Dagblaðið Vísir - DV - 28.07.2010, Blaðsíða 6

6 FRÉTTIR 28. júlí 2010 MIÐVIKUDAGUR
Taka ekki við
boðtækjum
Slökkviliðsmenn ætla ekki að verða
við beiðni frá slökkviliðsstjórunum
á höfuðborgarsvæðinu, Akureyri og
Suðurnesjum um að taka aftur við
boðtækjum sínum. Telur samninga-
nefnd sveitarfélaganna slökkviliðs-
menn gerast brotlega gagnvart lög-
um ef þeir bera ekki boðtækin. Búast
má við að næstu verkfallsaðgerðir
muni hefjast á föstudaginn í næstu
viku. Eftir það er boðað til verkfalla
á föstudögum náist ekki samningar
og allsherjarverkfall er boðað í sept-
ember næstkomandi.
„Inspired by er-
lendir blaðamenn“
„Og nú er ekki nóg með að ég þurfi
að fylgjast með erlendum fjölmiðl-
um til þess að fá vitræna umfjöllun
um erlenda menningu – ég þarf líka
að fylgjast með þeim ef ég vil geta
lesið eitthvað af viti um Hjaltalín og
Sinfóníuhljómsveitina,“ ritar blaða-
maðurinn Ásgeir H. Ingólfsson í
pistli undir fyrirsögninni „Inspired
by erlendir blaðamenn“ á heima-
síðuna kistan.is. Eins og DV hefur
fjallað um fékk hljómsveitin Hjalta-
lín fjórtán fjölmiðlamenn til þess að
koma hingað til lands þann 16. júní
til að vera viðstaddir tónleika henn-
ar og Sinfóníuhljómsveitar Íslands. 
Fýluferð
slökkviliðs
Þrír bílar slökkviliðsins á höfuð-
borgarsvæðinu fóru áleiðis upp
í Skálafell rétt eftir klukkan 13.00
eftir að tilkynnt var um svartan
reyk á svæðinu. Bílunum var hins
vegar snúið við þegar í ljós kom
að hvorki reyndist vera reykur né
eldur á svæðinu. Að sögn varð-
stjóra hjá slökkviliðinu kom lög-
regla fyrst á svæðið og staðfesti
hún að ekki væri neinn reykur
eða eldur sýnilegur á svæðinu.
Einkavæðingin
rannsökuð
Jóhanna Sigurðardóttir og Steingrím-
ur J. Sigfússon tilkynntu á blaða-
mannafundi að skipuð verði rann-
sóknarnefnd sem falið verður að gera
úttekt á einkavæðingu orkugeirans.
Lögmæti kaupa Magma Energy verð-
ur skoðað en Jóhanna ítrekaði að ekki
lægi fyrir að þetta þýddi að Magma
fengi ekki að kaupa. Um verður að
ræða nefnd óháðra sérfræðinga sem
falið verður að fara yfir einkavæðingu
orkufyrirtækja á undanförnum árum,
og falla kaup Magma á HS Orku und-
ir það sem og einkavæðing HS Orku.
Almenn úttekt verður gerð á starfs-
umhverfi orkugeirans sem á að ljúka
í desember.
Ross Beaty, eigandi Magma Energy,
mun ekki veita viðbrögð við að-
gerðum ríkisstjórnarinnar frá því
á þriðjudag fyrr en í fyrsta lagi á
föstudag. Á þriðjudag var unnið að
því að þýða yfirlýsingu ríkisstjórn-
arinnar yfir á ensku fyrir stjórnend-
ur fyrirtækisins. Fylgdust stjórn-
endur Magma Energy í Vancouver
í Kanada með gangi mála í gegn-
um fulltrúa fyrirtækisins á Íslandi.
Þetta segir Alison Thompson, yfir-
maður fjárfestingatengsla hjá Mag-
ma Energy í Kanada.
Á þriðjudag kynnti ríkisstjórn-
in áform sín í Magma-málinu. Þar
kemur fram meðal annars að Gylfi
Magnússon, efnahags- og við-
skiptaráðherra, muni ekki staðfesta
álit meirihluta nefndar um erlenda
fjárfestingu sem taldi kaupin vera
lögmæt. Gylfi mun síðan senda
málsaðilum bréf þar sem staða
þeirra verður útskýrð.
Stjórnarflokkarnir hafa komið
sér saman um að hefja rannsókn
á því hvernig staðið hefur verið
að einkavæðingu orkufyrirtækja
síðustu ár. Þar verður sérstaklega
horft til þess hvernig hægt verði að
tryggja opinbert eignarhald á orku-
fyrirtækjum og auðlindum til fram-
búðar. Athygli verður beint að því
hvernig standi á því að Hitaveita
Suðurnesja, síðar HS Orka, hafi lent
í meirihlutaeigu einkaaðila.
Skilafrestur handan hornsins
Niðurstöðum um lögmæti kaupa
Magma Energy á eignarhlutnum í
HS Orku á að skila fyrir 15. ágúst og
niðurstöðum rannsóknar á einka-
væðingarferli Hitaveitu Suðurnesja
fyrir september. Niðurstöðum
rannsóknar á starfsumhverfi orku-
geirans á að skila fyrir desember.
Meðal annars verður kannað hvort
kaupin hafi bakað ríkinu skaða-
bótaskyldu.
Ríkisstjórnin hefur í hyggju að
undirbúa lagafrumvarp þar sem
opinbert eignarhald á mikilvæg-
um orkufyrirtækjum verði tryggt og
eignarhlutur einkaaðila verði tak-
markaður. Jóhanna Sigurðardóttir
forsætisráðherra sagði á þriðjudag
að henni þætti líklegt að vinnan
myndi miða að því að eignarhlut-
ur opinberra aðila verði að minnsta
kosti fimmtíu prósent. Þar verði
meðal annars horft til vinnu auð-
lindanefndar Karls Axelssonar.
Fulltrúar stjórnarflokkanna
funduðu um málið á mánudag,
en þá var orðið vart við verulega
óánægju meðal nokkurra þing-
manna Vinstri-grænna. Guðfríður
Lilja Grétarsdóttir, þingflokksform-
aður Vinstri-grænna, hótaði einn-
ig óbeint stjórnarslitum ef ríkis-
stjórnin gripi ekki í taumana vegna
fjárfestingar Magma í HS Orku.
Gremja merki um styrk
Þrátt fyrir þetta sagði Steingrím-
ur J. Sigfússon fjármálaráðherra að
það sýndi fram á styrk ríkisstjórn-
arinnar að hún kæmist að farsælli
lendingu í málinu. „Vilja menn
frekar skipta á þessu og því þegar
menn voru sammála um allt í tólf
ár,“ sagði Steingrímur á þriðjudag
og skaut þar á framsóknar- og sjálf-
stæðismenn. Hann sagði það vera
gott mál ef fulltrúar stjórnarflokk-
anna kæmu á framfæri efasemdum
sínum um þá stefnu sem væri tekin.
Jóhanna lét þau fleygu orð falla
á flokksstjórnarfundi Samfylk-
ingarinnar í mars að það væri líkt
og að smala köttum að ná saman
meirihluta á Alþingi og vísaði þar
til samstarfsfólks hennar í Vinstri-
grænum. Á fundinum í gær var
hún spurð að því hvort það væri
enn eins og að smala köttum að ná
meirihluta í málum. Jóhanna neit-
aði því en Steingrímur tók þá til
máls. „Ég er ekki sérlega góður í að
smala köttum en ég er mjög góður í
að smala rollum,“ svaraði hann.
Um fimmtán þúsund undir-
skriftir hafa safnast á vefinn orku-
audlindir.is þar sem stjórnvöld
eru hvött til þess að gera það sem
í þeirra valdi stendur til að rifta
samningnum. Jón Þórisson, einn
talsmanna hópsins, segir að hóp-
urinn muni halda áfram sinni bar-
áttu þótt ríkisstjórnin hafi kynnt til
hvaða aðgerða hún hygðist grípa.
„Ég veit ekki alveg hvernig ég á að
túlka þetta. Ég hefði kosið að tekin
hefði verið ákvörðun um að stoppa
þetta. Þar þyrfti ekkert til nema pól-
itískan vilja. Þessir gjörningar eru
enn í gangi og er hugsanlegt að
vinda ofan af þeim áður en of langt
er gengið,“ segir Jón.
Jón segir stjórnvöld eiga að
gefa þjóðinni kost á því að greiða
atkvæði um hvernig hún vilji sjá
þessum málum farið í framtíð-
inni. Auk þess þurfi að spyrja
þess hverjir verði fengnir til þess
að fara með rannsókn á kaup-
unum og hvort ekki verði gætt
allra sjónarmiða þar.
Órólegir róast
Meirihluti nefndar um er-
lenda fjárfestingu hafði
komist að þeirri niðurstöðu að
kaup Magma Energy í HS Orku
hefðu staðist lög og að starfsem-
in í Svíþjóð hefði staðist allar kröf-
ur sem gerðar hefðu verið þar um.
Steingrímur segir að þegar kannað
verði lögmæti kaupanna verði aðal-
lega horft til þriggja atriða. Hvort
um hafi verið að ræða sniðgöngu,
þar sem starfsemi fyrirtækisins í
Svíþjóð hafi ekki verið nægj-
anlega umsvifamikil svo það
gæti fjárfest á Íslandi. Í öðru
lagi hvort um hafi verið að
ræða málamyndargjörning,
þar sem Magma Energy í Sví-
þjóð hafi verið raunveruleg-
ur kaupandi. Í þriðja lagi verði
kannað hvort skuldbinding-
ar fyrirtækisins gagnvart Evr-
ópska efnahagssvæðinu hafi
verið fullnægjandi og hvort
gera megi greinarmun á þeim
sem eru innan svæðisins
og utan þess.
Þing-
menn órólegu deildarinnar í
Vinstri-grænum hafa flestir lýst
því yfir að þeir séu ánægðir með
þá stefnu sem hafi verið tekin. Ög-
mundur Jónasson, þingmaður
flokksins, segir ánægjuefni að ríkis-
stjórnin hafi lýst yfir eindregnum
ásetningi um að vinda ofan af Mag-
ma-innrásinni í auðlindir Íslands
og að reistir verði varnarmúrar fyr-
ir almenning um orkuauðlindirn-
ar með lagasetningu í haust. „Þetta
er ekki í höfn, en ásetningurinn er
skýr og augljós og nú er að hrinda
honum í framkvæmd,“ segir Ög-
mundur.
BEATY SVARAR ENGU
UM STEFNU STJÓRNAR
Ross Beaty, eigandi Magma Energy, svarar engu um þá stefnu sem ríkisstjórnin tók í
Magma-málinu á þriðjudag. Fulltrúar fyrirtækisins fóru yfir málið eftir blaðamanna-
fund ríkisstjórnarinnar þar sem yfirlýsing hennar var þýdd yfir á ensku fyrir stjórn-
endur Magma í Vancouver. Engin viðbrögð fást frá Beaty fyrr en í fyrsta lagi á föstudag.
Ég er ekki sér-lega góður í að
smala köttum, en ég er
mjög góður í að smala
rollum.
RÓBERT HLYNUR BALDURSSON
blaðamaður skrifar: rhb@dv.is
Rannsókn á einkavæðingu Ríkisstjórninhyggst
skipanefndsemferyfireinkavæðinguorkufyrir-
tækja.Unniðverðuraðlagasetninguþarsemeign-
arhaldeinkaaðilaíorkuiðnaðiverðurtakmarkað.
MYND HÖRÐUR SVEINSSON
Hluthafar í Magma Energy Kanada
Ross Beaty / Sitka Foundation
45,38 Fjárfestingarsjóðir34,58%
Minni fjárfestar15,48%
AltaGas Income Trust 4,56%
HLUTHAFAR
Beaty í þungum þönkum AlisonThompson,
yfirmaðurfjárfestingatengslahjáMagma,segir
stjórnendurMagmaEnergyíKanadafarayfir
stefnuríkisstjórnarinnar.
MYND SIGTRYGGUR ARI