Dagblaðið Vísir - DV - 13.05.2011, Síða 18

Þórarinn Arnar Sævarsson, einn eig-
enda fasteignasölunnar Remax á Ís-
landi, hefur sótt um greiðsluaðlögun
hjá umboðsmanni skuldara. Þetta
kemur fram í auglýsingu frá um-
boðsmanni skuldara sem birt var í
Lögbirtingablaðinu miðvikudaginn
11. maí. Umboðsmaður skuldara
mun í kjölfarið taka beiðni hans um
greiðsluaðlögun fyrir.
Þórarinn Arnar er skráður að hluta
fyrir eignarhaldsfélögum sem skulda
rúmlega 4 milljarða króna, samkvæmt
skýrslu rannsóknarnefndar Alþingis. Í
skýrslunni kemur fram að eignarhalds-
félög Þórarins Arnars, Brautarholt 20
ehf., Norðurhlíð ehf. og Strengur fjár-
festingar ehf., hafi fengið umrædd lán
í íslenskum fjármálafyrirtækjum, að-
allega Sparisjóði Reykjavíkur og ná-
grennis, til að kaupa fasteignir. Þórar-
inn Arnar á því hlutdeild í afar háum
skuldum samkvæmt rannsóknar-
skýrslunni.
Fóru yfir hámarkið
Þessar skuldir Þórarins Arnar og með-
fjárfesta hans voru það háar að rann-
sóknarnefndin nefnir sérstaklega að
félögin hafi fengið það mikið lánað
hjá Sparisjóði Reykjavíkur að farið hafi
verið yfir þau mörk um hámarkslán-
veitingar til einstakra aðila sem spari-
sjóðurinn hafði sett sér. Um þetta seg-
ir í skýrslunni: „Í september 2007 er
heildarlánveiting  SPRON  til Brautar-
holts og tengdra aðila komin yfir 14,4%
af CAD hlutfalli en stefna SPRON hafði
verið að enginn einn skuldari færi yfir
10%. Engu að síður aukast skuldir sam-
stæðu  Brautarholts  um 1,6 milljarða
króna frá því að þetta er bókað á stjórn-
arfundi bankans.“
Ákærður fyrir skattalagabrot
Fyrr á þessu ári ákærði embætti rík-
islögreglustjóra Þórarin Arnar fyrir
skattsvik, líkt og DV greindi frá í janú-
ar. Í ákæruskjalinu er Þórarinn sagður
hafa framið „... meiri háttar brot gegn
skatta- og bókhaldslögum í sjálfstæðri
atvinnustarfssemi sinni í fasteignavið-
skiptum.“
Þórarinn er ákærður fyrir að hafa
skilað röngum skattskýrslum árin
2005, 2006 og 2007 vegna tekna ár-
anna á undan, með því að vanfram-
telja samtals rúmar 42,3 milljónir
króna í rekstrartekjur og hafa þann-
ig ekki talið fram skattskyldar tekjur.
Þannig hafi hann komið sér undan
greiðslu tekjuskatts og útsvars sam-
tals að fjárhæð 12,6 milljónir króna. Í
samtali við DV í janúar sagðist Þórar-
inn Arnar vera saklaus í málinu. „Ég
er saklaus,“ sagði hann þá. Málið er
nú rekið fyrir dómstólum. Aðspurð-
ur segist Þórarinn binda vonir við að
ákæran gegn honum verði dregin til
baka. „Ég er ekki skattsvikari,“ segir
Þórarinn.
Ósáttur við Dróma
Þórarinn segir aðspurður að ástæð-
an fyrir því af hverju hann hafi sótt
um greiðsluaðlögun sé sú að fjár-
málafyrirtækið Drómi, sem tók við
viðskiptum Sparisjóðs Reykjavík-
ur og Frjálsa fjárfestingarbankans
eftir hrunið 2008 og sem sér um
innheimtu á útistandandi skuld-
um félaganna, hafi leikið hann afar
grátt. „Ég er bara einn af þúsundum
óheppinna viðskiptavina Dróma. Og
þetta er bara eina leiðin sem ég hef
til að fást við stöðuna eins og hún er.“
Þórarinn segist hafa sótt um
greiðsluaðlögun vegna gengis-
tryggðra húsnæðislána sem hann
tók á sínum tíma.
Hann segir að meðal þess sem
hann hafi upp á Dróma að klaga sé
að fyrirtækið hafi gjaldfellt rúmlega
137 milljóna króna lán sem hann átti
útistandandi við bankann og kraf-
ist endurgreiðslu á einum gjalddaga.
Þórarinn segist ekki eiga 137 millj-
ónir til að greiða þessa skuld. „Ég fór
og tók 210 milljónir króna að láni.
Ég er búinn að greiða til baka af því
280 milljónir króna. Ég er búinn að fá
dóms kvadda matsmenn til að meta
skuldir mínar í ljósi dóma um ólög-
mæti gengistryggðra lána. Þeir telja
að Drómi skuldi mér 2 milljónir og
800 þúsund. Drómi neitar hins veg-
ar að endurreikna lánin mín. Með-
an ég er að reyna að fá þessu hnekkt
ætla ég að hindra það að þeir geti gert
mig gjaldþrota eða eitthvað þaðan af
verra.“
Þórarinn segir að skuldirnar sem
rætt er um í rannsóknarskýrslunni
hafi einnig stökkbreyst þar sem um
hafi verið að ræða gengistryggð lán.
Hann segir að rekið sé dómsmál við
Dróma um þessar skuldir þar sem
ágreiningsefnið er hversu mikið fé-
lögin eigi að greiða til baka af skuld-
unum. „Skuldir þessara félaga voru
800 milljónir króna í janúar 2008.
Svo hrynur krónan í verði og bank-
inn heldur því fram að við skuldum
einhverja þrjá til fjóra milljarða en
við erum ósammála því. Þetta er sá
ágreiningur sem við eigum í. Drómi
hefur tekið þann pól í hæðina, áður
en niðurstaða liggur fyrir í þess-
um ágreiningi, að reyna að keyra
þá sem standa að þessum félögum
persónulega í þrot. Eina leið okk-
ar í þessu máli er því að sækja um
greiðsluskjól,“ segir Þórarinn.
Mikill meirihluti samþykktur
Í umfjöllun um greiðsluaðlögun hjá
umboðsmanni skuldara, sem birt var
í DV í lok apríl, kom fram að nokkuð
væri um að einstaklingar sem hefðu
stofnað til óhóflega mikilla skuld-
bindinga hefðu sótt um greiðsluað-
lögun hjá umboðsmanni skuldara. Á
það sérstaklega við um einstaklinga
sem teljast hafa tekið þátt í braski
með bíla, fasteignir og jafnvel verið í
verðbréfaviðskiptum.
Samkvæmt lögum um greiðslu-
aðlögun einstaklinga er hægt að
hafna slíkum umsóknum teljist ein-
staklingar hafa skuldsett sig óhóflega
mikið og í litlu samræmi við greiðslu-
getu sína. Svanborg Sigmarsdóttir,
upplýsingafulltrúi umboðsmanns
skuldara, sagði þá að erfitt væri að
svara fyrir hvort þetta væri ástæða
flestra synjana. „Ekki er fyrirliggj-
andi greining á ástæðum synjana, en
af 617 afgreiddum umsóknum hef-
ur 50 umsóknum um greiðsluaðlög-
un verið synjað,“ segir hún. Því hefur
embættið hafnað um átta prósent-
um þeirra umsókna sem hafa komið
frá einstaklingum, hjónum eða sam-
býlisfólki.
Þórarinn segist vera handviss
um að hann fái umsókn sína um
greiðsluaðlögun samþykkta hjá um-
boðsmanni skuldara.
18 | Fréttir 13.–15. maí 2011 Helgarblað
l Baby Sam
l Móðurást
l Fífa
Bílasmiðurinn hf - Bíldshöfða 16, 110 reyjavík - s: 567 2330 - www.Bilasmidurinn.is
0-13 kg. 15-36 kg. 15-36 kg. 9-36 kg.
„Ég er bara einn af
þúsundum óhepp-
inna viðskiptavina Dróma.
Um Brautarholt ehf. og tengd
félög í rannsóknarskýrslunni
„Áhættuskuldbindingar október 2008: 4,1 milljarður króna. Brautarholt 20 ehf. og
tengd félög eiga og reka ýmsar fasteignir á Íslandi. Helstu félögin og einstaklingar sem
tengjast Brautarholti 20 ehf. eru Strengur byggingar ehf., Strengur fjárfestingar ehf.,
Parket ehf., Þórarinn Arnar Sævarsson og Ívar Ómar Atlason. Brautarholt 20 ehf. er í
helmingseigu Ívars Ómars Atlasonar, framkvæmdastjóra félagsins, og Þórarins Arnars
Sævarssonar, stjórnarformanns félagsins. Strengur fjárfestingar ehf. er að 40% í eigu
Steinsness, dótturfélags SPRON. Strengur byggingar ehf. er að 40% í eigu Ívars Ómars
Atlasonar, 40% í eigu Þórarins Arnars Sævarssonar og 20% í eigu Fasteignafélagsins
Hlíðar ehf. sem er að fullu í eigu Frjálsa fjárfestingarbankans hf. Á tímabilinu janúar 2007
til október 2008 hækkuðu skuldir Brautarholts og tengdra félaga um 2,7 milljarða króna.
Í evrum hækkuðu skuldbindingar um 13,2 milljónir eða 86%.“
Ákærður fyrir skattsvik Ríkislög-
reglustjóri hefur ákært Þórarin Arnar fyrir
skattsvik. Ákæran snýst um að hann hafi
komið sér undan því að greiða 12 milljónir
króna í skatt.
Ingi Freyr Vilhjálmsson
fréttastjóri skrifar ingi@dv.is
Skuldari úr SkýrSlunni
vill fá greiðSluaðlögun
n Fasteignasali og eigandi í Remax sækir um greiðsluaðlögun n Skráður fyrir hluta
af rúmlega 4 milljarða króna skuldum í rannsóknarskýrslunni n Ósáttur við Dróma
Miklar skuldir vegna Remax Þórarinn Arnar er einn eigenda fasteignasölunnar Remax.
Hann er einn eigenda eignarhaldsfélaga sem eru skráð fyrir rúmlega fjögurra milljarða króna
skuldum í skýrslu rannsóknarnefndar Alþingis.