Dagblaðið Vísir - DV - 01.08.2008, Blaðsíða 42

Föstudagur 1. ágúst 200842 Helgarblað DV
Draumaútihátíðin
Á Hawaii í sól
og blíðu
Dr Gunni, tónlistar- oG
fjölmiðlamaður
„Ég er sáralítill útihátíðargarpur. Finnst satt að
segja móðgandi við mannlegt eðli að standa í
fylliríi í blautu tjaldi. Nema maður sé yngri en
18 ára og vitlaus eftir því. roskilde kemst næst
því að vera útihátíð sem ég nenni að fara á, en
þá bara ef ég væri á vistlegu hóteli í bænum.
En draumahátíðin segirðu? Það má alveg láta
sig dreyma. Mín draumahátíð væri á Waikiki-
ströndinni á Hawaii og ég gisti á einhverju fínu
hóteli. Það væri sól og blíða auðvitað og allir
hrikalega glaðir. skemmtiatriðin væru þó það
sem allt gengi út á. Meðal þess sem væri boðið
upp á væru Bítlarnir sem allir væru sprelllifandi.
Þeir tækju bland úr verkum sínum. Purrkur
Pillnikk kæmi fram og meðlimirnir væru aftur
orðnir tvítugir og sömuleiðis Fræbbblarnir. XtC
spilaði nokkur lög og hljómsveitirnar Love og
the Fall. Hápunkturinn væri sveitt gigg með
system of a down. Fyrir það væru spinninghjól
dregin fram fyrir þá gesti sem vildu. Þetta væri
ágætis útihátíð.“
Nick Cave kæmi með kótilettur
Vilhelm anton jónsson, tónlistarmaður
„draumaútihátíðin mín væri bara útilega og fullt af skemmtilegum tónlistarmönn-
um með kassagítar. Það væri gott að hafa Mugison, Elvis Costello væri gott að hafa
líka og Nick Cave myndi líta við með kótilettur á grillið. Ef Leonard Cohen myndi
jafnframt láta sjá sig væri ég farinn að verða dálítið sáttur. Ef ég fengi líka gæs og
lambakjöt og gott rauðvín væri þetta flott. Það væri helvíti gott að halda þetta í
Flateyjardal fyrir norðan. Og ég myndi loka dalnum fyrir leiðinlegu fólki.“
Ríkisstjórnin skemmtir í
Alþingishúsinu
sVerrir stormsker, tónlistarmaður
„Ég myndi halda hátíðina í alþingishúsinu og ríkisstjórnin væri
skemmtiatriðið. Þórunn sveinbjarnardóttir umhverfisráðherfa
myndi syngja um ísbirnina og önnur aðkomudýr lagið Er
nauðsynlegt að skjóta þá? Jóhanna sigurðardóttir félagsmálaráð-
herfa myndi syngja Fatlafól. guðlaugur Þór Þórðarson heilbrigðis-
ráðherra myndi syngja they´re coming to take you away haha.
Þorgerður Katrín gunnarsdóttir menntamálaráðskona myndi
syngja another brick in the wall. Kristján Möller samgönguráðherra
myndi syngja Fool on the hill. Einar K. guðfinnsson, sjávarútvegs-
og vandbúnaðarráðherra, myndi syngja Brain damage. össur
skarpi iðnaðarráðherra myndi syngja Nú er ég blindfullur.
Ingibjörg sólbrún utanríkisráðherfa myndi syngja Ég er á leiðinni,
alltaf á leiðinni. Björn Bjarnason dómsmálaráðherra myndi syngja
Hvers vegna eru lög og regla? til að fela hitt og þetta? Björgvin g.
sigurðsson viðskiptaráðherra myndi syngja um krónuna Ertu þá
farin? Ertu þá farin frá mér? Hvar ertu núna? Hvert liggur þín leið?
árni Mathiesen fjármálaráðherra myndi syngja á meðan landinn
fýkur burt. geir H. Horfé forsætisráðherra myndi syngja I´m only
sleeping. Og svo myndi ríkisstjórnin syngja öll saman í kór í lokin
Fallin, með 4,9, eitt skelfilega skiptið enn. gestir hátíðarinnar væru
þjóðin öll, agndofa.“
Karnivalstemning
í Ásbyrgi
Ásta sVeinsDóttir,
sönGkona í Gus Gus
„draumaútihátíðin mín er í raun og veru
Þjóðhátíðin þetta árið. Þjóðhátíð er skemmtileg-
asta útihátíð sem ég hef upplifað ár eftir ár og í
þetta skiptið eru ég, siggi Kalli, kærastinn minn,
Óli Ofur og asli að troða upp í tuborg-tjaldinu öll
kvöldin. En ef ég yrði að búa til mína drauma-
fantasíuútihátíð yrði hún í ásbyrgi og það væri
karnivalþema. stórfurðulegir trúðar og dansmeyj-
ar myndu skemmta gestum í logni og hitabylgju.
tvítugu norsku stuðkóngarnir í Kakkamaddafakka
myndu spila ásamt Ný danskri og Motion Boys og
uppáhalds dj-arnir mínir myndu þeyta skífum.“
Sjómannaslagar-
ar og Árni Johnsen
Ása ottesen, stílisti
„Ég myndi halda svaka hátíð á Hótel Búðum því
þar er svo fallegt og mátulega langt að keyra.
Hótelið yrði undirlagt fyrir hátíðargesti en einnig
mætti fólk tjalda á tjaldsvæðinu. Ég myndi panta
25 stiga hita og sól svo allir ættu að taka með sér
sumarkjóla, sandala og stuttbuxur. Hátíðin myndi
hefjast um kvöldmatarleytið á föstudeginum þar
sem dj Margeir og Jón atli væru að spila. útibar í
ekta sólstrandarstíl myndi skarta fallegum
karlmönnum sem allir væru auðvitað berir að ofan
að sveifla kokkteilum. aldurstakmarkið á hátíðina
yrði 20.ára. Maturinn væri svo hlaðborð að hætti
kokkanna á Búðum og allir borða saman úti og
svaka fíling. Þegar líða færi á kvöldið kæmu fram á
litlu sviði FM Belfast, Jeff Who?, Motion Boys og
Ný dönsk. Eftir æsta tónleika væru allir svo sveittir
eftir að hafa dansað úr sér lífið að við myndum öll
skunda niður á strönd og hoppa í sjóinn. svo um
nóttina kæmi árni Johnsen „surprise“ með þyrlu,
kveikt yrði bál, flugeldum hleypt á loft og sungnir
hástöfum íslenskir sjómannaslagarar fram á rauða
nótt.“
Djassútihátíð á Borðeyri
marGrét eir sönGkona
„Hátíðin yrði kannski á Borðeyri, sem lætur lítið yfir sér, næstum eins
og draugabær og en yrði breytt í allsherjar gleðibæ. Það yrði djass í
hverju horni, dr John og sharon Jones and the dapkings á stóra
sviðinu ásamt að sjálfsögðu íslenskum hljómsveitum eins og
Hjaltalín, Jeff Who?, ampop, stórsveit samúels samúelssonar bara
meðal annars. Það væri líka gaman að endurvekja gamlar hljómsveit-
ir eins og trúbrot og Þursaflokkinn. stemningin væri alveg gríðarleg.
alls staðar fólk að dansa og hafa gaman af lífinu, hlusta á tónlist og
borða góðan mat. Ljós og flugeldar, fánar og konfettí, kaffi og
veitingahús úti um allt með borðum og stólum. sirkus og töframenn,
sígaunar og spákonur, lírukassar ...svona rio/New Orleans fílingur á
öllu. að sjálfsögðu yrði gott veður alla helgina, sól og 25 stiga hiti.“
Lopapeysur
og elektró
rebekka konrÁðsDóttir,
sönGkona merzeDes Club
„Ég hef nú ekki mikla reynslu af
útihátíðum. Ég hef alltaf bara verið
í bænum og uppi í sveit með
mömmu og eitthvað svoleiðis. Fór
reyndar í galtalæk þegar ég var
yngri. En mín útihátíð yrði uppi í
sveit þar sem fólk gæti tjaldað og
haft það gott. Yrði að vera skógur
líka. Ætli hún yrði bara ekki í
Þórsmörk. Þar er algjör stemning
fyrir lopapeysur og kassagítar.
Ég myndi vilja hafa tónlistina
svolítið tvískipta. á einum stað
væri svið með svona elektrónísk-
um böndum fyrir fólk sem fílar það
og síðan annars staðar væri meiri
kassagítarsstemning þar sem fólk
gæti sungið með og haft gaman.
Hátíðin yrði bæði fyrir fjölskyldur
og ungt fólk. Það væri bara
sérstakt fjölskyldusvæði og
sérstakt ungingasvæði.“