Dagblaðið Vísir - DV - 29.12.2010, Side 39

Kvikmyndir | 39Áramótablað 29. desember 2010
The Adventures Of Tintin:
The Secret Of The Unicorn
Leikstjóri: Steven Spielberg.
Leikarar: Jamie Bell, Andy Serkis, Simon Pegg, Nick Frost, Daniel Craig.
Frumsýning í BNA: 23. desember 2011
n Það bíða margir eftir Tinnamyndum þeirra Peters Jacksons og
Stevens Spielbergs með mikilli óþreyju. Myndirnar verða tölvugerðar,
myndaðar með svipaðri tækni og Gollrir úr Hringadróttinssögu og apinn
stóri í King Kong og sér Weta um brellurnar. Spielberg mun leikstýra
fyrstu myndinni, Jackson þeirri næstu og stefna þeir á að klára þá þriðju
í sameiningu. Fyrsta myndin byggir á Krabbanum með gylltu klærnar,
Leyndardómi Einhyrningsins og Fjársjóði Rögnvaldar rauða.
Super 8
Leikstjóri: J.J. Abrams.
Leikarar: Elle Fanning, Amanda Michalka, Kyle Chandler.
Frumsýning í BNA: 10. júní 2011
n J.J. Abrams hefur ekkert viljað gefa upp um söguþráðinn, en hefur
gefið til kynna að myndin verði í anda Sci-Fi-kvikmynda Stevens
Spielbergs og fjalli á einhvern hátt um geimverur. Stikla fyrir
myndina var gefin út síðasta sumar og sýndi þar lest frá Area 51 fara
út af sporinu og óþekktar verur brjótast út úr einum vagninum.
Transformers: Dark of the Moon
Leikstjóri: Michael Bay.
Leikarar: Shia LaBeouf, Rosie Huntington-Whiteley, Josh Duhamel, Tyrese Gibson, John
Turturro, Frances McDormand, John Malkovich.
Frumsýning í BNA: 1. júlí 2011
n Ævintýri vélmennanna halda áfram en Optimus Prime og komast að því að geimflaug frá
heimaplánetu þeirra er að finna á tunglinu. Þá hefst kapphlaup við óvinaherinn til tunglsins.
Michael Bay er enn í leikstjórasætinu og tekst vonandi betur upp nú en síðast.
Djúpið
Leikstjóri: Baltasar Kormákur.
Leikarar: Ólafur Darri Ólafsson.
Frumsýning: Ekki vitað.
n Kvikmynd Baltasars Kormáks um afrek
Guðlaugs Friðþórssonar, sem synti fimm
kílómetra leið til lands í Heimey eftir
skipskaða 1984. Ólafur Darri Ólafsson fer
með hlutverk Guðlaugs, en kvikmyndin er
byggð á einleik Jóns Atla Jónassonar.
The Adjustment
Bureau
Leikstjóri: George Nolfi.
Leikarar: Matt Damon, Emily Blunt,
Anthony Mackie.
Frumsýning í BNA: 2011
n Gerð eftir sögu Philips K. Dick (Blade
Runner, Minority Report) og hefur verið lýst
sem Sci-Fi-rómans. Segir frá ástarævintýri
stjórnmálamanns og ballerínu og undarleg-
um öflum sem stía þeim í sundur.
127 hours
Leikstjóri: Danny Boyle.
Leikarar: James Franco, Amber Tamblyn, Kate Mara.
Frumsýning: 18. febrúar 2011
n Fjallgöngumaður fær yfir sig grjóthnullung og festist í afskekktu
gili í Utah þar sem enginn heyrir til hans og getur hann sig hvergi
hrært. Þar er hann fastur svo dögum skiptir og þarf að beita örvænt-
ingarfullum aðferðum til að lifa af. Byggt á sannri sögu fjallagarps-
ins Arons Ralstons. James Franco hefur fengið stjörnudóma fyrir
frammistöðu sína, og ekki getur skemmt fyrir að leikstjórinn sé
sjálfur Danny Boyle.
Water for Elephants
Leikstjóri: Francis Lawrence.
Leikarar: Robert Pattinson, Christoph Waltz, Reese Witherspoon.
Frumsýning í BNA: 15. apríl 2011
n Byggð á sögulegri skáldsögu Söru Guen um dýralæknanema sem
hættir námi til að slást í för með ferðasirkus.
Harry Potter
and the Deathly
Hallows: Part II
Leikstjóri: David Yates.
Leikarar: Daniel Radcliffe, Rupert Grint,
Emma Watson, Ralph Fiennes, Alan
Rickman, Helena Bonham Carter.
Frumsýning: 15. júlí 2011
n Fyrri hlutinn var sýndur fyrir rúmum
mánuði og gerði aðdáendur Harrys Potters
rígspennta fyrir þessum seinni hluta.
Green Lantern
Leikstjóri: Martin Campbell.
Leikarar: Ryan Reynolds, Mark Strong, Blake Lively,
Peter Sarsgaard, Tim Robbins.
Frumsýning í BNA: 17. júní 2011
n Enn ein kvikmyndin um ofurhetju, og önnur tveggja þetta árið
sem kennir sig við grænan lit. Hún er byggð á teiknimyndasögu sem
fyrst hóf göngu sína fyrir 70 árum og fjallar um ungan mann, Hal
Jordan (Ryan Reynolds), sem er fyrsti jarðarbúinn til að ganga til liðs
við alheimsofurhetjusveit. Leikstjórinn er Martin Campbell en hann
er einna þekktastur fyrir að hafa gert tvær frambærilegustu James
Bond kvikmyndir síðustu ára, GoldenEye og Casino Royale.
Thor
Leikstjóri: Kenneth Branagh.
Leikarar: Chris Hemsworth, Natalie Portman, Anthony Hopkins.
Frumsýning í BNA: 6. maí 2011
n Þrumuguðinn Þór er gerður útlægur úr Ásgarði og þarf hann að lifa
meðal manna. Þar verður hann fljótt einn af verndurum mannkyns
og berst gegn illum öflum. Þessi mynd er byggð á tæplega 50 ára
gömlum teiknimyndasögum Stans Lee og Jacks Kirbys, en hún
hefur verið í svokölluðu framleiðsluhelvíti um nokkurra ára skeið og
lengi leit út fyrir að ekkert yrði af gerð hennar. Loks tók leikarinn og
Shakespeare-leikstjórinn Kenneth Branagh myndina að sér og Chris
Hemsworth var ráðinn í hlutverk þrumuguðsins.
The Green Hornet
Leikstjóri: Michel Gondry.
Leikarar: Seth Rogen, Cameron Diaz, Edward James Olmos,
Edward Furlong, Tom Wilkinson.
Frumsýning: 21. janúar 2011
n Kvikmyndin The Green Hornet verður nú loks að veruleika en reynt
hefur verið að gera kvikmynd eftir samnefndum sjónvarpsþáttum í
nokkur ár. Lengi stóð til að Kevin Smith myndi leikstýra myndinni en
svo fór ekki og því situr hinn hæfileikaríki Michel Gondry í leikstjóra-
stólnum. Hann á að baki myndir á borð við Eternal Sunshine of the
Spotless Mind, The Science of Sleep og Be Kind Rewind auk margra
tónlistarmyndbanda Bjarkar.
Black Swan
Leikstjóri: Darren Aronofsky.
Leikarar: Natalie Portman,
Vincent Cassel, Mila Kunis.
Frumsýning: 4. febrúar 2011
n Nýjasta myndin frá leikstjóra
Requiem for a Dream og The
Wrestler. Segir frá átakanlegri
baráttu ballettdansara við
varaskeifu sína. Hefur verið
tilnefnd til fjögurra Golden
Globe verðlauna, m.a. fyrir leik
Natalie Portman.