Dagblaðið Vísir - DV - 01.07.2013, Blaðsíða 15

Tíð þjálfaraskipTi
mikið áhyggjuefni
Sport 15
A
llra síðustu árin hefur
það færst í vöxt meðal
knattspyrnufélaga í Evrópu
að ráða til starfa sérstaka
menn sem gjarnan eru titl-
aðir yfirmenn knattspyrnumála,
tæknilegir stjórar eða sérstakir ráð-
gjafar. Þessi tískubylgja náði reynd-
ar ekki til Englands lengi vel en það
hefur gjörbreyst og nú finnast slíkir
menn meðal allra stórliðanna að
heita. Hvort þessi þróun hefur haft í
för með sér að hending ræður hvort
þjálfarar endast lengur en tvö eða
þrjú tímabil er nokkuð sem mikið er
rætt þessa dagana.
Þessi umræða tók kipp í kjölfar
þess að Alex Ferguson hætti þjálfun
Manchester United eftir áratuga veru
í stjórastólnum. Nú þegar sá mæti
maður er horfinn á braut er í raun að-
eins einn þjálfari í allri ensku úrvals-
deildinni sem státar af því að hafa
enst í starfi lengur en fimm mínútur.
Það er Arsene Wenger hjá Arsenal
sem hefur staðið vaktina þar í tæp
sautján ár. Annars staðar er reynslan
þó á hinn veginn. Þjálfarar fá aðeins
tvö til þrjú tímabil til að gera góða
hluti áður en þeir halda annað vegna
góðs árangurs eða fá sparkið þegar
markmið stjórna nást ekki. Merkileg-
ast þykir að hvorki reynsla né fyrri ár-
angur virðist hafa mikið að segja.
Eitt ár að meðaltali
Að David Moyes undanskildum,
sem þjálfaði Everton um margra ára
skeið, og Arsene Wenger er leitun
að öðrum þjálfurum í efri deildum
Englands sem hafa haldið starfi sínu
lengur en tvö, þrjú ár að meðaltali.
Reyndar þarf að fara alla leið niður
í ensku þriðju deildina til að finna
þjálfara sem hefur verið á einum og
sama staðnum lengur en í fimm ár.
Það er Paul Tisdale, þjálfari Exeter,
og þjálfari Carlisle í annarri deild er
langt kominn í fimm árin sem þjálfari
þar. Enska knattspyrnusambandið
hélt ráðstefnu í vor þar sem þetta
mál var rætt enda þykir mörgum
miður að skyndilausnir ráði í boltan-
um þar í landi. Meðal þess sem fram
kom á þeirri ráðstefnu var að í ensku
fyrstu deildinni er meðalstarfstími
allra þjálfaranna rétt rúmlega eitt ár.
Þannig má segja að þjálfarar nútím-
ans verði að skila árangri strax á sínu
fyrsta starfsári ellegar búa sig und-
ir að þiggja atvinnuleysis bætur fljót-
lega.
Starfsöryggið ekkert
Þessi skýlausa krafa um árangur og
það ekki seinna en í gær er að valda
straumhvörfum í enska boltanum,
sagði í ályktun sem knattspyrnu-
sambandið sendi frá sér að fundin-
um loknum og það ekki í jákvæðri
merkingu. Bæði er starfsöryggið
ekkert hjá þjálfurum og ekki þykir
heldur gott fyrir leikmenn liðs að fá
nýja stjóra með reglulega millibili
og breyta um stíl og leik og æfingar
í hvert einasta sinn. Og dæmin eru
mörg afar dapurleg. Það hefur til
að mynda varla verið upplífgandi
fyrir leikmenn Úlfanna að æfa und-
ir stjórn fimm mismunandi þjálf-
ara á aðeins sautján mánuðum.
Sömu sögu er að segja af Blackburn
sem hafði fimm stjóra á síðasta
tímabili. Þar af tvo stjóra sem ent-
ust varla tvo mánuði hvor um sig.
Örlítið betri er staðan hjá Leicester
City sem hefur eingöngu þurft að
skipta um þjálfara sautján sinnum
síðustu átta árin. Southampton hef-
ur skipt fimmtán sinnum um sinn
þjálfara frá árinu 2005. Svona má
lengi telja og tíð skipti á þjálfurum
engan veginn bundin við smærri
lið í neðri deildum. Starfsöryggið er
ekki meira hjá stórliðunum heldur.
Liverpool, Tottenham, Manchester
City og Chelsea hafa skipt svo ört
um þjálfara hin síðari ár að farsa-
kennt þykir.
Komið til að vera
En þetta vandamál, ef vandamál
skyldi kalla, er ekki einskorðað við
England. Sama þróun á sér stað alls
staðar, líka hér á Íslandi, enda krafa
allra eigenda og stjórna sú að sigra,
sigra og sigra og það strax. Fáir þjálf-
arar fá nægan tíma til að byggja upp
eða skipuleggja lið eftir sínu höfði
enda tekur slíkt lengri tíma en eitt
einasta tímabil eða skemur nema
eitthvað stórkostlegt komi til. Kom
enda á daginn á fyrrnefndri ráð-
stefnu knattspyrnusambandsins að
ýmsir þar töldu þessa þróun vera
hluta af því hversu einhæfur enski
boltinn er orðinn þar sem sömu
fimm til sex félagsliðin enda í sömu
eða svipuðu sætunum á toppnum
ár eftir ár. Sem getur vart verið já-
kvætt. n
Mánudagur 1. júlí 2013
Vörn besta sóknin
n Tölfræði Álfukeppninnar í Brasilíu nokkuð merkileg
Þ
ótt leikmönnum landsliðs
Spánar sé fjölmargt til lista
lagt og þar sé sannarlega
valinn maður í hverju rúmi
þá verður að teljast æði
merkilegt að þrír bestu leikmenn
liðsins á nýliðinni Álfukeppni í
knattspyrnu séu allir varnarmenn.
Afar nákvæm tölfræði er tekin
saman um hvern einasta leikmann
sem þar keppti og hverjum og ein-
um leikmanni gefin einkunn með
tilliti til ýmissa þátta. Þeirri töl-
fræði svo rennt í gegnum sérstaka
stærðfræðiformúlu sem jafnframt
tekur tillit til hversu sterkur and-
stæðingurinn er hverju sinni. Að
því loknu fá leikmenn einkunn.
Og athyglisvert er að þrír efstu
menn heims- og Evrópumeistara
Spánar reyndust vera þrír varnar-
menn eftir að riðlakeppninni lauk.
Efstur á blaði var Jordi Alba með
9,57 í meðaleinkunn en rétt á eftir
honum voru þeir Sergio Ramos og
Gerard Pique.
Þetta er sérstakt fyrir margar
sakir. Í fyrsta lagi hefur það hing-
að til ekki verið vörnin sem stað-
ið hefur sig framar vonum síðustu
árin og gert Spánverja að meistur-
um þó varnarmenn leiki vitaskuld
stórt hlutverk. Það hafa verið ban-
eitraðir sóknarmenn liðsins og
umfram allt stórkostlegir leik-
stjórnendur og miðjumenn á borð
við Xavi og Iniesta sem fengið hafa
bestu einkunnir liðsins eftir stór-
keppnir síðustu ára.
Eftir riðlakeppnina í Bras-
ilíu náði Iniesta hæst fjórða besta
árangrinum innan liðsins og þeim
áttunda yfir alla leikmenn og Xavi
áttundi innan liðsins og númer
21 meðal allra leikmanna. Fjarri
því slæmur árangur en þessi leik-
menn voru báðir meðal fimm
bestu manna allra liða á bæði HM
og EM.
Knattspyrnuspekingar hjá
ESPN voru á einu máli um að þessi
tölfræði væri merki um að ný kyn-
slóð væri að taka yfir hjá Spánverj-
um og þótt frábær varnarleikur sé
ekki síðri hluti leiks en sóknin þá
vinnur lið ekki leiki þannig.
Menn geta verið sammála
því eða ósammála en í öllu
falli athyglis vert í aðdraganda
Heimsmeistarakeppninnar næsta
sumar að vægi þeirra sem best
hafa staðið sig undanfarin ár hjá
Spáni sé að minnka til muna. n
Albert Örn Eyþórsson
blaðamaður skrifar ritsjorn@dv.is
Þunglyndur
Arshavin
heldur heim
Andrei Arshavin opnar sig um
dvöl sína hjá Arsenal í viðtali við
rússneskt dagblað en hann hefur
gert samning við sitt gamla félag,
Zenit Petersburg, á ný en samn-
ingur hans við Arsenal rann sitt
skeið í vor. Í viðtalinu kemur fram
að Arshavin hafi verið nálægt
því að detta í alvarlegt þunglyndi
vegna fárra tækifæra sem hann
fékk með liði Arsenal en Rússinn
lék aðeins í 80 mínútur í allan vet-
ur. Hann verður líklegast að telj-
ast vera allra verstu kaup Arsene
Wenger en Arshavin var dýrasti
leikmaður sem Arsenal hafði
keypt fyrir fjórum árum þegar
Wenger fékk hann til liðsins. Hann
stóð sig vel fyrstu leiktíðina en
síðan hefur tækifærunum fækkað
jafnt og þétt.
Isco elskar
Barcelona
Ungstirnið Isco, sem Real Madrid
keypti nýlega frá Malaga, er af
mörgum talinn hafa allt til að bera
til að verða sönn stórstjarna fyrr
en síðar. Isco hefur ekki unnið sér
inn vinsældastig hjá sínu nýja liði
en í nýlegu viðtali sagðist hann
kalla hundinn sinn Messi sökum
þess að Messi væri algjörlega
einstakur knattspyrnumaður. Áður
hafði Isco á Twitter-síðu sinni
ítrekað látið í ljósi aðdáun á Börs-
ungum og leikmönnum þeirra og
það þykir miður gott að dásama
erkifjendur hjá Real Madrid.
Iniesta bjargar
Albacete
Andres Iniesta hóf knattspyrnu-
feril sinn sem ungur strákur í
unglingaliði Albacete áður en
njósnarar Barcelona komu auga
á hæfileika hans þegar strák-
urinn var tólf ára. Þó langt sé um
liðið ber Iniesta miklar taugar
til fæðingarbæjar síns og félags-
liðsins og hefur nú tvívegis á
skömmum tíma pungað út tölu-
verðum fjárhæðum úr eigin vasa
til að bjarga liði Albacete sem
glímir við mikla fjárhagserfið-
leika. Nýlega lét hann 40 millj-
ónir úr hendi rakna til að hægt
væri að greiða útistandandi laun
leikmanna liðsins og fyrir tveim-
ur árum setti hann 200 milljónir
króna í reksturinn. Það er þó ekki
bara af góðsemi sem hann dælir
peningum í liðið heldur er hann
stærsti hluthafi þess.
n Meðal starfstími eitt ár í 1.deildinni n Fimm stjórar á einu tímabili hjá Wolves
Jordi Alba Er
besti leikmaður
Spánar í Álfu-
keppninni í Brasilíu
samkvæmt
tölfræði.
Tveir góðir Eru tveir
af örfáum knattspyrnu-
stjórum í enska boltan-
um sem hafa verið lengi
við stjórnvölinn.