Dagblaðið Vísir - DV - 01.08.2008, Blaðsíða 10

Á síðustu 19 mánuðum hafa 37
manns dvalið í gestahúsi forseta
Íslands við Laufásveg 74. Martha
Stewart dvaldi þar nýlega, ásamt
fríðu fjögurra manna föruneyti. DV
óskaði eftir upplýsingum um kostn-
að af þeirri dvöl. Hann nam 45 þús-
und krónum vegna matarkaupa. DV
óskaði einnig eftir lista yfir þá gesti
sem gist hafa í bústaðnum frá 1. jan-
úar 2007. Í bústaðnum er lítil kjall-
araíbúð auk stærri íbúðar en þær
eru báðar á forræði embættisins.
Ævisöguritari forseta
meðal gesta
Á listanum má finna nöfn tig-
inna gesta, merkra fræðimanna og
listamanna. Flestir gestanna eru er-
lendir en einnig er þar að finna þrjá
Íslendinga; Helga Tómasson, stjórn-
anda San Francisco-ballettsins, Jón
Marvin Jónsson, ræðismann Íslands
í Seattle, og Guðjón Friðriksson
sagnfræðing en hann hefur í tvígang
dvalið um skemmri tíma í kjallaran-
um. Eins og kunnugt er vinnur Guð-
jón nú að samtímasögu um Ólaf
Ragnar Grímsson. Guðjón hefur
að mestu dvalið í Kaupmannahöfn
undanfarna mánuði. Í svari forseta-
embættisins kemur fram að sumir
þeirra gesta sem dvelja í gestahúsi
forseta á Laufásvegi staldra mjög
stutt við, flestir aðeins í fáeina daga.
Þúsundir opinberra
gesta árlega
DV bað einnig um lista yfir opin-
bera gesti forseta Íslands á árinu. Í
svari embættisins kemur fram að
gestir forseta skipta þúsundum ár
hvert. Langflestir
séu Íslend-
ingar
en
einnig komi hundruð erlendra gesta
til Bessastaða árlega. Forsetinn tek-
ur á móti 30 til 40 erlendum sendi-
herrum og fjölmörgum alþjóðlegum
og íslenskum sendinefndum sem
ýmist halda vinnufundi eða funda
yfir hádegisverði. Nýlega hafa menn
eins og forseti Palestínu, orkumála-
ráðherra Tyrklands, sendinefnd-
ir frá Katar, Abu Dhabi og Kína sótt
forsetann heim. Þá hefur Al Gore
komið ásamt fylgdarliði svo fátt eitt
sé nefnt úr svarbréfi forsetaembætt-
isins.
Þing evrópskra veðurfræðinga
Þar kemur einnig fram að til
Bessastaða komi fólk af ólíku tilefni,
ýmist vegna menningarviðburða,
heimsókna erlendra gesta, afhend-
ingar á verðlaunum eða viðurkenn-
ingum eða í tengslum við alþjóðleg-
ar eða innlendar ráðstefnur. Sem
dæmi um nýlegar móttökur forseta
Íslands í tengslum við ráðstefn-
ur má nefna þing Evrópusamtaka
MS-sjúklinga, þing evrópskra veð-
urfræðinga, stjórnarfund alþjóða-
samtaka kvenna í atvinnurekstri og
kvöldverð í tengslum við alþjóðlega
ráðstefnu um skipalestir í síðari
heimsstyrjöldinni.
Skrítið að forsetaembættið
reki hótel
DV leitaði álits Péturs H. Blöndal,
þingmanns Sjálfstæðisflokksins, á
þessu fyrirkomulagi forsetaemb-
ættisins. Hann segir rétt að velta því
fyrir sér hversu miklum fjármun-
um eigi að verja í að hýsa gesti for-
setans. „Mér finnst mjög skrítið
að forsetaembættið skuli reka
eins konar hótel. Ég held að ís-
lensk hótel séu fullfær um að
sinna gestum sem til lands-
ins koma,“ segir hann. Pét-
ur lagði haustið 2004
fram frumvarp
um að emb-
ætti forseta
Íslands yrði
lagt niður.
„Ég er almennt
hlynntur hóf-
semi og sparn-
aði og tel að
Íslending-
ar gætu vel
komist af án
embætt-
is-
ins. Ég er sann-
færður um að
forseti Alþingis
geti sinnt nauð-
synlegri gesta-
móttöku fyrir
hönd þjóð-
arinnar.“
föstudagur 1. ágúst 200810 Fréttir DV
BALDUR GUÐMUNDSSON
blaðamaður skrifar baldur@dv.is
Þrjátíu og sjö manns hafa frá því 1. janúar í fyrra dvalið í forsetabústaðnum við Laufásveg 74. Flestir þeirra
eru erlendir fræði- eða athafnamenn en nokkrir Íslendingar hafa þar einnig hallað höfði. Þeir eru Helgi Tóm-
asson, stjórnandi San Francisco-ballettsins, Jón Marvin Jónsson, ræðismaður Íslands í Seattle, og sagnfræð-
ingurinn Guðjón Friðriksson. Pétur H. Blöndal þingmaður segir að íslensk hótel séu fullfær um að sinna
þeim gestum sem til landsins koma.
Gestir þjóðarinnar
„Ég er sannfærður um
að forseti Alþingis geti
sinnt nauðsynlegri
gestamóttöku fyrir
hönd þjóðarinnar.“
Forsetabústaðurinn við Laufásveg
Þar hafa 37 manns dvalið í boði forseta
undanfarna 19 mánuði.
Judith A. Resnik geimfari og lagapróf-
essor við Yale-háskóla í Bandaríkjunum er
á meðal nýlegra gesta.
Rajendra Kumar Pachauri Nóbelsverð-
launahafi og formaður Loftslagsnefndar
sameinuðu þjóðanna dvaldi við Laufásveg.
Friðrik krónprins Danmerkur
og Mary krónprinsessa dvöldu
í forsetabústaðnum á meðan á
dvöl þeirra stóð á vordögum.
Pétur Blöndal þingmaður
Lagði til að embætti forseta
Íslands yrði lagt niður.
Þau gistu í forsetabústaðnum
- frá 1. janúar 2007 til dagsins í dag
n friðrik krónprins danmerkur og Mary krónprinsessa ásamt fjögurra manna
fylgdarliði.
n dr. rajendra Kumar Pachauri, nóbelsverðlaunahafi og formaður Loftslags-
nefndar sameinuðu þjóðanna.
n Poju Zabludowicz, finnskur athafnamaður og safnari nútímalistar.
n Helgi tómasson, stjórnandi san francisco-ballettsins.
n Martha Bárcena, sendiherra Mexíkó á Íslandi.
n Mary Lader, bandarísk blaðakona.
n rony Horn, listakona og höfundur Vatnasafnsins í stykkishólmi.
n darko Horvat og eiginkona hans. Horvat er slóvenskur athafnamaður og var
í kynnisferð vegna jarðhitanýtingar.
n Henry silverman og eiginkona hans. silverman er bandarískur athafnamað-
ur og áhugamaður um nýtingu jarðhita og annarra endurnýjanlegra
orkugjafa.
n Jón Marvin Jónsson, ræðismaður Íslands í seattle (tvisvar).
n Judith resnik, lagaprófessor við Yale-háskóla í Bandaríkjunum, Maud de
Boer Buquicchio, annar framkvæmdastjóra Evrópuráðsins, og Leyla Kayacik,
ráðgjafi við skrifstofu aðalframkvæmdastjóra Evrópuráðsins. Þær komu hingað
á vegum tengslanets kvenna á Bifröst sem skipulagt er af Herdísi Þorgeirsdótt-
ur prófessor.
n James Lingwood, forstöðumaður myndlistarstofnunarinnar art angels og
þátttakandi í myndlistarviðburðum á Íslandi.
n Edward schulak, arkitekt. Í heimsókn til að kynna sér uppbyggingu á
Keflavíkurflugvelli.
n Mike Herzog og eiginkona hans. Herzog er sérfræðingur í alþjóðamálum og
síðar ráðuneytisstjóri varnarmálaráðuneytis Ísraels.
n Chris og Eric stefanssynir frá Winnipeg, forystumenn í samfélagi Íslendinga í
Vesturheimi (tvisvar).
n guðjón friðriksson, sagnfræðingur og rithöfundur (tvisvar).
n Lucien og dita Bronicki; stofnendur og stjórnendur Ormat, eins helsta
jarðhitafyrirtækis í veröldinni.
n david atjay arkitekt og unnusta hans. atjay er einn af þekktari arkitektum af
yngri kynslóð á Vesturlöndum.
n Mark shriro og eiginkona hans. shriro er kanadískur athafnamaður með
aðsetur í Evrópu.
n Martha stewart og fjögurra manna fylgdarlið.