Dagblaðið Vísir - DV - 29.12.2010, Side 29

Erlendur annáll | 29Áramótablað 29. desember 2010
Óblíð náttúra Fyndnar myndir Dýrin í fréttum Magnaðar myndir Átök og mótmæli Fólkið á árinu
Bestu ljósmyndir ársins 2010
SAAB-eigendur styðja málstaðinn Eigendur SAAB-bifreiða söfnuðust
saman í hollenska bænum Muiden, en þar er að finna SAAB-verksmiðju.
Eftir að bandaríski bílaframleiðandinn Chrysler, sem var eigandi SAAB, varð
gjaldþrota var óvíst hvort verksmiðjur SAAB yrðu reknar áfram.
Sleppur ekki Þessi rússneski mómælandi á ekki von á góðu þar sem
lögreglan hefur umkringt hann eftir mótmælafund í Moskvu sem stuðnings-
menn Garrí Kasparovs stóðu fyrir.
„Hlustið á reiði fólksins“ Fáir kunna að mótmæla betur en Frakkar.
Mikil mótmælahrina gekk yfir landið í október vegna breytinga á eftirlauna-
aldri, sem voru að lokum samþykktar.
Lagst á teinana Þessir þýsku mótmælendur lögðust á lestarteina við
smábæinn Harlingen. Voru þeir að mótmæla áframhaldandi rekstri á
kjarnorkuverum í Þýskalandi en þeim var tryggður rekstur til 2020 á árinu.
Grikkir vilja ekki AGS Orðsending grísks mótmælanda til Alþjóðagjald-
eyrissjóðsins um að hypja sig á brott. Grikkir þurftu að taka neyðarlán frá
Evrópusambandinu og Alþjóðagjaldeyrissjóðnum á árinu og horfa þeir fram á
gífurlegan niðurskurð og efnahagskreppu.
Alþýðlegur forsætisráðherra Nýr forsætisráðherra Bretlands, David
Cameron úr Íhaldsflokknum, sést hér gæða sér á pylsu ásamt Michael
Bloomberg, borgarstjóra New York.
Brown kveður Downingstræti Eftir kosningar í Bretlandi í maí var ljóst
að nýr forsætisráðherra myndi setjast að í Downingstræti 10. Hér sést Gordon
Brown yfirgefa ráðherrabústaðinn ásamt fjölskyldu sinni.
Elst í heimi og drekkur vodka Antisa Kvhichava frá Georgíu er hugsan-
lega elsta manneskja allra tíma. Hún segist vera fædd árið 1880, sem gerir
hana 130 ára gamla. Hér gæðir hún sér á vodka úr staupi.
Prinsinn staðfestir trúlofun Vilhjálmur Bretaprins staðfesti í nóvember
að hann og unnusta hans, Kate Middleton, væru trúlofuð. Hlaut trúlofunin
mikla athygli en þau munu binda hnútinn næsta sumar.
ESB útundan Hér sést kampakátur Barack Obama ráða ráðum sínum með
þjóðarleiðtogum Evrópuríkja. Forseti ráðherraráðs Evrópusambandsins, Herman
von Rompuy, virðist þó vera í skammarkróknum og fær ekki að vera með.
Maðurinn getur flogið Það er engu líkara en þessi skíðastökkvari í
Innsbrück í Austurríki sé fljúgandi í átt að borginni.
Jörðin opnast Íbúum smábæjarins Schmalkalden í Thüringen í
Þýskalandi brá heldur betur í brún þegar þessi risastóra hola myndaðist
í bænum, án nokkurs fyrirvara.
Lest lendir á rútu Á þessari mynd má sjá leifarnar af rútu sem stað-
næmdist á lestarteinum í Úkraínu. Alls létust 40 manns við áreksturinn
en talið er að bílstjóri rútunnar hafi verið ölvaður.
Olían brennd Mexíkóflói var vel mettaður af olíu eftir eitt alvarleg-
asta umhverfisslys síðari tíma þegar borpallur BP sprakk í apríl. Reynt
var að brenna olíuna sem leitaði upp á yfirborðið.
Magnaðar eldingar Þessi brynvarði bíll þýskra hermanna lenti í
eldingaregni nálægt Kandahar í Afganistan. Vonandi var eldingarvari á
bílnum.