Dagblaðið Vísir - DV - 11.02.2014, Blaðsíða 24

Vikublað 11.–13. febrúar 201424 Neytendur
„Þjónarnir
virtust í það
minnsta ekki hafa tíma
til að biðjast afsökunar á
langri bið.
Matur:
Hraði:
Austurlandahraðlestin
Lækjargötu 8, 101 Reykjavík
Baldur Guðmundsson
baldur@dv.is
Gagnrýni
Hraðlestin af sporinu
A
usturlandahraðlestin í
Lækjar götu stendur ekki
undir nafni. Á þriðjudaginn
mátti ég bíða í 40 mínútur eft-
ir Thali hádegistilboði. Ég hef ver-
ið viðskiptavinur veitingastaðarins
í allnokkurn tíma enda er matur-
inn þar undantekningarlaust góður.
Thali er stolt staðarins, samkvæmt
heimasíðunni, og inniheldur tvo
kjúklingarétti, einn grænmetisrétt,
hrísgrjón naan-brauð, jógúrtsósu,
sætt mangó-chutney og einhvers
konar brauðflögur. Ég ráðlegg ölum
að prófa þennan rétt.
Þessa daganna býður Nova við-
skiptavinum sínum upp á 2 fyrir 1
á staðnum. Á þriðjudaginn, í það
minnsta, virtist staðurinn ekki undir
það búinn. Þá var neðri hæðin nokk-
uð þétt setin. Nokkur borð voru þó
laus þegar undirritaður mætti við
annan mann en öll lausu borðin voru
skítug. Ég veitti því athygli þegar ég
kom að flestir sátu við auð borð – og
biðu eftir matnum. Afgreiðslan úr
eldhúsinu gekk afar hægt og þjónarn-
ir tveir höfðu ekki undan.
Nokkrar mínútur liðu á milli þess
sem bjallan í eldhúsinu hringdi (og
réttur var tilbúinn), þó á að giska 70
prósent viðskiptavina staðarins panti
sama réttinn. Vera kann að hver og
einn réttur sé eldaður sjálfstætt, sem
út af fyrir sig gæti verið einhvers kon-
ar gæðastimpill, en í hádegi er ekki
boðlegt að vera látinn bíða í 40 mín-
útur – jafnvel þótt maturinn sé frá-
bær. Ég sá einn viðskiptavin kvarta
yfir langri bið og heyrði, beggja vegna
við mig, fólk hneykslast á biðinni.
Augljóst var að fleira starfsfólk hefði
þurft að standa vaktina. Þjónarnir
virtust í það minnsta ekki hafa tíma
til að biðjast afsökunar á langri bið –
þegar maturinn loksins barst; hvorki
okkur né þann sem ég heyrði að hafði
kvartað.
Thali kostar um 1.895 krónur og
viðskiptavinir Nova, sem fá 2 fyrir 1,
geta því gert vel við sig fyrir tiltölu-
lega lítinn pening. En þeir ættu ekki
að reyna það milli klukkan 12 og 13.
Þá gengur hraðlestin á við gamlan
sporvagn. n
Fjörutíu mínútna bið í hádeginu
Vörumerki Verslun Verð
Bílstóll Britax baby safe Ólavía og Ólíver 49.990 kr.
Ullarteppi Janus Babyull Ullarkistan 6.990 kr.
Rimlarúm Hensvik IKEA 16.950 kr.
Dýna í rimlarúm Vyssa Skönt IKEA 6.900 kr.
Leiga á vöggu Ólavía og Ólíver 6.900 kr.
Dýna – fylgir ekki vöggunni Ólavía og Ólíver 5.990 kr.
Vöggusæng Ringsted Royal Rúmfatalagerinn 11.950 kr.
Sængurföt x 3 Rúmfatalagerinn 1.995 kr. stk.
Lök x 5 Rúmfatalagerinn 895 kr. stk.
Gúmmídúkur Ólafía og Ólíver 1.290 kr.
Taubleiur Vandring IKEA 795 kr. 2 stk.
Bleiur Pampers new baby Hagkaup 749 kr. 25 stk.
Samfellur 6–8 stk. LINDEX 1.995 kr. 2 stk.
Sokkabuxur eða leggings 3–4 stk. LINDEX 1.195 kr. stk.
Síðerma bolir eða peysur 6–8 stk. Hagkaup 2.499 kr. stk.
Ein eða tvær þykkari peysur. Kría jakki 66°Norður 6.500 kr. stk.
Náttgallar 3–4 stk. Polarn O. Pyret 5.990 kr. stk.
Sokkar, helst ull. Nokkur pör. Janus Baby ullarsokkar Ullarkistan 1.690 kr. 2 pör
Prjónasett Heimagerð eða handprjónuð Bland.is 6.000 kr.
Heilgalli Janus Babyull Ullarkistan 6.490 kr.
Húfa Lindex Lindex 795 kr.
Húfa Janus Babyull Ullarkistan 2.390 kr.
Barnavagn Emmaljunga Varðan 219.990 kr.
Kerrupoki Trille Móðurást 19.990 kr.
Fyrsta barn kostar
500 þúsund krónur
O
ft er sagt að ekkert breyti
lífi fólks eins mikið og að
eignast barn. Undirbún-
ingurinn undir það er því
oft mikill og flestir foreldrar
vilja barninu sínu aðeins það besta.
Þegar barnið kemur í heiminn þarf
allt að vera tilbúið sem það þarf á
að halda en skiptar skoðanir eru á
því hvað þetta „allt“ sé. Heilbrigðis-
stofnun Suðurlands birtir á heima-
síðu sinni lista yfir það sem þarf að
eiga fyrir barnið en ef allt er keypt
nýtt á honum kostar pakkinn yfir 400
þúsund krónum. DV tók saman af
handahófi verð á þeim hlutum sem
birtir eru á listanum, sumt er ódýrt
en annað dýrara og samkvæmt þeim
útreikningum kostar það 426.039
krónur að eignast barn. Dýrasti staki
hluturinn á listanum er barnavagn
en ódýrasta týpa af Emmaljunga-
barnavögnum kostar 219.990 krónur
í Vörðunni. Hægt er að fá miklu dýr-
ari vagna en líka ódýrari, jafnvel þótt
keyptir séu nýir vagnar.
Hjá langflestum samanstendur
undirbúningur fyrir barneignir bæði
af innkaupum og því að fá lánað
enda löng hefð fyrir því að barnaföt
séu látin ganga milli fjölskyldumeð-
lima og systkina, sérstaklega þar
sem börn stækka svo hratt fyrstu
mánuðina og árin að engin leið er
fyrir þau að slíta fötunum sínum,
hvað þá áður en þau læra að skríða
og ganga.
Líflegur endursölumarkaður er
fyrir notað barnadót á internetinu,
bæði á sölusíðum á Facebook og á
vefnum bland.is en þar er oft hægt
að gera góð kaup. Oft eru líka ódýr-
ari vefverslanir þar sem borgar sig
að kaupa, jafnvel þótt það þurfi að
borga sendingarkostnað hingað
heim, tolla og afgreiðslugjöld.
Og þó að sumt sé betra að hafa
tilbúið þegar barnið kemur í heim-
inn er ágætt að miða við að það sé
keypt sem er ljóst að barnið komi til
með að þurfa, láta hitt bíða þangað
til þörfin er ljós og skjótast þá í búð.
Það er nefnilega hægt að kaupa hluti
eftir að barnið er fætt.
Hér á eftir er listinn frá
Heilbrigðis stofnun Suðurlands
ásamt verðdæmum úr ýmsum versl-
unum sem selja barnavörur. n
Getur hæglega kostað meira, en flestir blanda saman notuðu og nýju
Auður Alfífa Ketilsdóttir
fifa@dv.is
Listi Heilbrigðisstofnunar Suðurlands:
Ungbörn
þurfa ekki:
Verslanir með barnavörur hætta
ekki starfsemi daginn sem nýtt
barn kemur í heiminn. Þess vegna
er algjör óþarfi fyrir verðandi
foreldra að kaupa „allt“ áður en
barnið fæðist. Margt af því sem
reynt er að selja verðandi for-
eldrum er algjör óþarfi. Rándýrt
þroskaleikfang getur fallið í skugg-
ann af tómri gosflösku þó dæmi
séu um að rándýrar skjálfandi
kindur geti líka bjargað geðheilsu
fjölskyldunnar. Hér á eftir er listi af
vörum sem ungbörn þurfa ekki á
að halda. Hann er ekki tæmandi.
1 Þurrkuhitara Fæst börn hafa vit á að kvarta undan
köldum klútum, ef þau gera það
er hins vegar alveg hægt að hita
þá í lófanum í smá stund.
2 Skó Börn læra ekki að ganga fyrr en um eins árs
aldur svo fram að þeim tíma eru
skór bara gerðir til þess að detta
af fótunum og týnast.
3 Barnabað Það eru skiptar skoðanir um notkunargildi
barnabaðsins en flestar íbúðir
koma með annaðhvort sturtu eða
baði auk þess sem vaskar reynast
prýðilegustu ungbarnaböð.
Annars má líka nota vaskafat eða
skúringafötu.
4 Typpahattar Typpahattar eru litlir pappahattar gerðir
til að setja á typpið á drengjum
á meðan verið er að skipta á
þeim, svona af því að þeir hafa
tilhneigingu til að pissa einmitt
þá. Ef það gerist hins vegar flýgur
hatturinn af svo gamla góða
taubleiuráðið virkar best.
5 Bleiudallur Sérstök rusla-fata fyrir bleiur er í flestum
tilfellum óþörf því heimilið er
nú þegar með ruslafötu. Fæstir
vilja geyma margra daga safn af
notuðum bleium.
6 Skiptiborð Það er hægt að nota hvaða kommóðu sem
er sem skiptiborð og óþarfi að
kaupa það sérstaklega. Þá má líka
kaupa skiptimottu sem hægt er
að leggja hvar sem er.
7 Stærra hús Margir virðast gleyma því að ungbörn taka
mjög lítið pláss og því er algjör
óþarfi að rjúka til í
flutninga og fram-
kvæmdir. Þegar
barnið eldist er
líklegt að raun-
verulegar þarfir
fjölskyldunnar séu
orðnar skýrari og hægt að
huga að breytingum.
8 Barnamatvinnsluvél Sérstakar matvinnsluvélar
fyrir börn eru óþarfi. Hefðbundn-
ar matvinnsluvélar virka bæði
fyrir barnamat og fullorðins.
9 Skiptitaska Vissulega þarf einhverja tösku undir bleiur
og skiptidót en ef hún kemur úr
búð sem selur barnavörur eru
allar líkur á að hún sé miklu dýrari
en sambærilegar töskur sem ekki
eru ætlaðar börnum.
10 Pelahitari Eins og með önnur eldhústæki þarf ekki
að kaupa sérstakt pelahitunar-
tæki, eldhúsið er líklega nú þegar
fullt af þeim.
11 Lífsmarkamónitor Tæki sem nema öndun og hjart-
slátt í ungbörnum hafa bæði gerst
sek um að gefa frá sér merki í tíma
og ótíma jafnvel þó allt sé í lagi og
líka veita falskt öryggi. Tæki með
snúrum skapa slysahættu.