Dagblaðið Vísir - DV - 01.08.2008, Blaðsíða 29

DV Helgarblað föstudagur 1. ágúst 2008 29
Þrengingar í efnahagslífinu
„Það sem er efst í mínum huga eru þreng-
ingar í íslensku efnahagslífi og óvissa í rekstri
bankanna sem og erfiðleikar í rekstri fyrir-
tækjanna sem hefur áhrif á hagsæld og vel-
ferð almennings í landinu. Nú ríður á að fela
Guði sín mál og treysta því að hann muni vel
fyrir sjá. Veðurfarið að undanförnu er önd-
vert við ólgusjóinn sem þjóðin siglir þessa
dagana og nú er gott að hafa Jesú í bátnum.
Það er gott hvað Guð gælir við okkur veður-
farslega, þetta minnir okkur á hvað hann er
góður Guð og miskunnsamur þar sem hann
mun vel fyrir sjá ef við felum honum okkar
mál. Við þurfum að muna það á þessum
dögum að það er enn kross í fánanum. Þetta
aftur á móti, þetta ástand, þessi óvissa öll
kallar á það að menn þurfa að endurmeta
stöðuna og leita nýs grundvallar undir vel-
ferð sína í lífinu. Ég er nú þeirrar skoðunar
að þessi sjógangur allur sé af hinu góða og
þegar upp er staðið og þetta gengið yfir hafi
þjóðin sterkari grunn og geri sér ljóst að það
að treysta á ytri aðstæður er ekki sú framtíð-
arlausn sem við viljum hafa.“
Gunnar Þorsteinsson, forstöðumaður Krossins
Veðrið óborganlegt
„Veðrið í fyrradag var bara allgjör snilld,
ég eyddi deginum úti í garði í gær þar sem
ég er með stóran pall. Ég fékk systur mína,
manninn hennar og barnið þeirra í heim-
sókn. Við blésum upp stóran bát og fylltum
hann af vatni og lékum okkur við að busla
í honum og það var svo heitt og gott. Við
vorum með djús og sumardrykki ásamt því
að vera með eitthvað létt að borða. Ég fór
síðan og spilaði golf þarna um kvöldið þar
sem það var blankalogn. Spilaði þar níu
holur og mér gekk bara mjög vel. Ég var
samt ekki í gallabuxum eins og Mel Gibson
heldur var ég bara á stuttbuxum. Dagur-
inn var heitur og æðislegur, við fáum svona
daga svo sjaldan, annars er veðrið í vik-
unni búið að vera æðislegt.
Ég er búin að vera að undirbúa nýja
Söngvaborg með Maríu Björk og það hefur
allt snúist um hana. Við förum í upptökur í
september og svo erum við að spila úti um
allt um verslunamannahelgina.“
Sigríður Beinteinsdóttir, söngkona
Á ferð um landið
„Við fjölskyldan fórum norður og keyrð-
um í fyrsta sinn um Melrakkasléttuna.
Þetta er svæði sem við erum búin að horfa
á soldið lengi. Við keyrðum um Kópasker,
Þórshöfn, Bakkafjörð og Vopnafjörð. Það
var mög gaman að koma þarna og það kom
mér svolítið á óvart hvað þetta svæði er
gróið. Þessi bæir eru allir svo mjög ólíkir.
Á Þórshöfn er ákveðin meðan minna er
um að vera á öðrum svæðum. Við komum
þarna á fallegum degi, á þriðjudaginn, það
var gott veður um allt landið, en þegar við
komum á Austfirðina fór Austfjarðaþokan
að sýna sig. Það var sérstakt að heyra í frétt-
unum að það væri mikill hiti alls staðar á
landinu þegar við vorum í 10 til 11 gráðum
að fara yfir Möðrudalsöræfin. Það er dálítil
gúrkutíð í fréttum en það sést svolítið að
veðrið hefur áhrif á mannlífið. Gaman að
upplifa svona góðan hita, hálfgerð Spánar-
stemming núna. Ég var á Laugum í Reykja-
dal og þegar ég kom út var bara steikjandi
hiti og kyrrðin, þetta var eins og ég var á
sólarströndu.“
Ásta Möller, þingmaður
Dyttaði að húsi sínu
„Það sem bar hæst var þessi veðurblíða.
Hún hefur gefist húseigendum í Hafnarfirði
mjög vel til að dytta að húsum sínum með
penslum ýmiss konar. Ég er búinn að vera
húsvörður heima hjá mér og þetta hefur
verið sérstaklega skemmtilegt. Maður er
alinn upp innan um laghent fólk og horfir
á húsið sitt brotna niður heilan vetur og þá
bíður maður eftir að komast í sumarfrí til
að geta lagað það sem hefur aflagast. Þetta
hefur átt hug minn allan frá morgni til mið-
nættis, að laga húsið. Svo blandar maður
góðri músík saman við, þá er ekkert sem
toppar það. Góð músík og málningarpens-
ill er málið, það er tvöföld ef ekki þreföld
ánægja. Ég er í fríi núna og þegar ég er í fríi
reyni ég að hlusta sem minnst á útvarp og
fylgjast með fréttum þar sem ég hlusta á
útvarp allt árið og fylgist með fréttum, þetta
er minn frítími frá því. Nú er ég til dæmis
að keyra og er í vandræðum með hvað ég á
að hlusta á þar sem ég gleymdi að hafa með
mér diska.“
Ólafur Páll Gunnarsson, útvarpsmaður
HVAÐ BAR HÆST í Vikunni?
VH ehf · Heiðarbraut 3 · 250 Garður · Sími 864-2400
Vel valið fyrir húsið þitt
NÝ GESTAHÚS
OG GARÐHÚS
Völundarhús.is hafa til sölu glæsileg ný gesta- og garðhús sem eru enn
sterkbyggðari en áður. Nýju húsin eru bjálkahús frá 34 mm að þykkt og
koma með tvöfaldri vatnslæsingu. Okkar vinsælu barnahús eru komin
aftur. Öll gestahús og garðhús eru til á lager.
Ei
nb
ýl
is
hú
s
Su
m
ar
hú
s
Pa
rh
ús
Ra
ðh
ús
G
ar
ðh
ýs
i
08
-0
10
7
H
en
na
r h
át
ig
n
45 mm bjálki
45 mm bjálki
34 mm bjálki
28 mm bjálki
www.volundarhus.is
GESTAHÚS 10 m²
BARNAHÚS 2,1m²
GESTAHÚS 21m² GARÐHÚS 4,7-9,7m²