Dagblaðið Vísir - DV - 28.07.2010, Blaðsíða 3

MIÐVIKUDAGUR 28. júlí 2010 FRÉTTIR 3
AFSKRIFA MILLJÓNASKULDIR RUNÓLFS
Afskrifað hjá umboðsmanni Nýráðinn
umboðsmaður skuldara, Runólfur Ágústs-
son, fær tugi milljóna króna afskrifaðar hjá
Sparisjóðnum í Keflavík út af hlutabréfa-
kaupum í Háskólavöllum ehf. 2007.
Um embætti umboðsmanns skuldara:
„Embætti umboðsmanns skuldara
er ríkisstofnun sem hefur það
hlutverk að gæta hagsmuna og
réttinda skuldara eins og nánar er
kveðið á um í lögum um embættið
nr. 100/2010. Embættið mun einnig
annast fjármálaráðgjöf við einstakl-
inga sem til þessa hefur verið sinnt af
Ráðgjafarstofu um fjármál heimil-
anna en starfsemi hennar rennur inn
í embætti umboðsmanns þegar það
tekur til starfa 1. ágúst.“
UMBOÐSMAÐUR
þann 20. desember, í blálok árs 2008.
Skuldirnar sem um ræðir eru því
skuldir Runólfs en ekki Steinbergs
því sá fyrrnefndi stofnaði til þeirra en
ekki sá síðarnefndi.
Árangurslaust fjárnám eða
gjaldþrot
Staða þessa félags Runólfs er því sú að
Sparisjóðurinn í Keflavík þarf annað-
hvort að gera árangurslaust fjárnám
hjá félaginu, en engar persónulegar
ábyrgðir voru fyrir hendi þegar Run-
ólfur fékk lánið, eða gefa þarf félagið
upp til gjaldþrotaskipta. Engar eignir
eru inni í félaginu, nema hlutaféð og
hlutabréfin í Icebank, og er því lítið
að sækja þangað fyrir sparisjóðinn,
annað en umrædd hlutabréf sem eru
lítils virði. Fjárnámsleiðin er því ekki
heppileg fyrir sparisjóðinn auk þess
sem leggja þyrfti út í nokkuð háan
kostnað, um 400 þúsund krónur,
vegna fjárnámsaðgerðarinnar. Skárri
kosturinn fyrir sparisjóðinn er því sá
að Obduro verði gefið upp til gjald-
þrotaskipta.
Sama hvor leiðin er farin er ljóst
að Sparisjóðurinn í Keflavík er orð-
inn eigandi að verðlausum hluta-
bréfum Obduro í Sparisjóðabank-
anum því veðið fyrir láninu hlýtur
að hafa verið í þessum bréfum sem
keypt voru. Einnig er ljóst að spari-
sjóðurinn þarf að afskrifa lán Runólfs
og Obduro.
Hefur ekki fylgst með félaginu
Runólfur segist aðspurður ekki hafa
fylgst með félaginu eftir að hann seldi
Steinbergi það árið 2008 og þar af
leiðandi geti hann ekki svarað spurn-
ingum um stöðu þess. Hann bendir
blaðamanni þess í stað á að ræða
við Steinberg um málefni félags-
ins. „Nei, ég veit það ekki og get því
ekki tjáð mig um hana því ég hef ekki
fylgst með þessu... Þú verður bara að
spyrja núverandi eiganda félagsins.“
Runólfur vill ekki gangast við því að
hann beri ábyrgð á þessum skuldum
þar sem hann segist hafa selt félag-
ið á meðan það var í plús. Runólfur
bendir því á Steinberg sem eignaðist
félagið með skuldum Runólfs.
Aðspurður hvort honum finn-
ist við hæfi að hann gegni emb-
ætti umboðsmanns skuldara í ljósi
þess að hann skilur eftir sig skulda-
hala upp á meira en hálfan milljarð
króna og hvort honum finnist að aðr-
ir skuldarar í bankakerfinu eigi þá að
fá sams konar meðferð og hann segir
Runólfur: „Þessi viðskipti voru eðli-
leg. Þarna var ekkert óeðlilegt á ferð-
inni eða ólöglegt.“
Þráspurður hvort honum finn-
ist það við hæfi að hann gegni þessi
embætti umboðsmanns skuldara í
ljósi þessara skulda sem hann stofn-
aði til og vegna þess að afskrifa þurfi
skuldirnar segir Runólfur. „Ég vísa
í fyrri svör. Ég vísa í fyrri svör... Það
er ekki mitt að svara því.“ Aðspurð-
ur hvort honum finnist ekki óábyrgt
að hafa tekið svo hátt lán sem nú þarf
að afskrifa segir Runólfur aftur að
viðskiptin hafi verið að frumkvæði
bankans og hafi verið eðlileg.
DV hafði samband við Steinberg
Finnbogason til að spyrja hann um
viðskiptin. Steinbergur hafði ekki
tíma til að ræða við blaðamann og
sagðist vera á hinni línunni.