Dagblaðið Vísir - DV - 15.04.2013, Blaðsíða 10

10 Fréttir 15. apríl 2013 Mánudagur
Harmleikurinn á Hátindi
n Biðu björgunarsveitarmanna í þrjá tíma í ískulda og hvassviðri á Esjunni n Reyndu að gera allt rétt n Lögregla hefur ekki enn lokið rannsókn á slysinu
L
ögreglurannsókn á því þegar
Birna Steingrímsdóttir hrap-
aði til bana á Hátindi í byrj-
un febrúar stendur enn yfir.
Þórður Marelsson fararstjóri
segir að erfiðar hugsanir og mikil
sorg hafi sótt á hann síðan slysið
varð. Hann segir að enginn hafi
varað hann við að veður gæti orðið
mjög slæmt þennan dag og enginn
hafi latt hann til fararinnar. Fram-
kvæmdastjóri Landsbjargar segir
að björgunarmenn hafi unnið við
gífurlega erfiðar aðstæður og að-
gerðin hafi tekið verulega á björg-
unarmenn og þá sem tóku þátt í
henni.
„Það er erfitt að útskýra hvernig
manni líður akkúrat við þessar
aðstæður. Þetta er verkefni sem
maður þarf að takast á við. Maður
reynir að halda á sér hita á með-
an maður bíður, og sinna þeim
verk efnum sem þarf að vinna. Hlú
að þeim slasaða og vera í sam-
bandi við björgunarmenn. Eftir á
fyllist maður mikilli sorg og það
sækja að manni alls konar hugsan-
ir,“ segir Þórður Marelsson, farar-
stjóri og einn eigenda fyrirtækisins
Fjallavina. Þórður var fararstjóri
í örlagaríkri ferð sunnudaginn 3.
ferbrúar síðastliðinn þegar hann
ásamt tveimur öðrum fararstjórum
leiddi hóp af göngufólki upp á Há-
tind í Esju. Í þessari ferð fórst einn
úr hópnum, Birna Steingrímsdóttir.
Frá því að slysið varð og þang-
að til fyrstu björgunarmenn komu
á staðinn liðu um þrjár klukku-
stundir. Á meðan beið Þórður
ásamt tveimur öðrum yfir líki
Birnu í hvössum vindi, ofankomu
og grimmdarfrosti. Á meðan mín-
úturnar siluðust áfram reyndu þeir
að berja sér til hita og ganga um.
Þegar þeir komust niður af fjallinu
var þeim orðið mjög kalt.
Lögreglan á höfuðborgarsvæð-
inu hefur ekki enn lokið rann-
sókn á banaslysinu á Hátindi. Að
sögn Björgvins Björgvinssonar að-
stoðarlögreglustjóra verður mál-
ið, að rannsókn lokinni, sent til
ákærusviðs embættis lögreglunnar
á höfuðborgarsvæðinu, þar verður
tekin ákvörðun um framhald
þess. Lögregla rannsakar öll slys
og mannslát sem eiga sér stað
utan sjúkrastofnana. Í tilviki sem
þessu er meðal annars til rann-
sóknar hvort slysið megi rekja til
saknæmrar háttsemi. Til að fá úr
því skorið hefur lögregla yfirheyrt
göngumenn, fararstjóra og björg-
unarsveitarmenn.
Fjöllin flottu
Fyrirtækið Fjallavinir var stofnað
árið 2011, var tilgangurinn, eins og
nafnið gefur til kynna, að skipu-
leggja og selja fjallaferðir. Um síð-
ustu áramót var starfsemi fyrir-
tækisins skipt niður í nokkur ólík
verkefni. Eitt þeirra er kallað Fjöllin
flottu. Á verkefnaskránni voru nokk-
ur erfið og krefjandi fjöll. Fyrsta mál
á dagskrá var að ganga á Hátind í
Esju sem er 907 metra hár tind-
ur á hryggnum á milli Grafar dals
og Þverárdals. Þórður Marelsson
segir að rúmlega 20 manns taki þátt
í verk efninu Fjöllin flottu. „Átta-
tíu prósent af hópnum eru vant
fólk – fólk sem hefur gengið saman
í á annað ár. Birna var í þeim hópi.
Nokkrir eru búnir að ganga saman
og ferðast enn lengur. Þessu fólki
fannst veðrið í lagi þennan sunnu-
dag og vildi því ganga á tindinn.
Örfáir voru nýir í hópnum og höfðu
þeir eldri og reyndari eftirlit með
þeim.“
Aðstæður kannaðar
Helgina áður en hópurinn átti að
ganga á Hátind fór Þórður ásamt
tveimur öðrum í könnunarleiðang-
ur til að kanna aðstæður í fjallinu.
„Síðustu helgina í janúar ætluð-
um við að fara með hópinn upp en
frestuðum þeirri ferð vegna veðurs.
Helgina þar á eftir, fyrstu helgina í
febrúar, var svo ákveðið að fara og
þá voru aðstæður í fjallinu mun
betri en þegar við gengum á Hátind
tveimur vikum áður. Á miðvikudegi
var haft samband við alla göngu-
menn og þeim sagt að auk góðs
klæðnaðar yrðu þeir að hafa með
sér brodda, ísaxir, skíðagleraugu
eða allan þann búnað sem þarf í
erfiðar vetrarferðir.“
Engar viðvaranir
„Á sunnudagsmorgni er ákveðið að
leggja af stað skömmu fyrir birtingu
og allt leit vel út. Veðrið var gott.
Ég hafði tekið spána um morgun-
inn og mat það svo veðrið myndi
haldast þokkalegt fram eftir degi.“
Þórður segir að enginn hafi varað
hann við að það gæti verið hættu-
legt að fara á tindinn þennan dag
og enginn hafi latt hann til farar-
innar. Enginn í hópnum hafi viljað
snúa við eftir að lagt var af stað utan
tvær konur sem hættu við í upphafi
ferðar vegna lasleika.
Á milli klukkan tólf og eitt var
hópurinn kominn á Hátind og þar
staldrað við um stund enda kalt í
veðri, hvasst og lítils háttar ofan-
koma. Hópurinn hélt niður af fjall-
inu og gekk þokkalega, lögð hafði
verið lína ofarlega í fjallinu sem
menn studdu sig við á leiðinni
niður. Birna var fyrir miðjum hóp
en efst í línunni var Þórður. Enginn
veit hvað gerðist en Birnu virð-
ist hafa skrikað fótur, og hún rann
Jóhanna Margrét Einarsdóttir
blaðamaður skrifar johanna@dv.is
Birna Steingrímsdóttir
Fædd 31. júlí 1954 Dáin 3. febrúar 2013
Beið hjá Birnu í þrjá tíma
Þórður Marelsson, fararstjóri
Fjallavina, beið hjá Birnu
Steingrímsdóttur í þrjá tíma á
Hátindi í febrúar.