Hagskýrslur um landbúnað - 01.01.1972, Side 8

6*
Búnaðarskýrslur 1964—1967
verið skaplegar og farið batnandi eftir að Hagstofan hóf að hagnýta
þær til skýrslugerðar um búfé og jarðargróða, og má gera ráð fyrir,
að þær séu fyllri heimild en búnaðarskýrslur skattyfirvalda voru hvað
snertir þessa þætti búrekstrar.
Varðandi aðra þætti landbúnaðar hefur eftir 1963 ekki verið aflað
skýrslna um alla framleiðendur. Áætlanir í þessu hefti um magn og
verðmæti landbúnaðarframleiðslunnar og um framleiðslukostnað eru
byggðar á áður nefndu úrtaki úr skattframtölum bænda. í það kemur
8. hver aðili á landinu utan kaupstaða, sem merktur er sem bóndi
(þ. e. sjálfstæður atvinnurekandi í landbúnaði) á almennum skatt-
skrám, samkvæmt starfstéttarflokkun Hagstofunnar (sjá t. d. bls.
170—178 í októberblaði Hagtíðinda 1970). Þetta er framkvæmt í skýrslu-
vélum og gera þær skrár yfir þessa aðila, fyrir hvert skattumdæmi.
Hagstofan sendir þær skattstjórum, og taka þeir afrit af framtali hvers
aðila í úrtakinu, bæði af hinu sérstaka landbúnaðarframtali og af
persónuframtalinu.
Áætlanir um fjárfestingu í landbúnaði í töflum 24—27 eru byggðar
á ýmsum heimildum, sem gerð verður grein fyrir síðar í þessum inn-
gangi í skýringum við viðkomandi töflur.
Ekki eru lengur gerðar töflur með hliðstæðum upplýsingum um
bændur annars vegar og alla framteljendur til búnaðarskýrslna hins
vegar, nema tafla 9 um skiptingu bústofna og garðávaxta milli búa og
búlausra árið 1967. Þá hafa og verið lagðar niður töflur um búsafurðir
og arð af hlunnindum eftir sýslum, en tafla (nr. 15) er um árlegt magn
og verðmæti landbúnaðarframleiðslunnar eftir búgreinum og lands-
svæðum (þ. e. eftir kjördæmum, þó er Reykjavík talin með Reykjanes-
kjördæmi). í fyrri Búnaðarskýrslum var tafla um tilkostnað við fram-
leiðslu landbúnaðarafurða og kaupgreiðslur eftir sýslum, en í þessu
hefti er tafla (nr. 17) með árlegum tilkostnaði eftir landssvæðum
aðeins. Töflur um jarðabætur eftir sýslum falla nú niður í Búnaðar-
skýrslum, þar eð þær birtast árlega í Búnaðarritinu. í þess stað er tafla
(nr. 28) um árlegar jarðabætur eftir landssvæðum.
Að því er varðar aðrar breytingar, er verða á Búnaðarskýrslum frá
og með þessu hefti, er fyrst og fremst ástæða til að nefna, að tekin er
upp búrekstrareiningin bú (sjá skilgreiningu hér á eftir), en áður var
hér reiknað með bændum sem framteljendum til búnaðarskýrslna. Búum
er skipt eftir sýslum og ábúðarformi, tegund búrekstrar og formi rekstrar-
aðildar (tafla 1). Búum er einnig skipt eftir sýslum og fjölda kúa,
sauðfjár og ærgilda (töflur 8 og 11). Nýtt í þessu hefti eru upplýsingar
um flatarmál gróðurhúsa og tölu gróðrarstöðva (tafla 13). Enn fremur
tala eigenda einstaklingsbúa eftir starfsstétt, kyni og landssvæðum (tafla
2), aldur bænda og húsmæðra á einstaklingsbúum (tafla 14), fjöldi
slysatryggðra vinnuára í landbúnaði og skyldum greinum (töflur 3 og
4), og yfirlit um eyðingu refa og minka (tafla 18). Af nýju í þessu