Dagblaðið Vísir - DV - 01.08.2008, Blaðsíða 33
DV Menning föstudagur 1. ágúst 2008 33
Finnskur
kór á Íslandi
Blandaður kór frá Björne-
borg í Finnlandi kemur í heim-
sókn um verslunarmannahelg-
ina. Tónleikar verða í Norræna
húsinu í kvöld, föstudag, klukk-
an 20 og er aðgangur ókeypis. Á
sunnudaginn syngur kórinn við
messu í Langholtskirkju klukk-
an 11 og tekur þannig virkan
þátt í guðsþjónustunni. Stjórn-
andi kórsins er Leelo Lipping
fiðluleikari. Kórinn sem kallar
sig Bjarnarborgarsöngvararnir
var stofnaður 1937. Hélt hann
upp á sjötugsafmæli sitt í fyrra
og er söngskrá hans mjög fjöl-
breytt og spannar vítt svið frá
kirkjutónlist til skemmtitón-
listar.
Symmetría
í Fígúru
Ungljósmyndarinn Leó
Stefánsson opnaði síðastlið-
inn laugardag sína fyrstu sýn-
ingu, Symmetría, versluninni
Fígúru að Skólavörðustíg 22.
Miðpunktur sýningarinnar
eru gagnsæjar, symmetrískar
ljósmyndir sem sýna hvers-
dagslega hluti á óvenjulegan
og jafnvel óþekkjanlegan hátt.
Myndir Leós af tónlistarvið-
burðum hafa vakið þó nokkra
athygli. Hann hefur meðal ann-
ars ljósmyndað Of Montreal og
Daft Punk og hafa myndir hans
birst víða, til dæmis í MOJO og
The Observer.
Þorvaldur
rýnir í bókverk
Í Nýlistasafninu er nýlokið
sýningu á bókverkum Dieters
Roth og við tekur ferli þar sem
ljósi er varpað á bókverkaform-
ið. Í samstarfi við Þorvald Þor-
steinsson, myndlistarmann og
rithöfund, verður rýnt í þetta
sérstæða form myndlistar með
reglulegu millibili fram á vetur.
Brot úr íslenskri bókverkaeign
safnsins sem spannar þrjátíu
ára tímabil verður sett fram, en
framsetningin mun taka breyt-
ingum yfir tímabilið. Nýlista-
safnið hvetur alla til að koma
með möguleg eða ómögu-
leg bókverk á Nýlistasafnið til
greiningar og að sjálfsögðu er
öllum velkomið að gefa inn í
bókverkasafnið.
Málþing og tónleikar í Árbæjarsafni á sunnudaginn:
Diskó og pönk, ólíkir straumar?
Á sunnudaginn verður heilmik-
il dagskrá í Árbæjarsafni í tengslum
við sýninguna Diskó og pönk - ólík-
ir straumar?. Gestum sýningarinn-
ar gefst tækifæri á að skyggnast inn
í heim ungs fólks í kringum 1980 og
bera saman þessa tvo sterku menn-
ingarstrauma.
Dagskráin sjálf hefst klukkan þrjú
með málþingi þar sem Guðbrandur
Benediktsson sagnfræðingur fjall-
ar um stefnurnar tvær sem hluta af
menningarsögu Reykjavíkur. Auk
hans ræða sagnfræðingarnir Ólaf-
ur J. Engilbertsson, Sigríður Bach-
mann, Árni Daníel Júlíusson og
blaðamaðurinn Árni Matthíasson
um diskóið og pönkið út frá þeirra
eigin sjónarhornum.
Að málþinginu loknu, eða klukk-
an fjögur hefjast svo alvöru pönkt-
ónleikar í safninu. Nokkrir tónlistar-
menn sem tóku þátt í pönkbylgjunni
á 8. og 9. áratugnum munu leika fyrir
gesti Árbæjarsafns. Þar á meðal eru
þeir Valgarður Guðjónsson, Stefán
Karl Guðjónsson, Helgi Briem, Ið-
unn Magnúsdóttir og Óskar Þóris-
son. Á efnisskránni eru klassísk pön-
klög hljómsveita eins og Sex Pistols,
Clash og Jam auk þekktra íslenskra
laga hljómsveitanna Fræbblanna og
Taugadeildarinnar. Gamlir og nýir
pönkarar eru boðnir velkomnir auk
diskódrottninga allra tíma.
liljag@dv.is
Tónleikar
Fékk sjokk í bankanum
Karakter Þóru, Fanney, er rúm-
lega þrítug framakona, í sambúð
en barnlaus, sem vill hafa allt sitt á
hreinu. „Hún er svolítið upptekin
af því að gera allt í réttri röð og hef-
ur miklar væntingar til lífsins,“ seg-
ir Þóra. Leikkonan lagðist í nokkra
undirbúningsvinnu fyrir hlutverk-
ið, fór meðal annars í heimsókn í
ónefndan, íslenskan fjárfestinga-
banka sem vinkona hennar vinn-
ur hjá. „Ég fékk eiginlega smá sjokk.
Það var fimm metra hár foss í and-
dyrinu og allt ótrúlega flott. Þetta er
svolítið annar heimur en maður lif-
ir og hrærist í sem leikari eða blaða-
maður. Svo fékk ég nokkra aðra vini
mína sem vinna í þessum geira til
að segja mér frá þessum heimi. Svo
keypti ég mér líka bókina Warren
Buffet aðferðina,“ segir Þóra og bætir
við hlæjandi að hún hafi lært þar eitt
og annað um hlutabréfakaup.
„Það sem mér finnst svo skemmti-
legt við leiklistina er hvað hún er rík-
ur farvegur fyrir nýja þekkingu. Mér
finnst ótrúlega gaman að setja mig
inn í hluti sem ég hef ekki sett mig
inn í og hugsa þá svolítið upp á nýtt.
Það er svo auðvelt að horfa á lífið á
einhvern ákveðinn hátt og hafa ein-
hvern ákveðinn lífstíl. Ég var á eðlis-
fræðibraut í MR, hafði jafnvel hugs-
að mér að fara í verkfræði, og hefði
því örugglega getað farið í þennan
farveg fjármálageirans. Og það er
þessi forvitni um hvað ef ég hefði
lifað þessu lífi, eða hugsað hlutina
svona en ekki svona, sem dregur mig
áfram í leiklistinni.“
Hefði setið uppi með svekkelsi
Þóra kveðst geta svarað því með
algjörlega heiðarlegu nei-i þegar ég
spyr hana hvort að henni hafi læðst
sú hugsun, eftir að hafa kynnt sér
fjármálageirann að undanförnu,
að hún hefði kannski átt að stefna
á hann og hafa þá til að mynda að-
eins meiri peninga á milli handanna
í dag.
„Leiklistin var lengi bældur
draumur en ég held að ef ég hefði
ekki kýlt á hana hefði ég setið uppi
með svekkelsi og hnút í maganum
yfir því að hafa ekki þorað að láta
drauminn rætast,“ segir Þóra og bros-
ir. Áhugasvið hennar er augljóslega
vítt því auk hugleiðinga um að fara
í verkfræði á sínum tíma fór Þóra í
guðfræði við Háskóla Íslands og lauk
þaðan BA-prófi. Eftir það skráði hún
sig í lögfræði. Þóra hóf hins vegar
aldrei það nám því í millitíðinni fékk
hún inni í Webber Douglas-skólan-
um í London.
„Ég ætlaði í lögfræðina vegna
áhuga míns á mannréttindum. Það
er eiginlega þetta tvennt sem hefur
átt hug minn að mestu leyti, leiklist
og mannréttindi,“ segir Þóra.
Píslarvotturinn Rachel Corrie
Í einu þeirra verkefna sem Þóra
vinnur nú að sameinar hún einmitt
þetta tvennt. Hún vinnur nefnilega
að einleik um bandaríska konu sem
hét Rachel Corrie, og verður settur
upp í Borgarleikhúsinu í janúar, með
yfirskriftinni Ég heiti Rachel Corrie.
Corrie gekk til liðs við ISM-sjálf-
boðaliðahreyfinguna á Gaza-svæð-
inu árið 2003 og tók þátt í ýmiss
konar friðsamlegum mótmælum og
verndaði meðal annars palestínskar
fjölskyldur með nærveru sinni. Hún
lést í mars sama ár, aðeins 23 ára að
aldri, þegar hún varð undir ísrael-
skri jarðýtu er hún stóð vörð um hús
palestínskrar fjölskyldu sem Corrie
hafði búið hjá um nokkurra vikna
skeið og átti að jafna við jörðu. Ís-
raelska ríkisstjórnin telur atburðinn
hafa verið slys en sjónarvottar telja
að Corrie hafi verið myrt þar sem
ómögulegt sé að ökumaður jarðýt-
unnar hafi ekki komið auga á hana.
Corrie er því álitin píslarvottur af
Palestínumönnum og á ári hverju
eru haldnar minningarathafnir til
heiðurs henni.
Þóra heyrði fyrst af Corrie þeg-
ar hún var í náminu í London en þá
var verið að sýna einleikinn þar. „Þá
var alltaf verið að segja við mig að ég
yrði að sjá hann því hann myndi ör-
ugglega höfða til mín. Af einhverj-
um ástæðum fór ég aldrei á hann en
keypti þó textann. Það var svo ekki
fyrr en í fyrra sem ég fór að lesa hann
og eftir það sótti hann sífellt meira og
meira á mig,“ útskýrir Þóra.
Það endaði með því að hún keypti
réttinn á einleiknum hér á landi, fékk
svo styrk frá menntamálaráðuneyt-
inu og leiklistarráði og í framhaldinu
tók Gísli Rúnar Jónsson það að sér
að þýða verkið. Höfundar upphaf-
legu leikgerðarinnar eru hins veg-
ar Katherine Viner og hinn þekkti
leikari Alan Rickman sem er líklega
þekktastur fyrir hlutverk illmennis-
ins Hans Grubers í fyrstu Die Hard-
myndinni og hlutverk prófessors
Severus Snape í Harry Potter-mynd-
unum. Textann byggðu þau að lang-
mestu leyti á dagbókarskrifum og
tölvupóstum Corrie en hún hafði
haldið dagbók frá unga aldri.
Hélt aftur af tárunum
Leikstjóri íslensku uppfærslunn-
ar er Valdís Arnardóttir og fóru hún
og Þóra út til Noregs fyrr á árinu og
sáu norska uppfærslu einleiksins.
Undanfarin misseri hefur einleikur-
inn verið sýndur víða um heim og
sá Þóra hann einnig settan upp í Ís-
rael um síðustu páska. Sú sýning var
hluti af minningarathöfn sem haldin
var í tilefni af því að fimm ár voru lið-
in frá dauða Corrie og voru foreldrar
hugsjónakonunnar ungu viðstadd-
ir. „Þegar ég heyrði af þessari sýn-
ingu fannst mér þetta of einstakt til
að missa af þessu, þannig að ég bara
dreif mig,“ segir Þóra. Og hún bætir
við að það hafi verið magnað augna-
blik þegar hún hitti foreldra Corrie í
bænum Akkó.
„Ég átti erfitt með mig þegar ég
talaði við mömmu hennar. Þegar
maður er búinn að lesa dagbækur
Corrie fær maður mjög sterka mynd
af mömmu hennar og hversu sam-
band þeirra var einstakt og náið.
Hún sagði líka að það væru nákvæm-
lega fimm ár, á þeirri klukkustund
sem ég hitti hana, síðan Corrie dó.
Ég þurfti hreinlega að halda aftur af
tárunum.“
Sem dæmi um hver „arfleifð“
Corrie er, ef svo má að orði komast,
í huga Palestínumanna segir Þóra
að nokkrum klukkustundum eftir
dauða hennar hringdi Yasser Arafat
í foreldra hennar og sagði að nú væri
Corrie ekki lengur bara dóttir þeirra,
heldur allrar palestínsku þjóðarinn-
ar.
Og upplifunin af því að hitta Pal-
estínumenn og ræða við þá um Cor-
rie og ástandið fyrir botni Miðjarð-
arhafs líður Þóru líka seint úr minni.
„Þeim fannst ótrúlegt að þessi saga
færi til Íslands. Og þeim finnst afar
vænt um það þegar einhver hefur
áhuga á þeirra málstað og taki yfir-
leitt eftir því að það sé stríðsástand
þarna og sýni því skilning, en hlusti
ekki bara á einhliða fréttaflutning.“
Tilvistarkreppan og
ábyrgð fólks
Þóra segir líf og dauða Corrie líka
höfða svo sterkt til sín vegna þess
að á svipuðum tíma var hún sjálf að
hugsa um að taka þátt í baráttustarfi
í líkingu við það sem Corrie stóð í í
Palestínu þegar hún lét lífið. Þess
utan þekki hún marga sem hafa farið
til Palestínu á vegum samtakanna Ís-
land-Palestína.
„Mér fannst líka eitthvað svo
margt líkt með okkur þegar ég las
einleikinn,“ segir Þóra en þess má
geta að þær eru fæddar sama ár, árið
1979. „Þessi hugsunarháttur að setja
spurningarmerki við mjög margt,
að í stað þess að slaka á og lifa lífinu
þá pældi hún mikið í því hvort það
væri til dæmis málið að fá há laun og
eignast flott hús. Ég var sjálf í mikilli
tilvistarkreppu í kringum tuttugu og
þriggja ára aldurinn og var að reyna
að finna mínar rætur. Og þessi mikla
leit var líka í gangi hjá henni. Mér
fannst því svolítið eins og hún hafi
farið í það ferðalag sem ég ætlaði að
fara í.“
Þess má geta að nýlega kom út
heildarsafn allra dagbóka Corrie
undir yfirskriftinni Let Me Stand
Alone. Á Youtube-vefnum má líka
finna ýmis myndbönd sem tengjast
henni, meðal annars viðtöl við hana
og upptöku sem hún gerði sjálf að-
eins tólf ára í þeirri von um að vekja
heiminn til vitundar um náungann
og þá ábyrgð sem hvert og eitt okk-
ar ber á fólki í öðrum löndum heims-
ins.
kristjanh@dv.is
Ferðalagið sem ég ætlaði í
Menning
Pönkarinn endurvakinn á
sunnudaginn verður rætt um pönk og
diskó í árbæjarsafni.
Ó Ó Ingibjörg
Ó Ó Ingibjörg er yfirskrift tónleika sem Ingibjörg Guðjónsdóttir
sópran, Óskar Guðjónsson saxófónleikari og Ómar Guðjónsson
gítarleikari halda á Gljúfrasteini á sunnudaginn. Þeir eru hluti af
Stofutónleikaröð Gljúfrasteins, hefjast að venju klukkan 16 og er
aðgangseyrir 500 krónur.
Gallerí Íbíza Bunker
Lokasýning sumarsins Íbíza Breeze í Bunkernum verður í Gallerí Íbíza
Bunker í dag, föstudag, klukkan 17. Sýningin er ein stór innsetning sem
nær alla leið út í garð gallerísins og samanstendur af skúlptúrum,
gólfmálverki og prentverki. Léttar veitingar verða í boði og klukkan 18
mun hljómsveitin Sykur spila.
Rachel Corrie Corrie lést í mars 2003,
aðeins 23 ára að aldri, þegar hún varð undir
ísraelskri jarðýtu er hún stóð vörð um hús
palestínskrar fjölskyldu. Þóra leikur í einleik
sem byggður er á ævi Corrie næsta vetur.