Dagblaðið Vísir - DV - 09.12.2011, Blaðsíða 17

Mæðgin Lilja Rós segir soninn verða varan
við ástandið þegar þau fari saman í búðir. Hún
segist ætla að njóta jólanna en að í ár verði
hvorki um fínar gjafir né ný föt að ræða.
Fréttir 17Helgarblað 9.–11. desember 2011
n Fyrrverandi verslunarstjóri Bónuss á Akureyri rekinn úr starfi
www.ils.is | Sími: 569 6900 | Grænt númer: 800 6969 | Borgartúni 21, 105 Reykjavík
Kynntu þér lán og aðra
þjónustu Íbúðalánasjóðs
• Lán til íbúðarkaupa
• Lán til endurbóta og viðbygginga
• Aukalán vegna sérþarfa (skert starfsorka)
• Ráðgjöf og úrræði í greiðsluvanda
Hefur ekki efni
á jólamatnum
J
ólin verða erfið,“ segir Lilja Rós
Sigurðardóttir, 23 ára einstæð
móðir í Reykjavík. Lilja Rós hef-
ur staðið í stappi við Reykjavík-
urborg vegna leikskólagjalda
en hún hefur tvisvar verið rukkuð
um of há gjöld. Í október fékk hún
leiðréttingu eftir að Fréttablaðið
fjallaði um mál hennar en þá hafði
hún verið ofrukkuð um 15 þúsund
krónur. Í þessum mánuði fékk hún
svo tvo reikninga en hefur nú feng-
ið leiðréttingu. „Ég fékk ekki leið-
rétt í fyrra skiptið fyrr en ég fór með
þetta í blöðin og þá var ég orðin virki-
lega pirruð. Það er svo leiðinlegt að
þurfa að standa í svona löguðu enda
má svo lítið út af bregða. Nú hafði ég
reynt að ná þarna inn í marga daga
og skilja eftir tvenn skilaboð og þetta
var loksins leiðrétt í dag,“ segir Lilja
Rós sem borgar 17 þúsund krónur á
mánuði fyrir leikskólaplássið.
Staðan verri en fyrir hrun
Lilja Rós, sem er með 30 þúsund
krónur til ráðstöfunar á mánuði, segir
fjárhagsstöðu sína mun verri í dag en
fyrir hrun. „Það hefur allt hækkað svo
mikið. Þetta er bara ekki í lagi. Ég er
farin að líta á egg sem munaðarvöru.
Bíddu, búum við ekki á Íslandi? Það
má nákvæmlega ekkert koma upp á,
hvorki tannlæknir né lyfjakostnaður,“
segir hún og bætir við að sonurinn,
sem er fimm ára, finni fyrir ástand-
inu. „Hann verður var við þetta þeg-
ar við förum út í búð. Þá biður hann
um þetta og hitt í matinn en ég þarf að
segja honum að það sé ekki hægt – að
við þurfum að finna eitthvað ódýrara.“
Á góða fjölskyldu
Hún segir áhyggjur af fjármálunum
taka toll af andlegu heilsunni.
„Svona lagað tekur á taugarnar en
ég hef ákveðið að leita til kirkjunnar.
Ég gerði það í fyrra og það voru al-
veg rosalega þung spor. Það var svo
erfitt að standa í röðinni og jafnvel
hitta einhvern sem maður þekkir. Ég
skammaðist mín gríðarlega og vildi
helst ekki þurfa að fara aftur en ég
geri það auðvitað fyrir barnið,“ segir
hún og bætir við að það séu margir í
sömu sporum. „Svona erfiðleikar eru
mun algengari en fólk vill halda. Ég á
vinkonur í svipuðum sporum og við
ræðum saman um okkar mál. Ég er
samt heppin því ég á góða fjölskyldu.
Ég kæmist ekki í gegnum mán-
uðinn án hennar. Mamma býr í Dan-
mörku en við förum í mat til pabba
oft í viku,“ segir hún og bætir við að
þau muni borða hjá pabba hennar
á aðfangadagskvöld. „Maður nýtur
jólanna auðvitað en ég hef ekki efni á
að kaupa í jólamatinn sjálf. Það verða
engar fínar gjafir eða ný föt. Við för-
um bæði í jólaköttinn,“ segir hún og
bætir við að hún vonist til að kirkjan
hlaupi undir bagga með henni svo
hún geti keypt jólagjöf handa synin-
um. „Hann elskar Ben 10 og Spider-
Man, líkt og aðrir fimm ára strákar.
Hann er samt rosalega nægjusamur,
þessi elska. Ég er mjög heppin með
hann.“
Indíana Ása Hreinsdóttir
blaðamaður skrifar indiana@dv.is
n Fjárhagsvandamál taka toll af andlegu heilsunni n Þarf hjálp til að kaupa
jólagjöf handa syninum n Er með 30 þúsund krónur til ráðstöfunar á mánuði„Svona erfiðleikar
eru mun algengari
en fólk vill halda.
Formaður Samtaka atvinnulífsins:
„Fyrirtæki verða
að taka áhættu“
„Mikill heilbrigður metnaður er
til staðar í atvinnulífinu og í lang-
flestum fyrirtækjum landsins
starfar fólk sem hefur til margra
ára gengið til
starfa sinna
með aga og
heiðarleika í
fyrirrúmi. Það
sem á vantar
er að stjórn-
málamenn-
irnir leyfi
atvinnulífinu
að nýta tækifærin.“ Þetta segir Vil-
hjálmur Egilsson, framkvæmda-
stjóri Samtaka atvinnulífsins,
í pistli sem birtist á heimasíðu
samtakanna síðastliðinn fimmtu-
dag. Þar gerði Vilhjálmur meðal
annars að umtalsefni þann óstöð-
ugleika sem einkennt hefur fjár-
málamarkaði í Evrópu undanfarin
misseri. Hann bendir á að íslenskt
efnahagslíf eigi mikið undir því
að vel takist til við úrlausn vanda-
málanna á evrusvæðinu.
„Eftirspurn eftir íslenskum út-
flutningsvörum og þjónustu er
háð því hvernig okkar viðskipta-
þjóðum vegnar og stöðu á ein-
stökum mörkuðum,“ segir Vil-
hjálmur meðal annars í pistli
sínum. Hann segir að vanda-
málin nú snúist að stóru leyti um
stjórnarhætti í opinbera geiranum
víða um lönd. „Stjórnmálamenn
í mörgum löndum hafa gengið
fram af miklu ábyrgðarleysi og
safnað skuldum í gegnum tíð-
ina umfram það sem skattgreið-
endur nútíðar og framtíðar geta
greitt með eðlilegum hætti. Nú
er komið að skuldadögunum hjá
þessum ríkjum, svo sem Grikk-
landi, Portúgal, Spáni og Ítalíu og
spurningarmerki sett við önnur,
svo sem Frakkland og jafnvel
Bandaríkin.“
Vilhjálmur segir auk þess að
heilbrigður metnaður sé nauð-
synlegur og fyrirtæki verði að taka
áhættu. Oft verði metnaðurinn að
græðgi eins og dæmin sanna.
„Í atvinnulífinu er heilbrigður
metnaður nauðsynlegur og öllum
rekstri fylgir áhætta. Það verða
engar fjárfestingar eða framfarir
nema forystumenn í atvinnulífi og
eigendur fyrirtækja séu tilbúnir
til að taka áhættu og hafi metn-
að fyrir sína hönd og fyrirtækja
sinna. Þannig lítum við almennt á
metnað sem dyggð sem er sann-
arlega mikilsverð og aflvaki þess
sem gerist í atvinnulífinu. En svo
er mannkynið líka með lestina í
farteskinu og þeir finnast hjá þátt-
takendum í atvinnulífi eins og
öðrum. Þá verður metnaðurinn
að ofmetnaði, hroka og græðgi
sem eru hinir algengu lestir sem
allir þurfa að varast. Einhvers
staðar þarna á milli er línan sem
ekki er alltaf augljós.“