Dagblaðið Vísir - DV - 29.08.2011, Blaðsíða 24

24 | Sport 29. ágúst 2011 Mánudagur
K
amerúninn Samuel
Eto'o, sem hefur verið
einn helsti markvarða­
hrellir Evrópu undan­
farin ár, er genginn til
liðs við dagestanska liðið Anzhi
Makhachkala. Þó að Samu­
el Eto'o sé aðeins þrítugur að
aldri á hann að baki gríðarlega
farsælan feril með bestu lið­
um Evrópu. Hann hefur þrí­
vegis unnið Meistaradeildina
með Barcelona og Internazio­
nale á Ítalíu. Hvers vegna ætti
einn besti framherji heims að
yfirgefa eitt flottasta lið heims
í einni af menningarborgum
Evrópu til að ganga til liðs við
lið sem heitir Anzhi Makhach­
kala og er í sjálfstjórnarhér­
aðinu Dagestan? Lið sem varla
nokkur maður þekkir. Svarið
við þeirri spurningu er trúlega
að finna á launaseðli Kamer­
únans, en hjá nýja liðinu fær
hann 1.648 milljónir króna
í árslaun. Sú upphæð ger­
ir hann að langlaunahæsta
fótboltamanni heims. Miklu
launahærri en stærstu stjörn­
ur heims á borð við Cristiano
Ronaldo og Lionell Messi.
Fékk liðið gefins
Dagestanska liðið Anzhi Mak­
hachkala, einnig þekkt sem
FC Anji, hefur spilað í rúss­
nesku deildarkeppninni frá
árinu 1992. Liðið vann sig upp
í efstu deild árið 2000 en féll
aftur árið 2002. Í fyrra náði lið­
ið að komast aftur upp í deild
þeirra bestu. Liðið á ekki beint
glæsilega sögu að baki, það
hefur einu sinni komist í úr­
slit rússnesku bikarkeppninn­
ar og einu sinni í forkeppni
Evrópudeildarinnar. Liðið lék
þar á móti Glasgow Rangers
en UEFA ákvað að leikurinn
skyldi spilaður á hlutlausum
leikvangi, þar sem ástandið á
svæðinu þótti of óstöðugt. Dag­
ar meðalmennsku virðast vera
að baki í Dagestan því rúss­
neski milljarðamæringurinn
Suleyman Kerimov hefur eign­
ast liðið. Kermimov er einn rík­
asti maður heims og eru eignir
hans metnar á um 915 milljarða
króna. Fyrstu fréttir af yfirtöku
Kerimovs voru þær að hann
hefði keypt liðið, en síðar kom í
ljós að að Magomedsalam Ma­
gomedov, forseti sjálfstjórnar­
héraðsins, hafði einfaldlega
gefið honum liðið gegn því að
hann setti peninga í það. Ker­
imov áformar að eyða 23 millj­
örðum króna í að byggja upp
innviði félagsins. Stærstur hluti
þeirrar upphæðar á að fara í
að byggja nýjan 40.000 manna
leikvang samkvæmt ströngustu
kröfum UEFA.
Rússneska Manchester City
Eigandinn hefur síðan varið
milljörðum króna í að kaupa
toppleikmenn úr evrópska
boltanum. Þeirra á meðal eru
Yuri Zhirkov frá Chelsea og
hinn reynslumikli brasilíski
bakvörður Roberto Carlos sem
er fyrirliði liðsins. Kerimov er
alls ekki hættur að styrkja lið­
ið, því talið er að hann muni
reyna að fá brasilísku stjörn­
una Neymar til liðsins. Neym­
ar er ekki talinn vera spenntur
fyrir því að fara til Dagestans,
en spænski gulldrengurinn
Raúl, sem leikur með Schalke,
hefur hins vegar verið sterk­
lega orðaður við liðið. Mark­
miðið er að tryggja liðinu sæti í
Meistaradeild Evrópu og síðan
að byggja upp alþjóðlegt stór­
veldi. Liðið hefur enda fengið
viðurnefnið rússneska Manc­
hester City, með vísan í hversu
hratt uppbyggingin úr meðal­
liði í topplið á að ganga.
Rússnesk knattspyrna hefur
verið á mikilli uppleið síðustu
ár, einkum vegna áhuga millj­
arðamæringa á að byggja lið­
in upp. HM í fótbolta fer fram
í landinu 2018. Stórt áhyggju­
efni fyrir Eto'o hlýtur að vera
að kynþáttahatur grasserar
meðal fótboltaáhugamanna
og hafa margir litaðir leikmenn
þurft að þola svívirðingar frá
áhorfendum. Eto'o hótaði eitt
sinn að ganga af velli ef hann
yrði fyrir barðinu á kynþátta­
fordómum úr stúkunni.
Óstöðugt ástand
Það er ekki hægt að segja að
Dagestan sé nafli alheimsins.
Höfuðborgin Makhachkala er
ein af hættulegustu borgum
Rússlands. Austan við Dagest­
an er hið stríðshrjáða sjálf­
stjórnarhérað Tsjetsjenía. Síð­
ustu 20 ár hefur spenna á milli
kynþátta verið viðvarandi. Ísl­
amskir skæruliðar hafa látið
til skarar skríða og hryðjuverk
hafa verið regluleg í landinu.
Helsta ástæðan fyrir óstöðug­
leika í landinu eru innbyrðis­
deilur múslima. Óhugnanleg
myndbönd af hrottafengnum
aftökum á ungum karlmönn­
um í Dagestan birtust á netinu
fyrir nokkrum árum. Menn­
irnir voru afhöfðaðir með
sveðjum fyrir framan mynda­
vélar. Af öryggisástæðum búa
Eto'o, Carlos og hinar stjörnur
liðsins ekki einu sinni í hér­
aðinu. Í stað þess búa þeir í
höfuðborginni Moskvu, sem
er í 2.000 kílómetra fjarlægð frá
Makhachkala. Sú vegalengd er
álíka löng og frá Reykjavík til
Amsterdam. Æfingar liðsins
fara fram í Moskvu en síðan
fljúga leikmennirnir til Dage­
stan fyrir heimaleiki.
„Fyrstu fréttir
af yfirtöku
Kerimovs voru þær
að hann hefði keypt
liðið, en síðar kom í
ljós að Magomedsa­
lam Magomedov,
forseti sjálfstjórnar­
héraðsins, hafði
einfaldlega gefið
K erimov liðið.
Hvert í ósköpunum
fór Samuel Eto'o?
n Kamerúninn genginn til liðs við rússneska Manchester City
n Býr í Moskvu af öryggisástæðum en flýgur 2.000 kílómetra á heimaleiki
Valgeir Örn Ragnarsson
valgeir@dv.is
Fótbolti
Framandi Það er fátt sem dregur fótboltamenn til Dagestan annað en
spikfeitur launatékki
Ríkur Samuel Eto’o ákvað að
ganga til liðs við moldríkt félag í
Dagestan þrátt fyir að þurfa að
fljúga 2.000 kílómetra á heimaleiki.
Marka-
maskína
Dzeko
Edin Dzeko brilleraði þegar
Manchester City rúllaði yfir
Tottenham, 5–1 á White Hart
Lane á sunnudaginn. Dzeko
er loksins að finna fjölina sína
hjá City eftir brösótta byrjun á
síðustu leiktíð. Samir Nasri gaf
tvær stoðsendingar á Dzeko í
sínum fyrsta leik fyrir City.
Harry Redknapp stjóri Tot­
tenham átti varla orð eftir leik­
inn og sagði City vera besta lið
í heimi.
Vettel vann
Sebastian Vettel var fljótastur
allra í Formúlu 1 kappakstr­
inum sem fram fór í Belgíu á
sunnudaginn. Mark Webber
var í öðru sæti. Eftir sigurinn
er Vettel langefstur í form­
úlunni með 259 stig í keppni
ökuþóra. Webber er hins vegar
í öðru sæti með 167 stig og
Fernando Alonso er í þriðja
sæti með 157 stig. Red Bull er
langefst í keppni bílaframleið­
enda með 426 stig. MacLaren
er í öðru sæti með 295 stig og
Ferrari í þriðja með 231 stig.
Skoraði
í sigurleik
Jóhann Berg Guðmunds­
son var á skotskónum þegar
hann kom inn á sem vara­
maður í hálfleik í leik fyrir lið
sitt AZ Alkmaar þegar liðið
vann Groningen 3–0 á útivelli.
Jóhann skoraði á 79. mínútu
leiksins þegar hann brunaði
upp völlinn í skyndisókn og
setti boltann í stöngina og inn.
Fluttur á
sjúkrahús
Didier Drogba var fluttur á
sjúkrahús eftir að hafa rotast við
slæmt höfuðhögg í leik Chel­
sea og Norwich
á laugardag­
inn. Framherj­
inn var borinn af
velli og beint
inn í sjúkra­
bíl. Hann
fór í sneið­
myndatöku
á spítala
en enginn
alvarleg
meiðsl
komu
í ljós.
Drogba
var því útskrifað­
ur af spítalanum
skömmu síðar.