Dagblaðið Vísir - DV - 29.12.2010, Page 14

14 | Innlendur annáll 29. desember 2010 Áramótablað
1 Grunaður um morð í Hafnarfirði: Játaði ást á YouTube
Mál Gunnars Rúnars Sigurþórsson-
ar, sem játaði að hafa orðið Hannesi
Þór Helgasyni að bana í ágúst síðast-
liðnum, vakti mikla athygli á árinu.
DV.is birti fyrst fjölmiðla frétt þess
efnis að Gunnar Rúnar, sem áður
hafði vakið athygli fyrir að játa ást
sína á kærustu Hannesar á YouTube,
hefði verið handtekinn grunaður um
morðið. Við yfirheyrslur játaði hann
sök í málinu og bíður nú dóms sem
kveðinn verður upp á næsta ári.
2 Rökkuð niður eftir viðtal: „Ég þori ekki út úr húsi“
„Það er verið að leggja mig í þvílíkt
einelti út af þessu,“ sagði Freyja Dís
Númadóttir, öryrki og einstæð móðir,
í samtali við DV.is um miðjan desem-
ber. Freyja hafði kvöldið áður lýst
fjárhagserfiðleikum sínum í kvöld-
fréttum Stöðvar 2. Mál hennar vakti
mikla athygli, ekki síst í ljósi þess
að 75 prósent landsmanna eru með
minna í höndunum en Freyja um
hver mánaðamót. „Ég þori ekki út úr
húsi, ég læsi hurðinni og fer varlega í
að svara í síma,“ sagði hún.
3 Tékkneskur frambjóðandi lofar að stöðva eldgosið
Þó að fréttir af eldgosinu í Eyjafjalla-
jökli hafi fengið mikla athygli hér á
landi og erlendis var ein frétt sem
stóð upp úr á DV.is. Hún fjallaði um
tékkneska frambjóðandann Jiri Par-
oubek sem stóð í ströngu í kosn-
ingabaráttu þegar eldgosið stóð sem
hæst. Pólitískir andstæðingar hans
höfðu gert grín að honum fyrir að
velja sér vinsæl mál til að fá kosn-
ingu. Paroubek ákvað því að slá þess-
ari gagnrýni upp í grín með því að
birta hundruð plakata með mynd-
um af Eyjafjallajökli þar sem hann
lofar því að stöðva eldgosið. Það er
skemmst frá því að segja að frétt-
in sem birtist á DV.is fór sem eldur í
sinu um netmiðla í Tékklandi.
4 Með Westwick upp á herbergi: „Hann var algjör ruddi“
Gossip Girl-stjarnan Ed Westwick
heimsótti Ísland óvænt um miðjan
desember. Óhætt er að segja að hann
hafi málað miðbæinn rauðan eins og
fyrirsætan Lilja Ingibjargadóttir lýsti
í viðtali við DV en hún hitti hann um-
rætt kvöld og fór með honum upp á
hótelherbergi. Sagði Lilja að þegar
upp á hótelherbergi var komið hafi
Ed aðeins viljað sofa hjá henni en
það hafi hún ekki viljað. „Hann var
hrokafullur og algjör ruddi.“
Fór svo að Lilja fór með Ed, ásamt
vinkonu sinni, aftur í bæinn þar
sem þau heimsóttu skemmtistaðina
Engl ish Pub og Austur.
5 Jóni stóra nauðgað á Þjóðhá-tíð: „Hver var eiginlega að ...?“
Bók um meintan handrukkara Jón
Hilmar Hallgrímsson, eða andrukk-
arann eins og hann kýs sjálfur að
kalla sig, vakti mikla athygli í jóla-
bókaflóðinu. Í bókinni, sem skrif-
uð er af Helga Jean Claessen, er að
finna skemmtilega viðtalskafla við
Jón stóra. Einn þeirra er frá Þjóðhá-
tíð í Eyjum þegar Jón hafði ekki sof-
ið lengi. Hann og félagar hans höfðu
leigt hús í Eyjum og var þar mikill
gleðskapur. „Ég vakna við það að það
er verið að eiga við mig,“ segir Jón í
bókinni en hann grunaði kærustu
sína eða vinkonu hennar.
Mest lesnu fréttir á DV.is á árinu 2010
Janúar
7. janúar
Lést í eldsvoða á Hverfisgötu
Karlmaður á þrítugsaldri lést í elds-
voða sem upp kom í íbúðarhúsi
við Hverfisgötu 28 í Reykjavík. Lög-
reglumenn vöktu íbúa á tveimur
fyrstu hæðum hússins og reyndu að
komast upp í ris hússins að sækja
manninn en urðu frá að hörfa vegna
elds og reyks. Reykkafarar slökkvi-
liðsins á höfuðborgarsvæðinu náðu
hins vegar að komast að mannin-
um og sóttu hann. Hann hafði ekki
vaknað. Var hann fluttur á slysadeild
Landspítalans þar sem hann var úr-
skurðaður látinn.
30. janúar
Féll í sprungu
Sjö ára gömlum dreng var bjargað
úr sprungu á Langjökli. Hann hafði
fallið ásamt móður sinni niður í
þrjátíu metra djúpa sprungu. Móð-
ir drengsins lést í slysinu. Liðsmenn
Björgunarfélags Akraness, ásamt
öðrum björgunarsveitum, voru kall-
aðir út en þegar komið var á jökul-
inn var sú ákvörðun tekin að einn
skyldi látinn síga niður í sprunguna
til mæðginanna.
Janúar–desember
Langa Icesave-deilan
Ákvörðun Ólafs Ragnars Gríms-
sonar, forseta Íslands, um að vísa
nýsamþykktum Icesave-lögum til
þjóðarinnar vakti deilur og hörð
viðbrögð þvert á frómar óskir hans
sjálfs um að ákvörðunin leiddi til
varanlegra sátta og legði grunn
að góðri sambúð við aðrar þjóð-
ir. Stjórnarliðar leyndu ekki gremju
sinni frekar en talsmenn vinnu-
markaðarins, Breta og Hollendinga.
Ákvörðun sína tók Ólafur Ragn-
ar þriðjudaginn 5. janúar. Stjórnar-
flokkarnir héldu þingflokksfundi í
kjölfarið. „Geðþóttaákvörðun“, „hé-
gómagirnd“ og „tilraun til að hefja
sig upp úr feni útrásardæmisins“
voru orð sem gramir stjórnarliðar
létu falla um forsetann í samtölum
við blaðamann DV. Aðrir fögnuðu
ákvörðun forsetans, meðal annars
framsóknarmenn, þingmenn Hreyf-
ingarinnar, talsmenn InDefence og
fleiri.
Deilur á stjórnarheimilinu
„Það er rétt að ég verð ekki í för með
forseta Íslands til Indlands þótt um
opinbera heimsókn sé að ræða. Það
er einfaldlega ljóst að ég hef öðrum
og miklu brýnni verkefnum að sinna
sem utanríkisráðherra,“ sagði Össur
Skarphéðinsson utanríkisráðherra í
kjölfar synjunar forsetans. „Ákvörð-
un forsetans setur Ísland í þá stöðu
á alþjóðavettvangi að allt utanríkis-
ráðuneytið, og ekki síst ráðherrann
sjálfur, verður að vera í því slökkvi-
liði sem þarf að kæfa þá elda sem af
þessum degi hafa sprottið.“
Ögmundur Jónasson, félagi ut-
anríkisráðherrans, leit öðrum aug-
um á málið enda hafði hann flæmst
úr ríkisstjórninni vegna Icesave-
deilunnar nokkrum mánuðum áður.
„Þjóðin hefur verið í helgreipum
þessara vinaþjóða með fulltingi Al-
þjóðagjaldeyrissjóðsins sem hef-
ur verið sem útsendari þeirra. Það
er ekki við öðru að búast en að þær
bregðist hart við þegar við andæfum
og snúumst gegn okinu.“
„Þegar þjóðin kemur þannig fyrir
erlendis að forsetinn hafi gert upp-
reisn gegn þinginu, þá er það í fyrsta
lagi ekkert merkilegt að það fari í all-
ar fréttir og forsetinn fái viðtöl í BBC
og ég veit ekki hvað. Vegna þess að
svona gerist aldrei, að þjóðhöfðingi
geri uppreisn gegn þinginu,“ sagði
Svavar Gestsson í viðtali við DV í
byrjun febrúar. Hann hafði farið fyrir
nefndinni sem gerði fyrsta Icesave-
samninginn snemmsumars 2009.
Þjóðaratkvæði
Steingrími J. Sigfússyni, formanni
VG, þótti súrt í broti að þurfa að
leggja í þriðja leiðangurinn með
Icesave-málið eftir það sem á und-
an var gengið. Hann glímdi auk þess
við að slökkva elda í eigin flokki sem
ekki sér enn fyrir endann á. Að rjúfa
þing og boða til kosninga var ekki
fýsilegur kostur, ekki heldur fyrir
Samfylkinguna. Ríkisstjórnin sneri
sér því að því að undirbúa þjóðar-
atkvæðagreiðslu sem haldin var 6.
mars. Kjörsókn var um 63 prósent
og 93 prósent greiddu atkvæði gegn
samningnum sem Alþingi hafði
naumlega samþykkt.
Lee Buchheit var valinn formað-
ur Icesave-samninganefndar af öll-
um flokkum. Þá var Lárus Blöndal
lögfræðingur valinn til setu í nefnd-
inni af hálfu stjórnarandstæðinga.
Samningur sá sem ræddur verð-
ur þegar þing kemur saman seint í
janúar er samningurinn sem nefnd
Buchheits gerði við Hollendinga og
Breta.
Janúar
Milestone-yfirheyrslurnar
Þann 20. janúar byrjaði DV að segja
frá yfirheyrslunum hjá sérstökum
saksóknara yfir eigendum og stjórn-
endum eignarhaldsfélagsins Mile-
stone. DV hóf umfjöllunina með
lýsingum á dramatískri yfirheyrslu
yfir Steingrími Wernerssyni þar sem
hann fór hörðum orðum um Karl
Wernersson, bróður sinn, og Guð-
mund Ólason, forstjóra Milestone.
Samkvæmt því sem heimildir DV
hermdu vændi Steingrímur bróður
sinn um að hafa ítrekað farið á bak
við sig í rekstri Milestone og trygg-
ingafélagsins Sjóvár og skotið fjár-
munum undan í gegnum Milestone.
Bræðurnir áttu Milestone saman
en samkvæmt því sem Steingrímur
sagði í yfirheyrslunum kom hann
afar lítið að stjórn Milestone vegna
þess að Karl leyfði honum það ekki.
Sagði DV frá því að Steingrími hefði
fundist Karl ganga svo langt í stjórn-
seminni að hann hefði kallað bróð-
ur sinn „einræðisherra“ og sagði
hann hafa kúgað sig mikið með-
an þeir áttu Milestone saman. Yfir-
heyrslurnar yfir Steingrími voru sér-
staklega áhugaverðar í ljósi þess að í
þeim ræddi hann bæði um viðskipti
og erjur innan fjölskyldunnar um
rekstur Milstone en bæði Steingrím-
ur og Ingunn systir hans vildu losna
út úr Milestone. Karl vildi hins vegar
trauðla kaupa þau út úr félaginu.
Mikilvægasta atriðið í yfirheyrsl-
unni yfir Steingrími er að bótasjóði
Sjóvár hafi einfaldlega verið stýrt
frá skrifstofu Guðmundar Ólasonar
í höfuðstöðvum Milestone á Suður-
landsbrautinni. Steingrímur sagði
að Guðmundur og Karl hefðu tekið
við fjárfestingum Sjóvár eftir að sá
starfsmaður Sjóvár sem sá um þær
var látinn fara frá félaginu. Stein-
grímur mun meðal annars af þess-
um ástæðum hafa sagt að Guð-
mundur og Karl hafi keyrt Milestone
í þrot ásamt Jóhannesi Sigurðssyni.
Í kjölfarið fylgdu frásagnir í DV af
yfirheyrslunum yfir Karli Werners-
syni, Guðmundi Ólasyni og Þór Sig-
fússyni, fyrrverandi forstjóra Sjóvár.
Yfirheyrslurnar gáfu nokkuð góða
mynd af þeirri ótrúlegu óráðsíu sem
einkenndi starfsemi Milestone og
var meðferð félagsins á tryggingafé-
laginu Sjóvá aðalatriðið í yfirheyrsl-
unum.
Janúar-desember
Bjarni Ben og 45 milljarða
Vafningur
DV sagði fréttir af því í lok árs 2009
og árið 2010 hvernig Bjarni Bene-
diktsson, núverandi formaður Sjálf-
stæðisflokksins, tók þátt í því að ná
um 45 milljörðum króna út úr trygg-
ingafélaginu Sjóvá og Glitni á fyrri
hluta árs 2008 til að greiða niður lán
eignarhaldsfélaga sem voru í eigu
fjölskyldu Bjarna og eignarhaldsfé-
lagsins Milestone.
Bjarni veðsetti hlutabréf í félag-
inu Vafningi sem gagngert var búið
til til að taka við umræddum lánum
frá félögunum og greiða lánin niður.
Annað félag, Svartháfur, var sömu-
leiðis búið til í fléttunni og var faðir
eigenda Milestone látinn eiga félag-
ið og taka við lánum frá Glitni upp á
meira en 30 milljarða króna sem síð-
an var miðlað strax áfram til annarra
félaga sem voru í eigu Milestone og
ættingja Bjarna Ben. Rúmir 15 millj-
arðar fóru út úr Sjóvá í viðskipta-
fléttunni. Bæði félögin, Vafningur
og Svartháfur, voru í reynd leppfélög
sem notuð voru til að ná fjármunun-
um frá Glitni og Sjóvá þegar lausa-
fjárþurrðin var orðin mikil í íslenska
bankakerfinu.
Svartháfur var einn stærsti skuld-
ari Glitnis við bankahrunið 2008.
Einungis Landsbanki Íslands fékk
hærri lánveitingar en Svartháfur út
úr Glitni á árinu 2008, líkt og kom
fram í skýrslu sem franskt rannsókn-
arfyrirtæki vann fyrir sérstakan sak-
sóknara og greint var frá í desember.
Lánið til Svartháfs, sem nánast eng-
inn vissi um fyrr en löngu eftir hrun,
ÁR HAMFARA OG UPPGJÖRS
n 2010 einkenndist af hamförum og uppgjöri n Fallnar fjármálastjörnur
n Slys og náttúruhamfarir n Augu alheimsins á Íslandi n Gamlir draug-
ar sækja að þjóðkirkjunni n Ólga á stjórnarheimilinu n DV tekur saman
það sem bar hæst á árinu á innlendum vettvangi