Dagblaðið Vísir - DV - 15.08.2014, Blaðsíða 46

46 Menning Helgarblað 15.–18. ágúst 2014
Danskir dagar fagna tvítugsafmæli
n Bæjarhátíð skipulögð á þremur vikum n Vegleg dagskrá
D
anskir dagar verða haldnir í
tuttugasta skipti í Stykkishólmi
um helgina en um er að ræða
eina elstu bæjarhátíð landsins.
Heimamaðurinn Mattías Arnar Þor-
grímsson, söngvari og stýrimaður á
Breiðafjarðarferjunni Baldri, er fram-
kvæmdastjóri hátíðarinnar í ár ásamt
eiginkonu sinni Ágústu Jónsdóttur.
„Dagskráin er nokkuð góð þetta árið
þó ég segi sjálfur frá,“ segir Mattías,
eða Matti eins og hann er gjarnan
kallaður, í samtali við DV. „Fyrst ber
að nefna Sveppa og Villa fyrir krakk-
ana og Jón Arnór töframann úr Ís-
land got talent. Svo verður Pétur Jó-
hann á staðnum með uppistandið
sitt Óheflaður og þá verður Páll Óskar
auðvitað á sínum stað. Fjöldinn all-
ur af hæfileikaríkum heimamönnum
kemur einnig fram á hátíðinni en af
nógu er að taka þegar kemur að lista-
mönnum hér í bæ.“
Eftir tuttugu ár hafa vitaskuld
myndast margar hefðir á Dönskum
dögum. Bakaríið lengir iðulega opn-
unartímann fram á kvöld og þá má
einnig nefna brekkusöng og flugelda-
sýningu sem setja ætíð svip sinn á há-
tíðina. Þá má ekki gleyma Lions-upp-
boðinu vinsæla. „Uppboðið hefur
verið fastur liður á hátíðinni frá upp-
hafi,“ segir Matti. „Þegar maður hugs-
ar um Danska daga þá er þetta eitt það
fyrsta sem kemur upp í hugann,“ seg-
ir hann.
Þetta er í fyrsta skipti sem Matti
kemur að skipulagningu hátíðarinn-
ar og má því segja að hann renni ei-
lítið blint í sjóinn, þó svo að hátíð-
in sé honum að sjálfsögðu að góðu
kunn. Skammur tími var til stefnu að
þessu sinni en verkefnið fékk hann í
hendur fyrir einungis þremur vikum.
Dagskráin er engu að síður vegleg og
þakkar Matti ómetanlegri aðstoð fyr-
ir það hversu vel hefur tekist til. „Við
höfum fengið með okkur duglegt fólk
sem er búið að taka að sér hin ýmsu
mál. Án þeirra hefði þetta ekki verið
hægt,“ segir hann að lokum. n
aslaug@dv.is
Fastur liður
Glæsileg
flugeldasýn-
ing setur ætíð
svip sinn á
Danska daga.
Steinunn
spilar í Mengi
Barokksellóleikarinn Steinunn
Arnbjörg Stefánsdóttir spilar í
Mengi, Óðinsgötu 2, föstudags-
kvöld. Steinunn er líka skáld og
yrkir ljóð og á tónleikunum mun
hún lesa þau og syngja um leið
og hún spilar á sellóið. Steinunn
er búsett í Frakklandi. Þegar hún
hefur komið til landsins hefur
hún helst spilað barokk-/endur-
reisnartónlist með hópnum Cor-
po di Strumenti en einnig kom-
ið fram með neðanjarðartríóinu
Süsser Trost. Þau leggja fyrir sig
heimatilbúið, tragískt indípopp
og útsetningar á lögum Velvet
Underground, Noir Désir, Nine
Inch Nails, Jacques Brel og svo
framvegis. Miðaverð á viðburðinn
er 2.000 krónur. Rás 1 gegn Jesú
n Stefnubreyting gæti valdið siðferðislegri hnignun n Til marks um endurkomu Krists?
M
ikil óánægja er meðal
kirkjunnar manna vegna
þeirrar ákvörðunar Rásar
1 að fella niður dag-
skrárliðina morgunbæn,
morgunandakt og orð kvöldsins. DV
hefur bæði rætt við presta þjóðkirkj-
unnar og trúarleiðtoga úr öðrum
söfnuðum. Nær öllum viðmælend-
um ber saman um að stefnubreyting
Ríkisútvarpsins sé reiðarslag, ekki
aðeins fyrir kristna menn heldur ís-
lenska þjóðmenningu eins og hún
leggur sig.
Biskupsstofa mótfallin
breytingunni
Samkvæmt upplýsingum sem DV
fékk frá Biskupsstofu hefur stofan
komið því á framfæri við stjórnend-
ur RÚV að kirkjan vilji að þjónust-
unni verði haldið áfram. „Við telj-
um að þetta sé mikilvæg þjónusta og
munum eiga samtal um þetta mál,“
segir Árni Svanur Daníelsson, verk-
efnisstjóri hjá Biskupsstofu í samtali
við DV.
Hann tekur ekki jafn djúpt í ár-
inni og Kristján Valur Ingólfsson,
vígslubiskup í Skálholti, sem óttast
dómínóáhrif. „Svo náttúrlega verð-
ur maður órólegur, ef að þetta fellur
út munu þá ekki líka falla niður hin-
ar vikulegu messur, sem er útvarpað
klukkan ellefu?“ spurði hann í kvöld-
fréttum Stöðvar 2 í vikunni. Hann
telur ákvörðun RÚV vera áfall fyrir
kristindóminn í landinu.
Viðmælendur DV innan Þjóð-
kirkjunnar segja að margir séu ósátt-
ir og líti stefnubreytinguna alvarleg-
um augum. Í orðsendingu Þrastar
Helgasonar, dagskrárstjóra RÚV,
til Stöðvar 2 segir meðal annars að
breytingarnar miði „að því að sækja
fram í takt við breyttan lífsstíl þjóðar-
innar“. Nú velta kirkjunnar menn því
fyrir sér hver sá lífsstíll sé og hvort
reglulegar bænastundir þjóðkirkju-
presta í Ríkisútvarpinu samrýmist
honum ekki.
Jesús er að koma
Snorri Óskarsson í Betel, safnaðar-
hirðir Hvítasunnukirkjunnar á
Akur eyri, telur skipta máli á hvaða
forsendum breytingarnar eru gerð-
ar. Ef þær verði til þess að auka jafn-
ræði milli trúfélaga og stuðla að
heilbrigðari umræðu um trúmál þá
beri að fagna þeim. „Það sem ég er
smeykur við er að þetta sé bara ein
leiðin hjá vinstrimönnum til að loka
á kristindóminn, líkt og gert var við
skólana. Þess vegna segi ég: Spor-
in hræða. Það er verið að afhelga
samfélagið,“ segir hann og bendir
á Sovét ríkin og Þýskaland nasism-
ans sem dæmi um samfélög þar sem
Guð missir tökin og eðlileg trúar-
iðkun verður undir.
Mun stefnubreyting Ríkisútvarps-
ins valda siðferðislegri hnignun á Ís-
landi? „Já, þetta gerir það. Þetta er
liður í því að spádómar Biblíunnar
rætast. Einn spádómurinn er sá
að Jesús kemur aftur og undanfari
endurkomu Krists verður trúarleg
hnignun, sem kallað er í Bibl íunni
fráhvarf. Ég sé það gerast í mjög
ríkum mæli hér á Íslandi,“ svarar
Snorri sem hvetur Illuga Gunnars-
son, mennta- og menningarmála-
ráðherra, til að grípa í taumana. Ef til
vill sé þetta liður í vinstrivæðingunni
á Íslandi, sem drifin er áfram af þeim
sem vilja breyta stjórnarskránni,
grafa undan trúarbrögðum og afsala
fullveldi þjóðarinnar í hendur sós-
íalísks ríkjasambands. „Nú er verið
að snúa sér að Ríkisútvarpinu og af-
helga það.“ n
Jóhann Páll Jóhannsson
johannp@dv.is
„Ein leiðin hjá
vinstrimönnum til
að loka á kristindóminn.
Reiðarslag Rás 1 ætlar að fella
niður dagskrárliðina morgunbæn,
morgunandakt og orð kvöldsins.
Mikilvæg þjónusta Árni Svanur Daníels-
son, verkefnisstjóri Biskupsstofu, segir að
stofan telji um mikilvæga þjónustu að ræða.
Afhelgun Snorri í Betel segir afhelgun
samfélagsins til marks um að endurkoma
Krists sé í vændum.
Jazzhátíð
Reykjavíkur
um helgina
Jazzhátíð Reykjavíkur er haldin
í 25. sinn um þessar mundir en
hátíðin stendur yfir dagana 14.
til 20. ágúst. Allir viðburðir há-
tíðarinnar, fyrir utan einn, verða
í og við Hörpu. Opnunaratriði há-
tíðarinnar var skrúðganga Jazz-
hátíðarinnar sem farin var frá
Lucky Records við Hlemm niður
að Hörpu á fimmtudag. Dagur B.
Eggertsson borgarstjóri er með-
al þeirra sem munu ekki láta sig
vanta á hátíðina í ár en hann seg-
ist meðal annars ætla að kíkja á
opnunarkvöldið „þar sem Ped-
rito Martinez Group mun án efa
trylla viðstadda!“ eins og hann
orðar það.