fang-
elsi fyrir margvísleg brot. Egill var
ákærður í sex liðum fyrir brot gegn
valdstjórninni, líkamsárás, þjófn-
að og vopnalagabrot. Hann braust
meðal annars inn á veitingastað
á Akranesi í desember síðastliðn-
um, með því að brjóta rúðu með
grjóti, og stela þaðan sjö vínflöskum
og tveimur bjórum. Eftir að hann
var handtekinn fyrir innbrotið beit
hann lögreglumann í framhand-
legginn. Í lok janúar síðastliðinn
réðst hann síðan á konu í Reykja-
vík og löðrungaði hana ítrekað, tók
hann hana hálstaki og ýtti henni í
gólfið. Lögreglumaður sem ætlaði
að handtaka Egil fyrir árásina fékk
hnefahögg í magann og hótaði Eg-
ill honum og kollega hans lífláti. Að
lokum kom upp atvik í lögreglubif-
reið í febrúar síðastliðnum þar sem
Egill sparkaði í lögreglumann, sló
hann hnefahöggi og hrækti á buxur
hans. Hótaði hann lögreglumönn-
um síðan lífláti. Egill hafði setið í
gæsluvarðhaldi frá 25. febrúar og
dregst sá tími frá fangelsisdómnum.
Ósæmileg
útstilling
Fátítt er að lögreglu berist kvartan-
ir vegna útstillinga í gluggum versl-
ana. Ein slík barst þó á dögunum,
en þá hafði sómakær borgari sam-
band við lögregluna á höfuðborgar-
svæðinu og benti á tiltekna verslun
á höfuðborgarsvæðinu og lét þess
getið að útstilling á varningi í glugga
verslunarinnar væri komin langt út
fyrir öll velsæmismörk.
Í dagbók lögreglunnar segir að
tveir lögreglumenn hafi farið á vett-
vang til að kynna sér málið og höfðu
þeir tal af verslunareigandanum.
Sá tók athugasemdinni vel, en bar
við handvömm starfsmanna versl-
unarinnar hvað útstillinguna varð-
aði. Farið var í breyta útstillingunni
enda vildi verslunareigandinn ekki
særa blygðunarkennd fleiri borg-
ara. Eins og einhverjir hafa kannski
getið sér til um, var hér um að ræða
verslun sem selur hjálpartæki ástar-
lífsins og skyldan varning.
Geðhjálp Nýr formaður Geðhjálpar var
kosinn um helgina.
Halda listaverki
eftir frænda sinn
n Seldu hús í Selvogsgrunni og tóku höggmynd eftir Jóhann Eyfells
S
ysturnar Ingibjörg Eyfells
og Margrét Eyfells halda
mörg hundruð kílóa högg-
mynd eftir Jóhann Eyfells
frænda sinn samkvæmt
nýlegum úrskurði Héraðsdóms
Reykjavíkur. Úrskurðurinn féll í
byrjun mánaðarins. Höggmyndin,
Eyfellsvarðan, stóð fyrir utan hús
í þeirra eigu við Selvogsgrunn 10
þar til systurnar seldu húsið í fyrra.
Systurnar tóku höggmyndina þegar
þær seldu húsið. Áætlað verðmæti
verksins er 10 til 15 milljónir króna.
Kaupendur hússins, Ingvi Þor-
björnsson, Margrét Unnur Rögn-
valdsdóttir og Þorbjörn Sigurðsson
töldu hins vegar að höggmyndin
fylgdi með húsinu. Þeir höfðuðu
innsetningarmál gegn systrunum
vegna þessa og kröfuðust þess að
þær skiluðu höggmyndinni. Hér-
aðsdómur Reykjavíkur féllst hins
vegar ekki á máflutning þeirra.
Þetta kemur fram í úrskurðinum í
málinu sem DV hefur undir hönd-
um.
Gjöf til föður systranna
Húsið að Selvogsgrunni 10 var í
eigu foreldra systranna, Einars
Eyfells og Ingibjargar Eyfells. Við
fráfall þeirra erfðu systurnar húsið
sem Jóhann Eyfells teiknaði. Hús-
ið var reist árið 1960 og er um að
ræða eina húsið sem Jóhann hefur
teiknað. Jóhann er búsettur í Texas
í Bandaríkjunum og er hann lands-
þekktur höggmyndasviður, eitt af
verkum hans, Íslandsvörðuna má
sjá við Sæbrautina í Reykjavík. Verk
Jóhanns eru mjög verðmæt, líkt og
áætlað verðmæti Eyfellsvörðunnar
ber með sér.
Verkið komst í eigu föður þeirra
Ingibjargar og Margrétar árið 1969
þegar Jóhann gaf Einari Eyfells
verkið. Það hefur staðið á stöpli
við húsið síðan, eða þar til í fyrra
að systurnar létu fjarlægja verkið
við söluna á húsinu. Í úrskurðinum
kemur fram að systurnar hafi ætl-
að sér að koma verkinu fyrir á
leiði foreldra sinna. Húsið var selt
á um 60 milljónir króna þannig
að ef höggmyndin hefði fylgt með
hefðu kaupendurnir fengið í kaup-
bæti listaverk upp á tíu til fimmtán
milljónir króna.
Ekkert um verkið í
kaupsamningi
Í úrskurðinum í málinu er tekið
undir þann málflutning systranna
að aldrei hafi staðið til að högg-
myndin væri hluti af kaupunum á
húsinu. Þetta er helsta málsástæð-
an sem liggur til grundvallar niður-
stöðu dómsins. Um þetta segir í úr-
skurðinum: „Eins og fram er komið
var ekkert getið um listaverkið í
söluyfirliti, tilboðum sem milli að-
ila gengu eða kaupsamningi. Verð-
ur sú ályktun ekki dregin af lýsingu
eignarinnar í þessum gögnum að
gerðarbeiðendur hafi mátt ætla að
verkið fylgdi með í kaupunum.“ Á
þessum forsendum er komist að
þeirri niðurstöðu að systurnar hafi
ekki gerst sekar um „ólögmæta
sjálftöku á verkinu“. Úrskurðurinn
í málinu er ansi afdráttarlaus þeim
í hag.
Kærðar til lögreglunnar
Þrátt fyrir að úrskurðurinn sé af-
dráttarlaus þá kemur einnig fram
að kaupendur hússins hafi kært
systurnar til lögreglunnar fyrir
þjófnað eftir að höggmyndin var
fjarlægð úr garðinum við húsið. Þá
var forstöðumaður Listasafns ASÍ
einnig kærður en safnið fékk verkið
lánað til að hafa það á sýningu og
kom að flutningi þess úr garðinum.
Sú kæra var tekin til meðferðar hjá
lögreglunni á höfuðborgarsvæðinu
en var látin niður falla í nóvember
síðastliðnum þar sem málið þótti
ekki tækt til rannsóknar. Eftir því
sem næst verður komist er lista-
verkið ennþá í vörslu þeirra systra.
DV hefur ekki heimildir fyrir
því hvað eigendur hússins hyggj-
ast gera næst í málinu, til dæmis
höfða einkamál gegn systrunum
fyrir Héraðsdómi Reykjavíkur, eða
hvort ekkert frekar verði aðhafst
vegna þess verks Jóhanns Eyfells. n
Ingi Freyr Vilhjálmsson
fréttastjóri skrifar ingi@dv.is
„Eins og fram er
komið var ekkert
getið um listaverkið í
söluyfirliti, tilboðum sem
milli aðila gengu eða
kaupsamningi.
Eyfellsvarðan Höggmyndin Eyfells­
varðan sem stóð við Selvogsgrunn 10 er eftir
Jóhann Eyfells myndhöggvara. Hann gaf
Einari bróður sínum verkið árið 1969. Deilur
um verkið eru komnar fyrir dóm.
Kærð til lögreglu
Brottnám verksins,
sem sést hér fyrir utan
Selvogsgrunn, hefur verið
kært til lögreglunnar.
www.3frakkar.com | sími: 552 3939
Sjálfstæðismenn, við viljum
ferska lúðu aftur á diskinn