Dagblaðið Vísir - DV - 29.08.2011, Blaðsíða 26
G
óður maður sagði við
mig: Það er gott að
flýta sér hægt. Og ég
er aldeilis að flýta mér
hægt,“ segir Níels Thi-
baud Girerd, betur þekktur
sem Nilli, sem undirbýr tökur
á sinni fyrstu stuttmynd. Tök-
ur áttu að fara af stað í sumar
en þeim var frestað og hefj-
ast þær á næstu vikum. Nilli
fjármagnar myndina sjálfur
og treystir því á velvilja fólks
í bransanum. Hann mun leik-
stýra Elfu Gísladóttur og Birni
Thors og mun stuttmyndin
segja sögu fíkniefnaneytanda.
Nilli segir söguna byggja
á reynslu vinar síns sem
brenndi sig illa á fíkniefna-
neyslu. „Ég fékk hugmyndina
um jólin, þá kom svolítið fyrir
vin minn sem hreyfði við mér.
Það er hræðilegt að flækjast í
heim fíkniefna. Ég get eigin-
lega ekki rætt þetta frekar,“
segir Nilli.
Undirbýr leikarana
andlega
Nilli segist ekki halda að hann
verði harður við leikarana. „Ég
reyni að vera eins sanngjarn og
ég get. Ég held ég sé nú enginn
harðstjóri, ég er bara 17 ára,
en hver veit? Kannski kemur
annað í ljós eftir nokkrar vik-
ur,“ segir hann og skellir upp
úr. „Ég hef mest verið í því að
undibúa leikarana andlega
undir hlutverkið og segja þeim
hvað ég vil fá frá þeim.“
Pressað á útskrift
Nilli stundar nám við Mennta-
skólann í Hamrahlíð og hefur
nóg fyrir stafni. Hann sló í gegn
með einlægum viðtalsþáttum
hjá Sjónvarpi mbl.is, kemur
fram í þáttunum Týnda kyn-
slóðin með þeim Birni Braga og
Þórunni Antoníu og tekur upp
stuttmynd. Hefur hann ein-
hvern tíma til að sinna náminu?
„Tja, það er nú það,“ segir
Nilli. „Eins og góð kona sagði
við mig: Farðu nú að útskrifast.
Það er pressa á mann frá ýms-
um stöðum,“ segir hann.
„En þegar ég loksins geri
það þá stefni ég á leiklistar-
skólann og þá bið ég kannski
Björn Braga um að vera í mín-
um þætti.“
kristjana@dv.is
26 | Fólk 29. ágúst 2011 Mánudagur
Byggir
á reynslu
góðs vinar
n Nilli undirbýr tökur á sinni fyrstu stuttmynd n Myndin fjallar um hræðilegan heim fíkniefna
n Reynsla vinar hans hreyfði við honum n Elfa Gísladóttir og Björn Thors í aðalhlutverkum
Nilli er stórhuga Með ótal verkefni í gangi
og á meðan reynir hann að sinna námi sínu við
Menntaskólann við Hamrahlíð.
„Ég fékk hug-
myndina um
jólin, þá kom svolít-
ið fyrir vin minn sem
hreyfði við mér.
Nilli er stórhuga Undirbýr tökur á sinni fyrstu stuttmynd.
Eru byrjuð
saman aftur
Fyrisætan Tinna Bergs og
fatahönnuðurinn Mundi eru
tekin saman á ný. Þau voru
par um tíma fyrir um það bil
ári en svo slitnaði upp úr. Þau
hafa greinilega fundið ástina
á ný í örmum hvort annars því
fyrir helgi tilkynntu þau um
breytta hjúskaparstöðu sína á
samskiptasíðunni Facebook
og skráðu sig saman í sam-
band. Tinna er farsæl fyrir-
sæta og hefur meðal annars
starfað mikið í London, Ind-
landi, Tókýó og á fleiri stöðum.
Hönnun Munda nýtur einnig
sífellt meiri vinsælda og fötin
hans eru seld víða um heim.
Það má því með sanni segja
að þau séu flott tískupar sem
tekið er eftir.
Sveppi þolir
ekkert væl
Ný mynd með þeim Sveppa
og Villa verður frumsýnd þann
6. september næstkomandi.
Myndin er sú þriðja og kallast
Algjör Sveppi og töfraskáp-
urinn. En nú lendir Sveppi í
ævintýrum þegar hann opnar
töfraskáp. Í myndinni fengu
þeir Sveppi og Villi að reyna
sig við ýmis áhættuatriði. Þeir
keyra um á vespum og snjó-
sleðum á flótta undan glæpon-
um í æsilegum eltingarleikjum.
Voru því marðir og skrámaðir
eftir tökurnar. Þeir létu það þó
ekki á sig fá enda segir Villi að
Sveppi þoli ekkert væl. „Það er
ekkert sem fer meira í taugarn-
ar á honum en væl. Oft var ég
að hugsa, vá erum við í alvöru
að gera þetta sjálfir? En hann
Sveppi slekkur á öllu svoleið-
is væli og öskrar bara: Áfram
með þetta! Og það þorir enginn
öðru en að hlýða,“ segir Villi og
skellir upp úr.“
Góðir gestir
í fallegu
brúðkaupi
Auglýsingaleikstjórinn Þórhall-
ur Sævarsson og Berglind Ósk-
arsdóttir giftu sig með pompi
og prakt. Þórhallur hefur notið
mikillar velgengni í heimi aug-
lýsinga og er álitinn einn efni-
legasti auglýsingaleikstjóri í Evr-
ópu á sínum aldri. Til marks um
velgengnina hefur hann gengið
til liðs við auglýsingafyrir tækið
Madheart í Los Angeles. Brúð-
kaup Þórhalls og Berglindar var
rómantískt og veislan haldin
í kastala í Suður-Frakklandi.
Þau buðu stórum vinahópi og
fjölskyldu að gleðjast með sér
og var mikið um dýrðir. Meðal
gesta í brúðkaupinu var Ma-
nuela Ósk Harðardóttir, sem
er góð vinkona Berglindar, en
þær kynntust þegar þær kepptu
í fegurðarsamkeppni og hafa
haldið vináttu sinni síðan.
Vill ráða Annie Mist á Bessastaði
n Grín eða alvara? Steinunn Ólína Þorsteinsdóttir segist stefna á Bessastaði
S
teinunn Ólína Þor-
steinsdóttir, leikkona
og handritshöfundur
með meiru, er gaman-
söm og stríðin kona. Stöðu-
færslur hennar á Facebook
vekja spurningar um hvert hún
stefni í framtíðinni, en síðustu
vikur hefur hún samkvæmt
Facebook undirbúið sig fyrir
framboð í embætti forseta.
Færslurnar eru í gamansöm-
um tón og því líklegt að um grín
sé að ræða. En þrátt fyrir gaman-
semina sem einkennir færslur
hennar velta margir því fyrir sér
hvort Steinunn Ólína ætli sér að
gera alvöru úr. Enda segir hún
sjálf í nýlegri stöðufærslu: „Ég
er ekki að grínast! Mér er fúlasta
alvara.“
Steinunn Ólína hefur tal-
ið upp þau störf sem hún tel-
ur nýtast í starf sitt á Bessa-
stöðum. Meðal þess sem hún
segist geta verið eru barnapía,
garðyrkjumaður Alþingis, jóla-
sveinn, kokkur á kaffibarnum,
fjallkona og móðir, kona og
meyja. „En ekki í þessari röð,“
segir hún um það þrennt sem
síðast er til talið.
Meðal verkefna sem henni
eru hugleikin eru að flytja
nokkur bretti af Rioja-víni á
Bessastaði, hún spyr hvort það
sé ekki örugglega grill á Bessa-
stöðum og lofar góðum grill-
mat. Einnig tekur hún glað-
lega í þá uppástungu að heiðra
sterkustu konu heims, Annie
Mist, og segist munu ráða hana
á Bessastaði. Bessastaðir þurfi
sína einka Línu Langsokk!
Felix Bergsson, góðvinur
Steinunnar Ólínu, segist vera
að strauja fána og gylla gamlar
myndir af henni og Linda Pét-
ursdóttir sendir henni kveðju
og biður hana velkomna á
Álftanesið, þar sé gott að vera.
Steinunn Ólína er stórhuga.
„Dreymdi Obama í nótt... Þetta
er greinilega allt að koma!“
sagði hún nýlega af draumför-
um sínum.
Stefán Karl, eiginmaður
hennar, virðist ekki síð-
ur spenntur og lofar frúnni
sunnudagssteik á Bessastöð-
um. „Farinn að hlakka til að
verða heimavinnandi forseta-
maður,“ segir Stefán Karl.
Hvort sem framboð Stein-
unnar Ólínu er grín eða alvara
er ljóst að hún á fullt erindi á
Bessastaði.
Forseti og
forsetaherra?
Steinunn Ólína segist
vera fúlasta alvara
með framboði til
Bessastaða.