Dagblaðið Vísir - DV - 15.08.2014, Blaðsíða 40

Helgarblað 15.–18. ágúst 201440 Lífsstíll
Ekki brosa í
gegnum tárin
Ef þú ert vanur að bíta á jaxlinn
og kreista út bros þrátt fyrir að
þér líði illa ertu ekki að gera sjálf­
um þér neinn greiða. Ekki ef
marka má rannsókn sem birtist
í Journal of Experimental Social
Psychology og fjallað var um í
Daily Mail.
Vísindamenn sem stóðu að
rannsókninni segja að þeir sem
setja upp gervibros þrátt fyrir
vanlíðan geti með tímanum tengt
bros við óhamingju. Þess vegna
sé betra að bíða með brosið þar
til neikvæðu tilfinningarnar séu
á brott.
Í ljós kom að þeir sem brostu
þegar þeir voru glaðir urðu ham­
ingjusamari en þeir sem brostu
þegar þeim leið illa.
Þunglyndislyf
breyta ástar-
samböndum
Samkvæmt nýlegri rannsókn
ættu ástfangnir en þunglyndir
einstaklingar að hugsa sig tvisvar
um áður en þeir ákveða að taka
inn tilteknar tegundir af þung­
lyndislyfjum þar sem lyfin gætu
haft neikvæð áhrif á ástarsam­
bandið.
Í rannsókninni, sem fjallað
var um í LiveScience, fengu 192
ástfangnir en þunglyndir þátt­
takendur tvær tegundir af lyfjum.
Í ljós kom að einstaklingar
sem tóku inn ákveðin SSRI­lyf,
sem miða meðal annars að aukn­
ingu serótóníns í heila, voru ólík­
legri til að vilja deila tilfinningum
sínum með maka og minna von­
góðir um að ástarsambandið
myndi endast en þeir sem tóku
önnur lyf.
Fullnæging í
aukaverkun
Svo virðist sem það hafi ekki
allir áhuga á daglegri raðfull­
nægingu. Þótt að hefðbundnar
aukaverkanir af Parkinsons­
lyfinu rasagiline séu þunglyndi,
magavandamál og eymsli í liðum
fékk ein kona þrjár til fimm full­
nægingar á dag í kjölfar notkun­
ar á lyfinu. Þetta kemur fram í
LiveScience og tímaritinu Parkin­
sonsism and Related Disorders.
Vísindamenn segja þekkt að
önnur lyf auki líkur á fullnægingu
þar sem sum lyf, þar á meðal
rasagiline, auki framleiðslu á
dópamíni, hormóni sem losni við
fullnægingu.
Flóamarkaður og Kleinubar um helgina
Glæða Vitatorg lífi í sumar
Þ
að verður brjálað að gera þarna
um helgina,“ segir grafíski
hönnuðurinn Krista Hall í
samtali við DV. Krista hefur
unnið að því í sumar að glæða Vita­
torg lífi ásamt vinkonu sinni, Guð­
rúnu Harðardóttur, með því að halda
þar ýmsa viðburði en meðal þess sem
þær stöllur hafa staðið fyrir á torginu
eru Pop Up Yoga, kubbkeppni og
prjónapartí. Á laugardaginn verður
svo flóa­ og fatamarkaður og á sunnu­
daginn opnar Kleinubarinn, mat­
sölustaður þar sem eingöngu verða
framreiddar kleinur á skemmtilegan
og öðruvísi hátt.
„Við viljum ná fram stemningu
eins og er á svona mörkuðum víða
erlendis. Það verða plötusnúðar á
svæðinu og það er skemmtileg sæta­
aðstaða svo það er alveg yndislegt að
vera þarna.“
Á sunnudaginn opnar svo Kleinu­
barinn, en um er að ræða hluta af
alþjóðlega veitingahúsadeginum
Restaurant Day, þar sem hver sem er
getur opnað veitingastað í einn dag.
„Við ætlum að vera með skemmti­
legar nýtískuútgáfur af kleinum. Við
erum að vinna þetta í samstarfi við
strákana í Omnom súkkulaði, þeir út­
búa frábært súkkulaði sem við ætlum
að hafa sem dýfur með nýbökuðu,
heimagerðu kleinunum. Svo verður
mismunandi kurl með þeim sem er
nýtt og spennandi og eitthvað sem
maður hefur kannski ekki séð áður.
Síðan verðum við einnig með klein­
ur með osti og sultu svo þetta verð­
ur skemmtileg blanda af „sweet and
savoury“.“
Allir eru velkomnir að setja upp
bás á laugardaginn en hægt er að skrá
sig með því að senda póst á netfangið
vitatorg2014@gmail.com. n
horn@dv.is
Pop Up Yoga Fjölmargir mættu til að iðka saman jóga á Vitatogri fyrir skemmstu.
Prjónapartí Mikið líf hefur verið á Vita-
torgi í sumar.
Ertu útbrunnin/n?
n Muldrar þú stanslaust með sjálfum þér? n Er kominn tími á smá frí?
E
rtu að gera út af við sjálfan þig
án þess að gera þér grein fyr­
ir því? Skoðaðu eftirfarandi
lista og íhugaðu hvort þú sért
að ganga af þér dauðum. Ef
einhver atriði á listanum eiga við þig
skaltu ígrunda hvort það sé ekki rétti
tíminn til að taka smá frí.
Lítið sár vill ekki gróa
Samkvæmt rannsóknum hef­
ur sálrænt álag áhrif á getu
líkamans til að lækna sig
sjálfur. Húð stressaðra
einstaklinga er lengur
að jafna sig eftir lítil sár
og skurði, minniháttar
aðgerðir og jafnvel blöðr­
ur. Sumir telja að stress og
álag leysi hormón úr læðingi sem
hægi á bataferlinu og geri sár einnig
viðkvæmari fyrir sýkingum
Afsakið, afsakið
Gengur þú um muldrandi afsökunar­
beiðnir? Ertu einnig ropandi í gríð og
erg? Samkvæmt dr. Robynne Chut­
kan getur maginn orðið glerharður
hjá þeim sem stunda grunna öndun
vegna stress, smjatta stanslaust á
tyggjói eða ganga um muldrandi og
tuðandi með sjálfum sér. Sumir sér­
fræðingar telja rop og muldur geta
orðið ómeðvitaða hegðun og
jafnvel aðferð til sjálfs­
bjargarviðleitni. Ef þú
tengir er kominn tími
á frí.
Þú færð þér kríu og
dreymir fáránlega
Vanalega tekur það um
90 mínútur að ná draum­
svefni (REM), samkvæmt svefn­
ráðgjafanum Christopher Winter
við Martha Jefferson­sjúkrahúsið í
Virginíu. „Þess vegna ættir þú ekki
að blunda lengur en í hálftíma því
þegar þú kemst á REM­stigið vakn­
ar þú ringlaður í stað þess að vakna
endurnærður. Ef þig dreymir um
leið og þú lokar augunum þýðir það
að heili þinn er svo svefnvana að
hann flýtir sér að REM­stiginu.“
Elliglöp innan við fertugt
Hillu­kenningin snýst um að
það er aðeins hægt að setja
ákveðinn fjölda hluta á hill­
una og við álag gefur hillan
sig. Það sama má segja um
minnið. Þetta segir dr. Anne
Marie Albano við Columbia­há­
skólann. Ef öll þín orka fer í að
halda vitinu muntu óhjákvæmilega
gleyma öðru. Samkvæmt dr. John
Ratey er þetta vegna flókinna áhrifa
stresshormónsins kortisól á minnið.
„Óhóflegt magn af kortisóli getur
orðið til þess að við missum getuna
til að mynda og geyma nýjar minn­
ingar og endurheimta gamlar minn­
ingar.“
Skokkið sem átti
að hreinsa hugann
sigrar þig
Ef þú ert algjörlega
orkulaus þegar þú
byrjar æfinguna
mun líkami þinn
bregðast við á ann­
an hátt en vanalega.
Þetta segir Sarah L. Berga pró­
fessor við Wake Forest­læknahá­
skólann í Norður­Karólínu. Berga
og félagar hennar hafa komist að
því að erfiðar æfingar geta hækkað
magn kortisóls enn frekar í konum
sem eru svo stressaðar að þær hafa
misst úr blæðingar. Berga mælir
frekar með pilates­æfingum þegar
fólk er undir miklu andlegu
álagi.
Þú drekkur kaffi fyrir
svefninn en dettur samt
strax út af
Við erum mismun­
andi móttækileg
fyrir koffíni en engin
okkar er gjörsamlega
ónæmur fyrir áhrifum
þess. Þetta segir dr. Mich­
ael Breus, höfundur The
Sleep Doctor's Diet Plan:
Lose Weight through Better Sleep.
Samkvæmt Breus eru þeir sem
halda því fram að þeir séu ónæm­
ir fyrir koffíni að öllum líkindum
svo úrvinda að boðberarnir sem sjá
um kvíða eru í efstu stillingu. Þess­
ir boðberar hunsa því áhrif koffíns.
Koffínið virkar en líkaminn svarar
ekki áhrifunum. Með öðrum orð­
um, þeir eru engin ofurmenni; að­
eins ofurþreyttir.
Bakflæðið er
óvenju slæmt
Rannsóknir hafa ekki sýnt
fram á að stress og álag geti
valdið bakflæði en sam­
kvæmt rannsókn sem birtist
í Journal of Phychosomatic Re­
search getur álag ýkt einkennin. n