Dagblaðið Vísir - DV - 01.08.2014, Blaðsíða 44

Helgarblað 1.–5. ágúst 201444 Lífsstíll
Hleypur fyrir heila­
skaddaða vinkonu
n Bjarnheiður Hannesdóttir á góða að n Safna fyrir meðferð erlendis
Sigrún ætlar að koma sér í eins gott form og mögulegt er fyrir maraþon-
ið. Til þess að svo geti orðið er ekki nóg að æfa heldur verður mataræðið
að vera í lagi. Sigrún segist almennt hugsa vel um heilsuna en nú ríði á
að gefa almennilega í og halda svindli í lágmarki. „Ég hef alltaf borðað
hollan mat og reyni að sneiða hjá hvítum sykri og hvítu hveiti. Maður
svindlar hins vegar stundum og núna er mikilvægt að hætta því. Þegar
maður hreyfir sig svona mikið þarf maður meiri og betri næringu til að
hafa næga orku.“
Matseðill maraþonmeistarans
Sigrún samþykkti að deila dæmigerðum matseðli sínum með DV. Hann
einkennist að mestu af ávöxtum, grænmeti og fitulitlu kjöti.
„Í morgunmat fæ ég mér AB-mjólk með kasjúhnetum, möndlum,
múslí og goja-berjum. Með þessu borða ég einn kíví; allar konur ættu
að borða einn kíví á dag vegna þess að hann er besta fegrunarmeðal í
heimi. Þú sérð mun á húðinni þinni á viku,“ segir Sigrún sem hleypur
fjórum sinnum í viku, yfirleitt snemma dags. „Þegar ég kem heim fæ
ég mér oftast góðan boozt með engiferi, spínati, chia-fræjum, gúrku og
próteini. Svo er gott að setja kannski smá kókos og/eða ananas til að fá
smá sætu.“
Vítamínsprengja í hádeginu
Þar eð ansi dýrt er að kaupa sér hollan mat á veitingastöðum tekur Sig-
rún iðulega nesti með sér í vinnuna, sem er ekki af verri endanum. „Í
hádeginu finnst mér voðalega gott að fá mér súpu sem ég bý til sjálf,
yfirleitt á sunnudögum og þá fyrir alla vikuna. Ég tek fullt af grænmeti
og mauka það í súpu. Í uppáhaldi hjá mér núna er mexíkósk tómat-
súpa. Þá tek ég tuttugu tómata, fullt af papríku og chili, mauksýð það
og hakka með töfrasprota. Hún er stútfull af næringarefnum, sú. Svo fæ
ég mér eitthvað smá með henni. Í kaffinu fæ ég mér ávöxt og stundum
hrökkbrauð. Á kvöldin er ég svo yfirleitt með kjúkling. Það er voðalega
gott að marínera hann upp úr ólífuolíu, krydda hann og smella honum
svo á grillið. Með honum hef ég oft snöggsteikta sveppi og aspas – oft
ferskan.“
Mataræðið mikilvægt
Sneiðir hjá hvítum sykri og hveitiS
igrún Lilja Guðjónsdóttir,
eigandi Gyðja Collection,
hyggst hlaupa hálfmaraþon
í Reykjavíkurmaraþoninu
til styrktar vinkonu sinni,
Bjarnheiði Hannesdóttur – Heiðu
– sem er alvarlega veik. Heiða fékk
hjartastopp í lok árs 2012 með þeim
afleiðingum að hún var í dái í fjórar
vikur. Í hjartastoppinu þjáðist hún af
súrefnisskorti sem olli varanlegum
heilaskaða.
Hörð barátta
„Þetta er mín besta vinkona. Það var
hörmulegt áfall þegar hún lenti í þess-
um veikindum. Henni var ekki hugað
líf í langan tíma eftir hjartastoppið og
þetta er búið að vera hörð barátta.
Hún hefur staðið sig eins og hetja, en
líf hennar hefur auðvitað breyst mik-
ið; hún er ósjálfbjarga í dag og á mjög
erfitt með mál og sjón hennar er mjög
slæm,“ segir Sigrún sem er ekki ein í
hlaupaher Heiðu. „Við erum sístækk-
andi hópur, meðal annarra börn-
in hennar. Markmiðið er að fá hátt
í fimmtíu manns til að hlaupa fyrir
hana.“
Þegar þessi orð eru skrifuð hafa
safnast 335.000 krónur í styrktarsjóð-
inn og fer upphæðin hækkandi með
hverjum deginum sem líður. Allt
styrktarféð fer í að borga fyrir dýra
meðferð erlendis. „Draumur hennar
er að fara í spítala erlendis til að fá
bestu meðferð sem völ er á. Það er
þess vegna sem við erum að hlaupa,
við viljum safna fyrir þeim kostnaði.“
Hlaupadrottning hjálpar
Hlaupadrottningin Elísabet
Margeirs dóttir er Sigrúnu innan
handar og sér um að hún sé í formi
fyrir stóra daginn, en Reykjavíkur-
maraþonið fer fram þann 24. ágúst
næstkomandi. Elísabetu þekkja
flestir sem veðurfréttakonu á Stöð 2
en hún hefur einnig gefið út bók um
útihlaup í félagi við Karenu Kjart-
ansdóttur, upplýsingafulltrúa LÍÚ.
„Hún er hlaupaþjálfarinn minn – og
okkar. Ég byrjaði bara að hlaupa fyr-
ir um ári, og því óvön. Þess vegna
er alger draumur að hafa Elísabetu
því hún er mikill sérfræðingur. Við,
sem erum að fara að hlaupa fyrir
Heiðu, hittumst alltaf tvisvar í viku
og hlaupum með Elísabetu. Ég hef
aldrei hlaupið svona langt áður en
vona að þetta hafist, þetta snýst um
að sigra sjálfa sig.“
Bara byrjunin
Hægt er að heita á Sigrúnu með því
að að slá nafn hennar inn í leitar-
vél vefsíðunnar hlaupastyrkur.is.
„Markmiðið er að safna einhverj-
um slatta. Við vonum auðvitað að
fólk sé duglegt að heita á okkur svo
að við getum hjálpað Heiðu sem
mest og látið draum hennar verða
að veruleika. En þessi hlaupasöfnun
er bara byrjunin. Í kjölfarið ætlum
við að vera með alls konar viðburði
henni til styrktar.“ n
Baldur Eiríksson
baldure@dv.is
Vinkonurnar
Bjarnheiður veiktist alvarlega eftir að hún fékk hjartastopp árið 2012.
Sigrún Lilja
Eigandi Gyðja Collection