Dagblaðið Vísir - DV - 01.07.2013, Blaðsíða 4

4 Fréttir 1. júlí 2013 Mánudagur
Villi Valli sestur í helgan stein
n Leggur skærin frá sér eftir 63 ára starf
R
akarinn Vilberg Vilbergsson
hefur lagt skærin á hilluna eftir
63 ára starf. Greint er frá þessu
á vefnum Flateyri.is en þar
kemur fram að Vilberg, eða Villi Valli
eins og hann er jafnan kallaður, hafi
klippt Vestfirðinga í 63 ár. Hann byrj­
aði 20. júní árið 1950 og er ævin lega
mikið fjör hjá honum á rakarastof­
unni sem hann hefur rekið á Ísafirði.
Félagi hans á rakarastofunni, Samúel
J. Einarsson, mun halda rekstri stof­
unnar áfram.
„Það er alltaf góð stemning hérna,
skemmtilegir karlar sem koma og
góðar sögur sagðar eins og vera ber á
rakarastofu. En nú er mál að linni, nú
ætla ég að snúa mér að einhverjum
áhugamálum enda á ég nóg af þeim.
Kannski að ég taki fram trönurnar
og máli meira, svo er það tónlistin.
Ég hef svo gaman af henni,“ segir
Villi Valli í samtali við Flateyri.is en
Villi er ekki bara rakari heldur einnig
einn sá allra besti og virkasti tónlist­
armaður sem Vestfirðingar hafa átt.
Hann hefur skemmt fólki með
tónlist í rúmlega 70 ár en fyrst spil­
aði hann opinberlega á Sílaballi í
samkomuhúsinu á Flateyri aðeins
tólf ára gamall árið 1942.
„Kannski að ég taki trönurnar
fram í ellinni og máli eitthvað eða
geri mér litlar styttur, ég hef smíðað
litlar styttur úr járni enda lærði ég
snemma að smíða úr járni í smiðj­
unni hjá pabba. Svo hef ég verið að
leika mér með þetta smástyttu form
í ýmsum útfærslum. Það verður nóg
hjá mér að gera, ég þarf ekki að kvíða
því,“ segir Villi Valli enn fremur í
samtali við Flateyri.is.
T
veir unglingar eru hættir að
æfa með sunddeild Íþrótta­
bandalags Reykjanesbæj­
ar vegna meints andlegs
ofbeldis yfirþjálfara deildar­
innar, Anthony Douglas Kattan.
„Hann gerði grín að henni. Beindi
niðrandi orðum að henni fyrir fram­
an allan hópinn; hvað hún væri
lítil, hvernig hún væri í vextinum og
fleira,“ segir Guðrún Benediktsdótt­
ir, móðir annars þeirra unglinga sem
um ræðir, 17 ára stúlku, sem áður
var í ungmennalandsliðinu í sundi
en þorir ekki lengur að mæta á æf­
ingar vegna meintra eineltistilburða
þjálfarans. Hinn iðkandinn, strákur
á svipuðum aldri, er byrjaður að æfa
sund í Hafnarfirði. Honum fannst
Anthony niðurlægja hann og fannst
hann oft vera niðurbrotinn eftir
æfingar. Að sögn móður hans var
hann farinn að sýna andleg og lík­
amleg einkenni vanlíðunar.
Talað fyrir daufum eyrum
Anthony Douglas, sem er
Nýsjálendingur, var ráðinn til starfa
við sunddeild ÍRB, Íþróttabanda­
lag Reykjanesbæjar, árið 2010. Til að
byrja með gekk allt vel, að sögn Guð­
rúnar, og leist henni vel á nýja þjálf­
arann. Fljótlega eftir að hann tók
til starfa hafi hann hins vegar byrj­
að að níðast á dóttur hennar. Fyrst
þegar stúlkan kvartaði yfir þjálfaran­
um við foreldra sína tók Guðrún því
létt. „Enda er ekki hægt að ýta undir
allt sem 15 ára barn segir og kvartar
yfir,“ segir Guðrún. Í ágúst 2012 hætti
stúlkan hins vegar að mæta á æf­
ingar, enda þoldi hún hegðun þjálf­
arans ekki lengur. Þá ákvað Guðrún,
ásamt eiginmanni sínum, að kvarta
undan þjálfaranum en þau töluðu
fyrir daufum eyrum stjórnarinnar
sem stóð með þjálfaranum.
Sérstaklega komu viðbrögð for­
manns stjórnarinnar, Sigurbjargar
Róbertsdóttur, Guðrúnu á óvart en
hún stóð þétt við bakið á Anthony.
„Við kærðum málið í október, sem
eineltismál, til stjórnarinnar,“ segir
Guðrún og bætir við að í upphafi hafi
stjórnin reynt að stoppa kæruna, en
að lokum sent hana áfram til Æsku­
lýðsvettvangsins, sem tók málið til
umfjöllunar, og skilaði skýrslu sinni í
maí síðastliðnum.
Anthony ávíttur
Í skýrslunni er Anthony ávíttur fyrir
að hafa „farið út fyrir þann ramma
sem honum er ætlað að vinna inn­
an er varða samskipti“. Hann noti
orðalag eins og „horrible“, „erratic“
og „antisocial“ þegar hann ræði við
iðkendur sem hann er ekki sáttur
við. Þá segir einnig í skýrslunni að
skorti á að Anthony „taki tillit til
aldurs og þroska“ og hafi „ekki gætt
þess að sýna viðhlítandi virðingu og
kurteisi við X [stúlkuna, innsk. blm.]
og þrjá aðra iðkendur.“ Í skýrslunni
eru einnig gerðar athugasemdir við
tölvupóst sem Anthony sendi for­
eldrum stúlkunnar, eftir að þeir lýstu
óánægju sinni með eineltið. DV hef­
ur bréfið undir höndum, en í því er
hann harðorður í garð foreldranna
og fer ófögrum orðum um stúlkuna.
Viðbrögðin gagnrýnd
Skýrslan er skrifuð af ráðgjafahópi
Æskulýðsvettvangsins, sem skipaður
var þeim Kolbrúnu Baldursdóttur
sálfræðingi, Margréti Árnýju Sigur­
steinsdóttur og Sigrúnu A. Þorsteins­
dóttur. Þær finna að viðbrögðum
yfir stjórnar ÍRB og telja að hún hefði
átt að grípa strax inn í er kvartanir
bárust og skoða málið frá hlutlausu
sjónarmiði.
Í skýrslunni kemur fram að
fleiri iðkendur hafi kvartað undan
Anthony. Til dæmis er haft eftir
móður stráks að hann „hafi brotnað
vegna vanlíðunar á æfingum í maí
2012.“
„Ekki einelti“
Þegar blaðamaður hafði samband
við Sigurbjörgu Róbertsdóttur, sem
ásamt því að vera formaður téðrar
stjórnar er skólastjóri Akurskóla
í Reykjanesbæ, gerði hún lítið úr
málinu og hvatti blaðamann ítrek­
að til að hætta við að fjalla um mál­
ið. „Þetta er ekki einelti,“ sagði hún
meðal annars.
Viðbrögðin eru í samræmi við
reynslu Guðrúnar af samskiptum
við Sigurbjörgu vegna málsins. Guð­
rún nefnir sem dæmi að eftir að skýr­
sla Æskulýðsvettvangsins kom út hafi
hvorki hún, né aðrir stjórnarmeðlim­
ir, haft samband við þau fyrr en ellefu
dögum síðar þegar faðir stúlkunnar
sendi Sigurbjörgu bréf og benti henni
á þá niðurstöðu skýrslunnar að þjálf­
arinn hefði brotið af sér. „Mér finnst
ekki sæmandi að sunddeild með
vottun sem fyrirmyndarfélag ætli að
hunsa þá niðurstöðu,“ segir meðal
annars í bréfinu. Í svari sínu við póst­
inum segir Sigurbjörg meðal annars:
„Sæll Júlli. Það kemur fram á bls. 9 í
skýrslunni að enginn ásetningur eða
ætlun hafi legið að baki því sem mið­
ur fór.“ Þessi fullyrðing Sigur bjargar
um inntak skýrsl unnar er röng. Í skýr­
slunni segir svo um meintan ásetn­
ing þjálfarans: „Hér er þó ekki verið
að fullyrða að ásetningur eða ætlun A
um slíkt liggi til grundvallar.“
„Nei nei nei,“ sagði Sigurbjörg
aðspurð hvort stjórnin hygðist víkja
Anthony frá störfum vegna málsins
og bætti við: „Enda erum við með
30 aðra ánægða sundmenn og deild
sem er í þvílíkum uppgangi. Við höf­
um fengið hrós frá UMFÍ fyrir fagleg
störf og við erum ekkert að fara að
reka þennan þjálfara. Við erum að
ná geipilega góðum árangri og hann
hefur ekki gert neitt af sér.“
Engin afsökunarbeiðni
Guðrún segir dóttur sína vera með
böggum hildar vegna málsins. Sjálf
óttast hún að ferli dóttur sinnar
sem afrekssundkonu sé lokið. „Við
fengum ekki einu sinni afsökunar­
beiðni.“ n
n Tveir iðkendur hættir n Alvarlegar athugasemdir gerðar í skýrslu
Sundþjálfari
ÍrB Sakaður
um einelti
Baldur Eiríksson
blaðamaður skrifar baldure@dv.is
Anthony Douglas
Kattan Í skýrslu eru
gerðar athugasemdir
við að Anthony hafi
notað orð eins og
„horrible“, „erratic“
og „antisocial“.
„Við fengum ekki
einu sinni afsök-
unarbeiðni.
„Þetta
er ekki
einelti
Ekki einelti Sigurbjörg gefur lítið fyrir
niðurstöður skýrslu Æskulýðsvettvangs-
ins sem gerir alvarlegar athugasemdir við
framkomu Anthony Douglas sundþjálfara
gagnvart sundiðkendum.
Lögbann á
Vinnslustöðina
Sýslumaðurinn í Vestmanna­
eyjum setti lögbann á aðalfund
Vinnslustöðvarinnar í Vestmanna­
eyjum skömmu fyrir upphaf hans
á föstudag. Greint var frá þessu
á vef Ríkisútvarpsins en þar kom
fram að sýslumaðurinn hefði
bannað eigendum 36 prósenta
hlutafjár í útgerðinni, sem á tvö og
hálft prósent í Vinnslustöðinni, að
nýta atkvæðisrétt sinn á aðalfund­
inum. Lögbannið var sett að kröfu
útgerðarinnar Stillu og tengdra
aðila sem eru hluthafar í Vinnslu­
stöðinni en þessir aðilar hafa far­
ið fram á að rannsóknarmenn
verði skipaðir til að rannsaka
þætti varðandi ógildingu samruna
Ufsabergs og Vinnslustöðvarinn­
ar í bókhaldi og ársreikningum
Vinnslustöðvarinnar líkt og RÚV
greindir frá á sunnudag.
Landsdómur
barns síns tíma
„Þá er einlægast að breyta
stjórnar skránni. Því það er gert ráð
fyrir því í henni að lands dómur
sé til,“ sagði Jón Steinar Gunn­
laugsson, fyrrverandi hæstaréttar­
dómari, í samtali við fréttastofu
Ríkisútvarpsins á sunnudag þegar
hann var spurður hvort leggja
eigi landsdóm niður eftir ályktun
Evrópuþingsins um landsdóm.
Jón Steinar sagði landsdóm vera
barn síns tíma og þarf stjórnar­
skrárbreytingu að hans mati ef
leggja á hann niður.
MynD Af KEfLAViK.is
Lýsi á Dalvík
Vinnsla á kaldhreinsuðu lýsi úr
norðlensku hráefni er hafin á
Dalvík en að henni standa nýút­
skrifaðir sjávarútvegsfræðingar.
Fréttastofa Ríkisútvarpsins
greindi frá því að lýsið sé ætlað
fyrir Evrópumarkað en áætlað er
að framleiða lýsi úr átta tonnum
af lifur á dag þegar framleiðslan
verður komin á fullt.
síðasta skiptið Hér er Ástvaldur Guð-
mundsson úr Félagsbakaríinu, ævinlega
kallaður Addi Félags, í stólnum hjá Villa í
síðasta sinn. MynD fLATEyri.is