Dagblaðið Vísir - DV - 27.09.2013, Blaðsíða 6

6 Fréttir 27.–29. september 2013 Helgarblað
Útfararstofan dæmd árið 2005
n Sætir í dag lögreglurannsókn fyrir meint líkkistuskipti
Ú
tfararstofa Íslands, sem nú
sætir rannsókn lögreglu vegna
meintra líkkistuskipta, var
dæmd af Hæstarétti árið 2005.
Stofan var þá dæmd til að greiða lík-
kistuvinnslunni Fjölsmíð 3,1 millj-
ónar króna skuld. Til skuldarinn-
ar hafði verið stofnað vegna kaupa
útfararstofunnar á 54 líkkistum, auk
fylgibúnaðar.
Árni Þór Sigmundsson, að-
stoðaryfirlögregluþjónn á höfuð-
borgarsvæðinu, staðfesti í miðviku-
dagsblaði DV að lögreglan væri að
hefja rannsókn á ábendingu sem
barst. Rannsóknin snýst um hvort
útfararstofan skipti dýrari kistum út
fyrir ódýrari þegar einstaklingar eru
brenndir á vegum útfararstofunnar.
„Málið er þess eðlis að ef það er eitt-
hvað til í þessu þá er þetta mjög við-
kvæmt,“ sagði Árni Þór við DV. Sam-
kvæmt lögum er bannað að hrófla
við líki þegar því hefur verið komið
fyrir í kistu.
Sverrir Einarsson, útfararstjóri
og eigandi Útfararstofu Íslands, seg-
ir í samtali við Eirík Jónsson hjá sam-
nefndum vefmiðli að samkeppn-
isaðili sé að reyna að koma höggi
á fyrirtækið. „Málið er að skipt var
um kistu þar sem sú sem hafði ver-
ið keypt uppfyllti ekki skilyrði sem
sett eru um líkbrennslur og var það
gert í fullri sátt við aðstandendur en
ósk um brennslu kom fram eftir að
kistan hafði verið keypt,“ hefur Ei-
ríkur eftir Sverri. Sverrir vill meina
að kistan sem brennd var hafi verið
á sama verði og sú sem skipt var um.
Dómurinn sem útfararstofan
fékk 2005 snerist um vanefndir á
greiðslum vegna umsaminna kaupa
á líkkistum af Fjölsmíð. Í október
2002 sagði Fjölsmíð upp samn-
ingi við útfararstofuna, sem og við
Útfararstofu Hafnarfjarðar, sem
lýtur sama eignarhaldi. Ástæðan
voru reikningar fyrir kistur sem ekki
höfðu fengist greiddir. Málið fór alla
leið fyrir Hæstarétt þar sem Útfarar-
stofa Íslands var dæmd til að greiða
skuldina. n baldur@dv.is
Græddi tæpar
170 milljónir
S
kipafyrirtækið Neptune
ehf. á Akureyri, sem meðal
annars hefur unnið fyrir
rússneska olíurisann
Gazprom í gegnum tíðina,
hagnaðist um tæplega eina millj-
óna evra á síðasta ári eða nærri 170
milljónir króna. Þetta kemur fram í
ársreikningi félagsins sem nýlega
var skilað til ársreikningaskrár ríkis-
skattstjóra.
Líkt og DV fjallaði um árið 2010
á fyrirtækið og rekur tvö rann-
sóknarskip, Neptune og Póseidon,
sem meðal annars hafa unnið fyrir
rússnesk olíu- og gasfyrirtæki í
Eystrasalti sem og fyrir bresk fyr-
irtæki. Fyrirtækið leigir skipin til
ýmiss konar rannsóknarleiðangra.
Stunda rannsóknir í Evrópu og
Suður-Ameríku
Ágúst Guðmundsson, framkvæmda-
stjóri og einn af hluthöfum Neptune,
segir að fyrirtækið vinni ekki leng-
ur fyrir Gazprom en að á síðasta ári
hafi fyrirtækið stundað rannsóknir í
Suður-Ameríku, í Norðursjónum og
í kringum Bretland. „Í Suður-Ame-
ríku unnum við fyrir fyrirtæki sem
heitir Incosta, sem er rannsóknar-
fyrirtæki. Við vorum að skanna fyrir
olíu og gasi og taka sýni. Það var
Póseidon sem var í Suður-Ameríku.
Neptune hefur verið við Bretland
og í Norðursjó,“ segir Ágúst en auk
þess að stunda rannsóknir vegna
gas- og olíuiðnaðar þá hefur fyrir-
tækið einnig stundað rannsóknir
vegna byggingar á vindmyllum við
Bretland.
Vann að lagningu gasleiðslu
Neptune hefur meðal annars verið
notað við lagningu á gasleiðslu fyrir
Rússa í Eystrasalti. Verkefnið heitir
Nord Stream og er unnið af sam-
nefndu fyrirtæki sem er í eigu rúss-
neska olíurisans Gazprom, sem aft-
ur er í eigu rússneska ríkisins. Nord
Stream-verkefnið gengur út á að
leggja eina stærstu gasleiðslu sem
byggð hefur verið. Gasleiðslan á að
ná frá borginni Vyborg, sem stend-
ur fyrir norðan Sankti Pétursborg
og til þýsku borgarinnar Greifswald.
Með gasleiðslunni mun Gazprom
geta flutt gas sjóleiðina, í gegn-
um neðansjávarleiðslur, til Evrópu
í stað þess að senda gasið land-
leiðina. Gazprom verður því ekki
háð leyfi og stuðningi frá löndun-
um sem gasleiðslurnar liggja um til
að senda gasið sjóleiðina til Evrópu.
Hlutverk Neptune við lagningu
gasleiðslunnar vörðuðu rannsóknir
á sjávarbotninum þar sem leiðslan
er lögð.
Magnús átti Neptune
Skipafyrirtækið var í eigu Magnúsar
Þorsteinssonar, fjárfestis og fyrrver-
andi hluthafa í eignarhaldsfélaginu
Samson, en hann hvarf úr hluthafa-
hópnum árið 2009 að sögn Ágústs
Guðmundssonar.. Magnús hefur
verið tengdur Rússlandi um árabil
en hann og Björgólfsfeðgar áttu og
seldu síðar bjór- og gosdrykkjaverk-
smiðjur í Sankti Pétursborg sem hétu
Bravo. Eftir sölu á verksmiðjunum til
Heineken árið 2002 komu þremenn-
ingarnir með fjármuni til Íslands og
keyptu Landsbankann í lok árs 2002.
Magnús Þorsteinsson er búsettur
í Rússlandi um þessar mundir en
hann var úrskurðaður gjaldþrota hér
á landi eftir hrunið 2008.
Rússneskur aðili stærsti eigandinn
Neptune er í dag í eigu rússneskra
aðila að 80 prósenta leyti, í gegn-
um félagið Sea Investment Ltd. og
svo á eignarhaldsfélag Ágústs Guð-
mundssonar 20 prósent. Félag
Ágústs heitir Geirseyri. Ekki er vitað
hvað rússnesku aðilarnir heita sem
eiga Neptune. Í varastjórn félags-
ins situr maður að nafni Viatcheslav
Rezchikov en annars er Ágúst
stjórnar formaður og prókúruhafi
fyrirtækisins. Þegar mest lætur eru á
milli 40 og 45 manns sem vinna hjá
Neptune.
Neptune er traust fyrirtæki í dag
og á eignir upp á meira en 13 millj-
ónir evra en skuldar ekki nema rétt
tæplega sjö. Eiginfjárstaða félagsins
stendur því í 6,5 milljónum evra og
er jákvætt upp á tæplega 50 prósent.
Ágúst segir að staða fyrirtækisins líti
ágætlega út í dag. n
n Skipafélag á Akureyri hagnast vel n Var í eigu Magnúsar Þorsteinssonar
„Neptune hef-
ur meðal annars
verið notað við lagningu
á gasleiðslu fyrir Rússa í
Eystrasalti.
Ingi Freyr Vilhjálmsson
fréttastjóri skrifar ingi@dv.is
Átti Neptune Magnús Þor-
steinsson átti Neptune en hvarf úr
hlutahafahópnum árið 2009 og
flutti til Rússlands. Félagið er í dag
í eigu ótilgreindra rússneskra aðila
að stærstu leyti. MyNd RóbERt REyNiSSoN
Kirkjugarður
Sverrir Einarsson útfararstjóri
segir að verið sé að reyna að
koma höggi á fyrirtækið.
MyNd StEfÁN KARlSSoN
Lýsa vantrausti
á Sigurð Inga
Ung vinstri græn lýsa yfir van-
trausti á Sigurð Inga, ráðherra
Framsóknarflokksins. Þetta kemur
fram í ályktun sem send var fjöl-
miðlum. „Hugmyndir ráðherra um
afturköllun nýsamþykktra nátt-
úruverndarlaga sýna að þar fer
maður sem er óvinur náttúrunnar.
Náttúran mun aldrei ná „sátt“ við
svokallaða haghafa sem hafa það
ekki að markmiði að vernda hana
fyrir ágangi. Ætli ráðherra sér að
afnema lög um náttúruvernd sem
fela í sér aukinn almannarétt, inn-
leiðingu varúðarreglna og nýjan
flokk friðlýstra svæða er ljóst að
enginn umhverfisráðherra er í sitj-
andi ríkisstjórn,“ segir í ályktuninni
og því bætt við að stjórn Ungra
vinstri grænna ítreki að þegar
kemur að náttúrunni sé öll þjóðin
hagsmunaaðili.
„Ung vinstri græn efla því til
mótmæla við þingsetningu þriðju-
daginn næstkomandi og hvetja
alla náttúruverndarsinna til að
mæta og láta í sér heyra. Náttúran
skal njóta “
4,4 prósenta
atvinnuleysi
Samkvæmt vinnumarkaðsrann-
sókn Hagstofu Íslands voru í ágúst
2013 að jafnaði 188.300 manns
á vinnumarkaði. Af þeim voru
180.000 starfandi og 8.300 án
vinnu og í atvinnuleit. Þetta kemur
fram á vef Hagstofu Íslands en þar
kemur fram að atvinnuþátttaka
hafi mælst 82,9 prósent, hlutfall
starfandi hafi verið 79,3 prósent
og atvinnuleysi hafi verið 4,4 pró-
sent. Þetta þýðir að atvinnuleysi
hefur minnkað um 1,3 prósentu-
stig frá því í ágúst 2012 en þá var
atvinnuleysi 5,7 prósent. Atvinnu-
leysi í ágúst 2013 var 4,6 prósent á
meðal karla miðað við 4,9 prósent
í ágúst 2012 og meðal kvenna var
það 4,2 prósent miðað við 6,7 pró-
sent í ágúst 2012.
Sérsveitin send
á útlendinga
Þrettán voru handteknir í að-
gerðum lögreglunnar á höfuð-
borgarsvæðinu í Kópavogi á
fimmtudagsmorgun. Lagt var
hald á muni og lítilræði af fíkni-
efnum í hýbýlum mannanna,
en þeir eru allir af erlendu bergi
brotnir samkvæmt upplýsing-
um frá lögreglu. Mennirnir voru
færðir til yfirheyrslu hjá lögreglu,
en ekki er hægt að veita frekari
upplýsingar um málið að svo
stöddu. Við aðgerðirnar naut lög-
reglan aðstoðar sérsveitar ríkis-
lögreglustjóra og fíkniefnaleit-
arhunda frá tollinum. Mennirnir
eru sagðir vera hælisleitendur
frá Albaníu sem komu hingað til
lands fyrir landsleik Íslands og
Albaníu í undankeppni HM fyrr í
mánuðinum.