Dagblaðið Vísir - DV - 27.09.2013, Blaðsíða 44

44 Lífsstíll 27.–29. september 2013 Helgarblað
Spennandi París
Það sem er skemmtilegt fyrir börn
að gera í París getur einnig reynst
prýðilegasta skemmtun fyrir þá
fullorðnu.
Ráfað um Rue du Bac
Foreldrar geta ráf-
að um í versl-
unarleiðangri í
Rue du Bac án
þess að börn-
unum leiðist.
Þar er að finna
margar skrýtn-
ar og skemmti-
legar sérverslanir. Helst
ber að nefna Pylones þar sem
finna má skemmtilega og litríka
hönnun sem börnum líkar vel.
Svo sem eggjabikara sem hægt
er að leika sér með við morgun-
verðarborðið, þá er alltaf gaman
að heimsækja Petit Pan, þar sem
ævintýraleg hönnun fyrir börn
fangar augað.
Geimverur í Disneylandi
Disneyland í París er
ævintýralegur stað-
ur. Yngri börnum
finnst gaman
að heimsækja
Fantasyland, þar
sem ævintýri Lísu
í Undralandi lifna
við.
Stálpaðri börn geta farið í
Discoveryland, þar sem þau geta
aðstoðað Buzz við að bjarga heim-
inum frá litlum grænum körlum.
Elstu börnin vilja svo líklega
fara í smá adrenalínrúss. Þau
hugrökkustu geta farið í Twilight
Tower of Terror, þaðan sem þau
skutlast af gömlu hótelþaki niður
lyftugöng, þrettán hæða fall.
Sjóræningjaafturgöngur
Þá er í Disneylandi
vinsæll rússíbani,
Rock `n´ Roller
Coaster, sem
þeytist um undir
tónum hljóm-
sveitarinnar Aer-
osmith.
Allra vinsælasti
áfangastaður Disneylands í Par-
ís fyrir alla fjölskylduna er þó
rússíbani í anda Pirates of the
Carribbean þar sem sjóræningja-
afturgöngur gera óvænta árás á vel
meinandi fjölskyldufólk.
300 þrep í Sacré Coeur
Börnum finnst miklu
skemmtilegra en
fullorðnum sú
áskorun að klífa
300 þrep upp
í topp á hinni
fallegu Sacré
Coeur. Góð leið
til að kynna þau fyrir
sögufrægum arkitektúr borgar-
innar. Ekki spillir fyrir að þau fara
óhjákvæmilega fyrr í háttinn þann
daginn.
Börnin elda
Börn þrettán
ára og eldri má
senda á mat-
reiðslunámskeið
og þegar heim
er komið eru þau
reynslunni ríkari,
foreldrum líklega til mikillar gleði.
Í La Cuisine Paris er börnum
kennt að elda í tvo til fjóra tíma.
Þau læra að baka smjördeigshorn,
litlar sætar kökur og bökur og
jafnvel heilu máltíðirnar.
París barnanna
n Leikbrúðusýningar og spennandi söfn
P
arís er ekki eingöngu borg
fyrir ástfangin pör eða
listunnendur. París er einnig
borg barnanna.
DV skoðaði áhugaverða
hluti fyrir barnafjölskyldur í París og
spurði Parísarunnendur ráða. Gunn-
hildur Helga Gunnarsdóttir og eig-
inmaður hennar, Ómar Jabali, unna
borginni og fara reglulega þangað til
að hlaða batteríin.
Um þessar mundir er hlýlegt
haust í París. Hitastigið er á við góð-
an sumardag á Íslandi og haustlitirn-
ir farnir að setja svip sinn á borgina.
Gunnhildur og Ómar segjast hrifin af
fallegum görðum borgarinnar, sem
séu afar barnvænir, og spennandi
söfnum, þar sem margt forvitnilegt
er að sjá.
Dásamlegir garðar
„Það er hægt að gera ótalmargt
skemmtilegt með börnum í París,“
segir Gunnhildur frá.
„Garðarnir þar eru dásamlegir.
Til dæmis er Lúxemborgargarðurinn
mjög skemmtilegur með stórum leik-
tækjagarði fyrir börn, hægt að fara í
brúðuleikhús þar sem er opið þrisvar
í viku og síðan er alltaf eitthvað nýtt
og skemmtilegt í gangi í garðinum,
eins og tónleikar, litlir smáhestar sem
hægt er að fara á bak og margt fleira.
Jardin des Plantes er líka mjög
fallegur og skemmtilegur. Þetta er
garður með öllum þeim plöntum
sem hægt er að ímynda sér. Virki-
lega skemmtilegt að vera þar, njóta
dýrðarinnar og skella sér svo í dýra-
garðinn og náttúruminjasafnið þar
sem hægt er að skoða risaeðlu-
beinagrindur. Svo er gaman að kíkja
í moskuna á móti garðinum og fá sér
te. Tuilleries-garðurinn er líka frábær
fyrir börn og hægt að rölta þangað
þegar búið er fara í Louvre-safnið.“
Skemmtileg safnamenning
Söfnin eru ekki síður spennandi
að mati Gunnhildar og eitt þeirra
ómissandi, Cité des Enfants. „Það eru
alltaf nýjar og áhugaverðar sýningar
á Pompidou-nýlistasafninu og þar er
líka lítil sýning fyrir börn þar sem þau
geta leikið sér með leir, alls kyns segla
og fleira. Þannig að bæði foreldrar og
börn geta notið sín og fundið eitthvað
við sitt hæfi.
En skemmtilegasta safnið fyrir
börnin er án efa Cité des Enfants. Það
er ekki hægt að fara til Parísar með
börn án þess að fara á þetta safn sem
er með alls konar leikjum og uppfinn-
ingum fyrir börn sem þau geta prófað
og leikið sér í sjálf. Þetta safn er gert
fyrir börn á öllum aldri, alveg frá 2–12
ára, en er ekki síður skemmtilegt fyrir
foreldrana. Parc de la Villette er svo
rétt fyrir utan safnið – svona mini-
tívolí og hægt að kíkja þangað eftir á.“
Ekki bera þungar byrðar
Þvert á það sem margir ímynda sér
er auðvelt að ferðast um París með
börn. Gunnhildur mælir þó með því
að fara með létta kerru og ferðast ekki
um með miklar byrðar.
„Að ferðast um í París með börn er
auðvelt. Mér finnst skemmtilegast að
ganga bara út um allt þar sem borgin
er eitt stórt listaverk, en annars er fínt
að taka strætó eða metró. En ef þú ert
með barn í kerru taktu þá létta kerru
með þér þar sem það er endalaust
af tröppum alls staðar og mjög lítið
um rúllustiga. Maður þarf að bera
kerruna upp og niður tröppur nánast
alls staðar.“
Ódýrara að finna sér íbúð
Húsnæði er dýrt í París, bendir Gunn-
hildur á og mælir með því fyrir barna-
fjölskyldur að leita uppi íbúð.
„Það eru virkilega flott hótel í
París sem frábært er að gista á en það
er hins vegar mjög dýrt líka. Það er
ódýrara að finna sér íbúð á meðan
maður er í borginni og hægt að finna
flottar íbúðir í hjarta borgarinnar á
fínu verði. En auðvitað fer þetta líka
allt saman eftir því hvað maður dvel-
ur lengi í borginni. En húsnæði er eitt
af því allra dýrasta við París, hvort
sem um er að ræða íbúð eða hótel-
herbergi.“
Óbarnvænir veitingastaðir
Franskir sælkerar gera ekki í því að
bjóða börn velkomin á veitingastaði.
Þessu þarf að gera ráð fyrir á ferðalagi
um borgina.
„Þó svo að það sé gríðarlega mikið
um að vera í París fyrir börn og þau
geti drukkið í sig menninguna þarna
þrátt fyrir að tala ekki tungumálið
þá er París ekki barnvæn þegar það
kemur að aðstöðu fyrir lítil börn á
veitingahúsum, sem dæmi. Það eru
nánast aldrei til barnastólar og yfir-
leitt engin aðstaða til að skipta um
bleiu ef þess þarf.
En annars er París ein falleg-
asta og skemmtilegasta borg sem
hægt er að hugsa sér og ég mæli hik-
laust með að farið sé með börnin
þangað og öll menning borgarinnar
kynnt fyrir þeim og þau geti kynnst
borginni á skemmtilegan og áhuga-
verðan hátt. Ég gæti haldið áfram
með listann yfir hvað er hægt að
gera með börnum í borginni en læt
þetta duga í bili. Það er alltaf nóg um
að vera í París.“n
Cité des Enfants Safn gert fyrir börn á öllum aldri, segir Gunnhildur og mælir sterklega með heimsókn á safnið.
Lúxemborgargarður Í hinum fallega Lúxemborgargarði er hægt að fara í stóran leik-
tækjagarð, á tónleika, fara á bak smáhesti og sækja brúðuleikhússýningar.
Gunnhildur og Ómar í París
Hjónin unna París og fara þangað
reglulega til að hlaða batteríin.
Þeim finnst París ekki síður borg
barnanna, en þeirra fullorðnu.
Kristjana Guðbrandsdóttir
blaðamaður skrifar kristjana@dv.is
„Ein fallegasta og
skemmtilegasta
borg sem hægt er að
hugsa sér.