Dagblaðið Vísir - DV - 04.09.2013, Page 18

18 Sport 4. september 2013 Miðvikudagur
L
iðin í ensku úrvalsdeildinni
eyddu 630 milljónum punda,
118 milljörðum króna, í nýja
leikmenn í sumar. Félaga-
skiptaglugginn lokaði á mið-
nætti á mánudagskvöld og er óhætt
að segja að margir stuðningsmenn
ensku liðanna hafi beðið spenntir,
einkum og sér í lagi stuðningsmenn
Manchester United og Arsenal, liða
sem höfðu lítið styrkt sig í sum-
ar. Bæði lið lönduðu þó stórum bit-
um; Marouane Fellaini gekk í raðir
Manchester United frá Everton
fyrir 27,5 milljónir punda, 5,1 millj-
arð króna, og Mesut Özil gekk í rað-
ir Arsenal frá Real Madrid fyrir 42
milljónir punda, tæpa átta milljarða
króna. DV heyrði hljóðið í stuðn-
ingsmönnum Manchester United,
Arsenal og Liverpool á þriðjudag og
fékk álit þeirra á kaupum sumarsins.
Vandræðagangur United
Stuðningsmenn Manchester United
voru margir orðnir óþreyjufull-
ir eftir liðstyrk enda lítið gengið hjá
félaginu að styrkja sig í sumar. Rétt
áður en félagaskiptaglugginn lokaði
var þó tilkynnt að Marouane Fella-
ini væri búinn að skrifa undir samn-
ing við Englandsmeistarana. Þetta
reyndust einu kaup Manchester
United í sumar fyrir utan lítt þekktan
bakvörð, Guillermo Varela, sem kom
í vor frá Penarol í Úrúgvæ.
Gunnar Gunnarsson, ritstjóri
Austurfréttar, er dyggur stuðnings-
maður Manchester United. Hann
hefði viljað sjá United styrkja sig
meira en hefur þó tröllatrú á sínum
mönnum. „Fellaini er ágætis leik-
maður en menn vildu meira. United
hefði haft gott af því að fá einhvers
konar leikstjórnanda,“ segir Gunnar
og bætir við að ákveðinn vandræða-
gangur hafi einkennt sumarið hjá
Manchester United. Félagið hefur
hvað eftir annað þurft að játa sig
sigrað í baráttu um sterka leikmenn,
til að mynda Cesc Fabregas. „Það
er eins og menn hafi ekki alveg vit-
að hvað þeir voru að gera. Ég hefði
viljað sjá þá klára kaupin á Ander
Herrera og ég held að allir hefðu ver-
ið sáttir ef hann hefði komið inn.“
Engu að síður segist Gunnar vera
bjartsýnn á tímabilið hjá United
þrátt fyrir erfiða byrjun í deildinni
heima fyrir. „Önnur lið eins og City
hafa styrkt sig mikið í sumar. Ég hef
samt fulla trú á að United muni klára
deildina með titli.“
Biðin styttist hjá Arsenal
Hafi stuðningsmenn Manchester
United verið óþreyjufullir eftir lið-
styrk má segja að stuðningsmenn
Arsenal hafi verið með lífið í lúkun-
um á lokadegi félagaskiptaglugg-
ans á mánudag. Snemma þann
dag var tilkynnt að Arsenal hefði
náð samkomulagi við Real Madrid
um kaup á Þjóðverjanum Mesut
Özil. Ekkert meira heyrðist af
fyrirhuguðum kaupum Arsenal fyrr
en skömmu fyrir lokun gluggans en
þá var tilkynnt að Özil væri form-
lega genginn í raðir Arsenal, stuðn-
ingsmönnum Arsenal til mikillar
ánægju. Hann er langdýrasti leik-
maður Arsenal frá upphafi og kem-
ur án efa til með að bæta leik liðsins
mikið. Arsenal fékk einnig til liðs við
sig Mathieu Flamini á frjálsri sölu
frá AC Milan auk þess sem liðið fékk
markvörðinn Emiliano Viviano að
láni frá Palermo. Fyrr í sumar fékk
liðið einnig ungan franskan fram-
herja, Yaya Sanogo.
Kjartan Björnsson, rakari á Sel-
fossi, er í hópi hörðustu stuðnings-
manna Arsenal á Íslandi. Hann
kveðst nokkuð sáttur við kaup sum-
arsins hjá Arsene Wenger. En voru
kaupin á Özil það sem Arsenal
þurfti? „Eflaust mætti deila um það
hvort þetta sé nóg. En þessi þýska
seiglulína sem Wenger hefur tekið á
síðustu árum held ég að muni skila
okkur að landi. Nú er þessi þýska
þrenna fullkomnuð og hún á eftir að
gera mikið fyrir okkur,“ segir Kjart-
an og á þar við Þjóðverjana í röð-
um Arsenal, þá Lukas Podolski, Per
Mertesacker og Mesut Özil.
Aðspurður um væntingar til
liðsins, hvort hann hafi trú á að
Arsenal verði í titilbaráttu í vetur, seg-
ir Kjartan: „Arsenal-menn eru hóf-
lega bjartsýnir í ljósi reynslunnar en
ég held að núna séu Arsenal-menn
bjartsýnni en oft áður. Biðin eftir titli
styttist og ég held að það verði þrjú
lið sem berjist um titilinn; Arsenal,
Chelsea og Manchester City. Arsenal
verður í 1. til 3. sæti. Þannig verður
það,“ segir Kjartan að lokum.
Markmiðið að ná 4. sæti
Stuðningsmenn Liverpool eru
margir bjartsýnir á gott gengi í vet-
ur enda situr liðið á toppi ensku úr-
valsdeildarinnar eftir fyrstu þrjár
umferðirnar. Þá hefur liðinu gengið
nokkuð vel á leikmannamarkaðnum
í sumar og hafa fjölmargir spennandi
leikmenn bæst við hópinn. Átta leik-
menn hafa bæst við liðið í sumar en
á mánudag bættust við Mamadou
Sakho frá Paris St. Germain, Victor
Moses sem kom að láni frá Chelsea
og Tiago Ilori frá Sporting Lissabon.
Fyrr í sumar komu Iago Aspas, Luis
Alberto, Kolo Toure, Aly Cissokho og
markvörðurinn Simon Mignolet.
Hallgrímur Indriðason, frétta-
maður á RÚV og ritstjóri Rauða
hersins, hefur stutt Liverpool frá
blautu barnsbeini og er hann yfir
sig ánægður með kaup Brendans
Rodgers í sumar. „Byrjunarlið okk-
ar var orðið nokkuð sterkt und-
ir lok síðasta tímabils en það vant-
aði kannski aðeins upp á breiddina.
Í sumar hefur liðinu tekist að auka
hana með mönnum eins og Moses
og Sakho,“ segir Hallgrímur en dýr-
asti leikmaður Liverpool í sumar var
einmitt varnarmaðurinn Mamadou
Sakho sem kostaði 18 milljónir
punda, 3,3 milljarða króna, frá Paris
St. Germain. „Ég held að hann hafi
verið yngsti leikmaðurinn í frönsku
deildinni til að verða fyrirliði og
hann er hokinn af reynslu,“ segir
Hallgrímur en Sakho á tæplega 200
leiki að baki með Paris St. Germain
þrátt fyrir að vera einungis 23 ára.
Þrátt fyrir góða byrjun í vetur tel-
ur Hallgrímur að Liverpool verði
ekki í baráttunni um Englands-
meistaratitilinn í vor. Liðið verði í
baráttunni um fjórða sætið. „Að-
almarkmiðið hlýtur að vera að ná
þessu 4. sæti. Ég hef trú á að barátt-
an um það verði á milli Liverpool,
Arsenal og Tottenham en vissulega
setja kaup Arsenal á Mesut Özil þá í
mjög góða stöðu,“ segir Hallgrímur
sem hefur trú á að Manchester City
vinni deildina í vor. n
Ensku liðin
klár í slaginn
n Fjör á lokadegi félagaskiptagluggans n Rætt við stuðningsmenn Liverpool, United og Arsenal
Einar Þór Sigurðsson
blaðamaður skrifar einar@dv.is
„Það er eins og
menn hafi ekki
alveg vitað hvað þeir voru
að gera.
4. sætið Hallgrímur reiknar með að Liver-
pool verði í baráttu um 4. sætið í vetur.
Biðin styttist Kjartan telur að Arsenal
muni berjast við Manchester City og
Chelsea um titilinn.
Bjartsýnn Gunnar segist bjartsýnn þó svo
að ákveðinn vandræðagangur hafi einkennt
leikmannakaup sumarsins.
Mynd Kox
Stór biti Mesut Özil er
dýrasti leikmaðurinn í sögu
Arsenal.
Stór kaup Maroune Fella-
ini kemur eflaust til með
að styrkja lið Manchester
United töluvert.