Dagblaðið Vísir - DV - 22.11.2013, Síða 13

Dramatískur enDir á áratuga samstarfi
n Kristján Loftsson og viðskiptafélagar greiddu um 2,6 milljarða fyrir hlutabréf Árna Vilhjálmssonar heitins og systur hans n Fengu bréfin á hagstæðu verði
Íslandsbanka, sagði fyrr í mánuðin­
um að hann reiknaði með því að
hlutabréfaverð í félaginu myndi
hækka ef það yrði skráð á Aðal­
markað Kauphallar Íslands. „Verð­
myndun á First North er ekki mjög
virk og þar eru viðskipti lítil og strjál.
Skráð gengi á markaðinum þarf því
ekki að endurspegla rétta mynd af
því hvert verðmæti eigin fjár félags­
ins yrði væri það skráð á Aðalmark­
aðinum. Það að taka félagið af First
North og setja það á Aðalmarkað­
inn mun því vafalítið hafa aukningu
í för með sér þegar kemur að verð­
mæti eigin fjár félagsins.“
Verðmæti hlutabréfa í HB
Granda, sem er stærsta sjávar­
útvegsfyrirtæki landsins, gæti því
orðið meira en þeir 30,8 milljarðar
króna sem það er talið vera núna.
En ef gengið er út frá því verðmæti
þá er hlutur Venusar í HB Granda
tæplega 6 milljarða króna virði.
Hlutabréfin sem fjölskylda Árna
Vilhjálmssonar og systur hans
seldu í HB Granda eru því tæplega
1,9 milljarða króna virði. En líkt og
áður segir þá gætu þessi hlutabréf
verið enn verðmætari í reynd eftir
að hlutabréf í útgerðarfélaginu
verða boðin út. Þau gætu því ver­
ið miklu meira virði en þetta. Af
þessu sést hvað Kristján hefur gert
góð kaup þegar hann keypti hluta­
bréf fjölskyldu Árna og Kristínar í
Venusi.
Kristján selur
Hluthafar HB Granda ætla að selja
um þriðjung hlutafjár í HB Granda
á næsta ári og gæti sú sala skilað
9,8 milljörðum króna líkt og Vísir
fjallaði um fyrir skömmu. Sölu­
verðið gæti svo orðið enn hærra líkt
og áður segir. Af þessum þriðjungi
hlutafjár hefur Arion banki boð­
að sölu á 20 til 25 prósenta hluta­
fjár í félaginu og Kristján hefur sölu
á hlutafé sem er í eigu Vogunar og
Venusar.
Kristján gæti því selt eitthvað af
þeim hlutabréfum sem hann eign­
aðist með kaupunum á hlutabréf­
um fjölskyldu Árna og Kristínar
strax á næsta ári og innleyst
nokkurn hagnað þar sem líklegt má
telja að mikil eftirspurn verði eftir
hlutabréfunum í þessu kvótamesta
sjávarútvegsfyrirtæki Íslands hér á
landi – Samherji er stærsta sjávar­
útvegsfyrirtæki landsins en hefur
yfir að ráða næst mestum kvóta hér
á landi á eftir HB Granda.
Hampiðjan líka
En hlutabréfaeign Venusar er ekki
aðeins bundin við HB Granda því
félagið á líka 37,9 prósenta hlut í
Hampiðjunni sem er mjög sterkt
og vel rekið fyrirtæki. Eiginfjárstaða
Hampiðjunnar var jákvæð um tæp­
lega 8 milljarða króna í lok árs í fyrra
og greiddi félagið metarð til hlut­
hafa sinna í ár vegna góðs rekstrar
í fyrra. Þar af fékk Venus tæplega 57
milljónir króna í sinn hlut og fjöl­
skylda Árna og Kristín þriðjung
þeirrar upphæðar.
Hampiðjan er ekki skráð á Aðal­
markað Kauphallar Íslands heldur
First North markaðinn líkt og HB
Grandi. Fari svo að Hampiðjan
verði skráð á markað gæti verðmæti
félagsins aukist enn meira þar sem
þróunin hér á landi frá hruni hef­
ur verið sú að verðmæti fyrirtækja
hækkar nokkuð við skráningu í
Kauphöllina. Fyrir því eru nokkrar
ástæður en ein sú helsta er skortur á
fjárfestingartækifærum hér á landi,
meðal annars fyrir lífeyrissjóðina
sem hafa fjárfest grimmt í hluta­
bréfum á markaði og ráða nú yfir 40
til 50 prósenta skráðra hlutabréfa á
markaði hér á landi.
Ekki er hægt að skjóta á verð­
mæti Hampiðjunnar fari félagið á
Aðalmarkað Kauphallarinnar en
ljóst er að verðmæti þess er margra
milljarða króna virði. Venus á 37,9
prósenta hlutdeild í þeim milljörð­
um og fjölskylda Árna og Kristín
Vilhjálmsdóttir áttu tæpan þriðj­
ung í þeim bréfum þar til nýlega.
Verðmæti hlutabréfanna í Hamp­
iðjunni sem Kristján keypti af þeim
hleypur því á hundruðum millj­
óna, jafnvel milljarði eða meira, fari
svo að fyrirtækið verði sett á hluta­
bréfamarkað.
Að auki ber að nefna að Hamp­
iðjan á einnig hlut í HB Granda upp
á 9,43 prósent og er hann því tæp­
lega þriggja milljarða króna virði.
Rúmur milljarður af því er í eigu
Venusar og var hlutur fjölskyldu
Árna og Kristínar því um 300 millj­
óna króna virði. Þar að auki á félag­
ið tæplega sjö prósenta hlut í Ný­
herja sem metinn er 240 milljónir í
ársreikningi þess.
Ein af viðskiptum ársins
Af þessu yfirliti sést að Fiskveiða­
hlutafélagið Venus á afar góðar
eignir og stendur beini og óbeini
eignarhluturinn í HB Granda þar
upp úr. Þó Kristján hafi ekki verið
hvatamaður að viðskiptunum með
hlutabréf Árna Vilhjálmssonar og
systur hans í Venusi þá er ljóst að
hann hefur gert góð kaup því bæði
HB Grandi, Hampiðjan og einnig
Nýherji eru sterk fyrirtæki sem
gætu hækkað mjög í verði fari þau
á hlutabréfamarkað líkt og búið er
að ákveða með Granda. Kristján og
viðskiptafélagar gætu því hæglega
margfaldað sitt pund í viðskiptun­
um, greitt upp hlutabréfin í Venusi
sem keypt voru og haldið þeim
hagnaði sem eftir stendur og jafnvel
haldið áfram hluta bréfanna sem
keypt voru í gegnum Venus.
Viðskipti Kristjáns eru því senni­
lega með þeim betri á þessu ári:
Hann fékk mjög mikið fyrir frekar
lítið og vildi upphaflega ekki að
viðskiptin ættu sér stað. Seljendur
hlutabréfanna í Venusi gætu á sama
tíma hafa orðið af miklum fjárhæð­
um þar sem söluverðið á hlutabréf­
unum endurspeglar ekki raunveru­
legt verðmæti þeirra.
Viðskiptin með hlutabréfin í
Venusi eru því sannarlega drama­
tískur endir á áratugalöngu við­
skipta­ og vinasambandi þeirra
Árna Vilhjálmssonar og Kristjáns
Loftssonar. n
Deildu um hvalveiðar
Dóttir Árna Vilhjálmssonar, Birna,
skrifaði grein í Fréttablaðið í sumar sem
vakti talsverða athygli. Í henni kom fram
sá grundvallarmunur sem var á skoðun-
um sumra erfingja Árna og Kristjáns
Loftssonar til hvalveiða. Í greininni sagði
meðal annars:
„Hvað það er sem drífur stjórn Hvals hf.
áfram til hvalveiða í óþökk heims-
byggðarinnar er með öllu óskiljanlegt.
Forsvarsmenn fyrirtækisins hafa engan
áhuga á að upplýsa um kostnaðinn
við hvalveiðarnar eða hversu miklum
fjármunum á yfirleitt að fórna til að
koma hvalkjötinu ofan í Japani. Erum
við ef til vill að fórna meiri hagsmunum
fyrir minni? Gleymum ekki að þær þjóðir
sem við eigum í mestum viðskiptum við
leggjast gegn hvalveiðum í atvinnuskyni
og viðskiptum með hvalaafurðir. Eins
og staðan er í dag er aðeins einn maður
sem hefur það í hendi sér hvort þessar
langreyðar verða veiddar eða ekki. Mikið
vildi ég óska að hann léti af þessari
hvalveiðiþrjósku og fyndi kröftum
sínum og fjármunum annan farveg.
Braggabyggðin í Hvalfirði og gömlu
hvalveiðiskipin bjóða nefnilega upp á
ótal tækifæri.“
Hvalstöðin í Hvalfirði
Stórhveli skorið í stöðinni.
Mynd RóbERt REynisson
Fréttir 13Helgarblað 22.–24. nóvember 2013
Reykjavík
Skútuvogur 1
Sími 562 4011
Akureyri
Draupnisgata 2
Sími 460 0800
PI
PA
R\
TB
W
A
·
S
ÍA
·
1
33
21
3
Gorenje ofn BO7120AX eða BO7310AX • Stál • Nýtanlegt rými 65 l • Orkunýtni A • 5 ára ábyrgð
Keramik helluborð EC610AX • Snertitakkar • Sjálfvirkur suðubúnaður • Kantur úr ryðfríu stáli • 5 ára ábyrgð
ronning.is | gorenje.is
Gorenje ofn og helluborð
aðeins 159.900 kr.
Áður 229.900 kr. Þú sparar 70.000 kr.
Nóvembertilboð