Dagblaðið Vísir - DV - 09.12.2011, Blaðsíða 26

Sandkorn
Þ
að er frábært framtak hjá
Besta flokknum að efna til
framboðs um allt land. Í
sjálfu sér er það rökrétt fram-
hald af stórsigri flokksins í
Reykjavík sem var ákall kjósenda um
breytingar.
Íslensk stjórnmál eru í þeim
ógöngum að engin leið er til þess að
sá hópur sem kosinn var á þing geti
unnið af heilindum að þjóðarhag.
Hver höndin er uppi á móti ann-
arri á meðan þjóðarbúið glímir við
þá mestu erfiðleika sem dunið hafa
yfir á síðari tímum. Stöðugt arga-
þras, urr og hvæs einkenna starfið í
þinginu. Þar verður ekki gert upp á
milli stjórnarliða og þeirra sem eru
í stjórnarandstöðu. Kjósendur eru
ekki endilega fífl eins og sumir full-
trúar þeirra halda. Það er því komin
upp sú staða að almenningi blöskrar
og sterkur vilji er uppi um nær algjöra
endurnýjun.
Íslenska flokkakerfið hefur um
áratugaskeið verið næstum það sam-
an. Sjálfstæðisflokkur og Framsókn-
arflokkur hafa verið við lýði í hartnær
öld. Hinn helmingur fjórflokksins,
Samfylkingin og Vinstri grænir, eru
spegilmyndir Alþýðuflokksins og
Alþýðubandalagsins. Þar hefur fátt
breyst. Róttæklingarnir eru í VG en
kratarnir eru hinum megin.
Eftir hrunið var reiknað með upp-
stokkun innan flokkanna. Fólkið í
landinu vildi að allir flokkar tækju til
innan dyra hjá sér. Það hefur gengið
brösuglega. Sjálfstæðisflokkurinn
ákvað á landsfundi að setja upp um-
bótanefnd sem stýrt var af heiðarlegu
fólki. Eftir mikla vinnu varð til plagg
sem innihélt iðrun og boðskap um
nýja tíma. Ætla mátti að Sjálfstæðis-
flokkurinn væri að ganga til móts
við nýja tíma með heiðarleikann og
viljann til að gera upp svarta fortíð að
leiðarljósi. Þá gerðust þau undur og
stórmerki að einn helsti spillingarfor-
kólfur flokksins fór í pontu og rústaði
þessu starfi og færði flokkinn aftur
á byrjunarreit. Flokknum til varnar
er þó rétt að benda á að endurnýjun
hefur orðið á æðstu forystu hans en
það er reimt í Valhöll. Hjá Framsókn-
arflokknum hefur orðið gríðarleg til-
tekt og gjörspilltum einstaklingum
hefur verið fleygt á dyr og nýtt fólk
tekið inn.
Vandinn sem stendur eftir er hins
vegar sá kúltúr sem er á Alþingi Ís-
lendinga. Rifrildið lifir góðu lífi og
tærir upp lýðræðið. Afrakstur þings-
ins verður enda takmarkaður. Besti
flokkurinn hefur sýnt að hann vill
breyta til góðs. Þar á bæ hafa menn
tekið málefni spillingarbælisins
Orkuveitu Reykjavíkur föstum tökum
og sett þangað inn menn til að koma
skikk á hlutina. Hið sama er uppi á
teningnum í rekstri borgarinnar. Þótt
mest beri á skemmtilegheitum borg-
arstjórans er flokkurinn að taka hlut-
verk sitt alvarlega. Það er ekki slæmur
kostur að gefa þessum sjónarmiðum
tækifæri til að koma að landsstjór-
ninni. Það er full ástæða til þess að
koma stjórnmálunum á annað og
betra plan. Valið stendur í raun á
milli Davíðs Oddssonar, fyrrverandi
formanns Sjálfstæðisflokksins, og
þess sem hann stendur fyrir eða Jóns
Gnarr borgarstjóra og þess anda sem
hann hefur innleitt í íslensk stjórn-
mál. Þetta er gott hjá Besta.
Stríðið í Hæstarétti
n Vefmiðillinn Eyjan birti í
vikunni forvitnilegt slúður
um Hæstarétt Íslands. Emb-
ætti forseta
Hæstaréttar
mun framveg-
is ekki ganga
frá manni til
manns eftir
starfsaldri
heldur verður
kosið í embættið með fimm
ára millibili. Segir Eyjan að lík-
legt sé að breytingin sé gerð til
að koma í veg fyrir að dómarar
Davíðs, eins og þeir eru kall-
aðir, Jón Steinar Gunnlaugsson
og Ólafur Börkur Þorvaldsson,
geti orðið forsetar Hæstaréttar.
Ef þetta er rétt sýnir þetta lík-
lega fram á að kalt stríð geisi í
Hæstarétti þar sem dómarar
Davíðs fara halloka.
Nýtt Ísland Jóhönnu
n Samfylkingin hefur í gegn-
um tíðina verið þekkt fyrir
að hygla sínu fólki. Í sumar
var Anna Pála Sverrisdóttir,
varaþingmaður flokksins, til
dæmis ráðin til starfa í utan-
ríkisráðuneyti Össurar Skarp-
héðinssonar en 339 sóttu þá
um sjö störf í ráðuneytinu. Nú
hefur annar Samfylkingar-
maður, Eva Baldursdóttir, sem
sat á lista flokksins í Reykjavík
í síðustu sveitarstjórnarkosn-
ingum og er varaformaður
Íþrótta- og tómstundaráðs,
fengið starf sem sérfræðingur
í ráðuneytinu. Ekki er vitað
hvort Jóhanna Sigurðardóttir
er meðvituð um þessar ráðn-
ingar en hún hefur löngum
gefið sig út fyrir að vera ímynd
gagnsæis í stjórnmálum.
Andúðin á Jóni n
Löngum hefur verið vitað að
þær konur sem áður voru í
Kvennalistanum eru ekki par
hrifnar af Jóni Baldvin
Hannibalssyni, fyrrverandi
formanni Alþýðuflokksins.
Andúðin er á því stigi að nú
hefur Ingibjörg Sólrún Gísladótt-
ir sagt sig úr Reykjavíkurfélagi
Samfylkingar vegna nám-
skeiðs um skýrslu rannsókn-
arnefndar
Alþingis
sem Jón
Baldvin
hyggst
halda á
vegum
félagsins.
Þá herma heimildir að
Steinunn Valdís Óskarsdóttir sé
einnig ósátt við aðkomu Jóns
Baldvins að Reykjavíkurfélag-
inu.
Námskeið VG
n Sú tíðindi að Jón Baldvin
Hannibalsson ætli að halda
námskeið um skýrslu
rannsóknarnefndar Alþingis á
vegum Samfylkingarinnar
vakti athygli í vikunni. Einn
þeirra sem tjáði sig um málið
var Grímur Atlason. Sagði
Grímur að þetta útspil
Samfylkingarinnar væri eins
og ef VG myndi halda
námskeið um Evrópusam-
bandið. „Þeir kunna það hjá
Samfylkingunni – eða ekki.
Mér finnst að VG eigi að halda
námskeið um Evrópusam-
bandið hvar Ragnar Arnalds
verður kennarinn og selt verði
inn.“
Jólin? Hvað er það?
Fyrir mér eru engin jól
Risastórar sneiðar
og safaríkar
Ragna Erlendsdóttir, móðir Ellu Dísar, segir jólin ekkert gleðiefni. – DV
Gott hjá Besta
Leiðari
Reynir Traustason
rt@dv.is
„Kjósend-
ur eru ekki
endilega fífl
S
umir telja, að Grikkjum hafi
aldrei verið alvara með aðild
sinni að ESB. Þeir kunni ekki
annað en að sleikja sólina og
slæpast og hafi hvort eð er
ekki gert annað í mörg hundruð ár.
Þeir tóku aðild að ESB fegins hendi
1981 og öllu því fé, sem fylgdi henni,
en þeir gerðu lítið annað til að lyfta
landinu. Þeir notuðu öryggisnet ESB
eins og hengirúm. Þetta er ekki mín
skoðun, heldur skoðun grísks hag-
fræðings, sem fjallaði ásamt öðrum
um Grikkland á fundi, þar sem ég var
í Seðlabankanum í Atlanta um dag-
inn. Grikkir breytast ekki, sagði hann,
hvort sem þeir standa innan eða utan
ESB, nei, Grikkir standa föstum fótum
í fortíðinni.
Geta þjóðir breytzt?
Þarna birtist harkaleg afstaða. Eru
Grikkir þá öðruvísi en annað fólk?
Varla var maðurinn að tala um alla
landa sína á einu bretti. Nei, hann
var væntanlega að tala um þá Grikki,
sem hafa haft undirtökin í stjórnmála-
lífi landsins. Ég þekki marga Grikki,
sem vilja, að Grikkland breytist, taki
sér tak, hætti að vera hálfgildings-
land, verði heldur fullgilt Evrópuland,
semji sig að nýjum, hagfelldari siðum
og betri lífskjörum með því að læra
af öðrum Evrópuþjóðum. Um þetta
snerist Evrópumálið í Grikklandi í 30
ár. Þessir Grikkir telja (ég er að tala um
ungt fólk á öllum aldri), að Grikkir geti
breytzt, því að öll getum við breytzt,
eða næstum öll.
Hví skyldu þeir Grikkir, sem vilja
færa Grikkland nær nútímanum, ekki
geta náð að lyfta landinu með því að
ná nógu mörgum kjósendum á sitt
band? Þeir hafa gild rök fram að færa.
Hví skyldi þeim ekki geta tekizt þetta?
– úr því að hinir, sem misstu efnahags-
lífið fram af bjargbrúninni, reyndust
ekki duga. Væri ekki vert að reyna?
Grikkland er lýðræðisríki.
Bergmál frá Bandaríkjunum
Ég er ekki að skipta um umræðu-
efni, þegar ég segist nú heyra fyrir
mér ræðurnar, sem þrælahaldarar
og erindrekar þeirra héldu í Banda-
ríkjunum fyrir 150 árum. Þeir sögðu:
Þrælahald hefur fylgt þessari þjóð frá
öndverðu. Við fengum þrælahaldið í
arf frá forfeðrum okkar. Við breyt-
um því ekki. Við viljum ekki breyta
því, og við getum ekki heldur breytt
því, enda myndi efnahagur suður-
ríkjanna þá versna til muna, jafnvel
leggjast í auðn.
Auðvitað gátu Bandaríkjamenn
tekið sér tak. Þeir kusu sér nýj-
an forseta, Abraham Lincoln, sem
breytti valdahlutföllum í landinu og
reif þrælahaldið upp með rótum.
Lincoln sagði: Ef þrælahald er ekki
rangt, þá er ekkert rangt.
Aftur til Evrópu
Nánara samstarf í ríkisfjármálum
ESB-landanna var alla tíð forsenda
sameiginlegs gjaldmiðils, þótt nú
fyrst fáist Frakkar og Þjóðverjar loks-
ins til að horfast í augu við þá stað-
reynd. Mikilvægi ríkisfjármálanna
fyrir myntsamstarfið hefur legið fyrir
frá upphafi. Sumir hér heima virðast
telja, að nánara samstarf um ríkis-
fjármál innan ESB muni draga úr
líkum þess, að Íslendingar fáist til
að fallast á aðild í þjóðaratkvæða-
greiðslu. Þessi skoðun virðist hvíla
á þeirri hugsun, að Íslendingum sé
ókleift að semja sig að auknum aga,
sem fælist í að reka ríkisbúskap-
inn með sjálfbærum hætti. Sé þessi
skoðun rétt, eiga Íslendingar ekk-
ert erindi inn í ESB og yrðu þá bara
til vandræða þar. Væri ég þessarar
skoðunar, væri ég andvígur umsókn
Íslands um inngöngu í ESB.
Hrunið var vekjaraklukkan
Hefur stjórn ríkisfjármála hafi tekizt
svo vel hér heima, að Íslendingum geti
stafað háski af evrópskum aga í efna-
hagsmálum? – gegn því að eiga auk
annars greiðan aðgang að fjárhagslegri
neyðarhjálp, ef í harðbakkann slær. Nei,
þvert á móti. Slök stjórn ríkisfjármála
og peningamála ásamt öðrum slapp-
leika olli því, að íslenzka krónan hefur
tapað 99,95% af verðgildi sínu gagnvart
dönsku krónunni frá 1939, og gerði Ís-
land að alræmdu verðbólgubæli.
Aðild að ESB og upptaka evrunn-
ar snúast öðrum þræði um að hverfa
af þeirri braut og marka nýja, enda
eru lífskjör á Íslandi nú mun lakari en
annars staðar á Norðurlöndum vegna
veikrar hagstjórnar langt aftur í tímann
og veikra innviða. Mörg ár og miklar
umbætur þarf til að rétta kúrsinn af.
Hrunið er ekki orsök vandans. Hrunið
var vekjaraklukkan, sem opnaði von-
andi augu nógu marga til þess, að hægt
verði að ryðja nýjar brautir til farsældar
fyrir land og lýð.
Föstum fótum í fortíðinni
Kjallari
Þorvaldur
Gylfason
„Ef þrælahald
er ekki rangt,
þá er ekkert rangt
Útgáfufélag: DV ehf. Stjórnarformaður: Lilja Skaftadóttir Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
26 9.–11. desember 2011 Helgarblað
Úlfar Finnbjörnsson meistarakokkur um hamborgarhrygginn frá KEA. – DV