Húnavaka - 01.05.2013, Síða 42

H Ú N A V A K A 40
lögð.“ Háreistar súlur og
leifar risavaxinna baðklefa
og íþróttasala í rústum
bað húsa Anton íusar gáfu
að vísu keim af hinni
fornu frægð og urðu að
duga því við vorum 2200
árum of seint á ferð inni til
að sjá dýrð þeirrar borgar
sem ógnaði veldi Róm ar
svo að allt var lagt í söl-
urnar til að eyða henni.
Er við komum til baka
að rútunni, sem beið fyrir
utan „baðsvæði Anton íusar“, rákum við augu í síðari tíma styttu af stríðsmanni
sitjandi á fílsbaki. Án þess að leiðsögumaðurinn hefði um það nokkur orð við
„madam“ eða aðra gáfum við okkur að þar væri kominn Hannibal sem var
mestur púnverskra hershöfðingja og vann sér það til frægðar að fara með
30-40 þúsund manna her, auk hesta og fíla, yfir skörð Alpafjalla til að ráðast á
veldi Rómverja.
Ferðinni var nú heitið í þorpið Sidi Bu Said og þar var farþegum hleypt út
við sölutorg þar sem handverk og annar túristavarningur var til sölu. Í hallandi
götum Sidi Bu Said, milli hvítra húsa með blámálaða glugga, hurðir og þök,
voru markaðir og sölubúðir þar sem okkur voru að sjálfsögðu boðin hin bestu
kjör sem um getur. Einhverjir létu freistast og enn aðrir stóðust ekki bráð-
skemmtilega útskýringu í ilmvörubúð þar sem var sagt frá hvernig 30 kg af
blóm um breyttust í dásamlegan ilm og ekki nóg með það, töframáttur sér-
valinnar blómaolíu gat læknað öll þau mein sem olíunni var strokið yfir. Enn
magnaðist dulúðin þegar í ljós kom að hægt var tryggja fullkomið samlífi hjóna
með því að strjúka einum dropa á hvora geirvörtu konu og einum fyrir neðan
nafla karlsins.
Við fengum þá skýringu á tilvist Sidi Bu Said að um væri að ræða þorp sem
márar, sem flýðu frá Andalúsíu á Spáni, hafi byggt þegar máraveldinu þar var
hrundið. Heimsókninni í Sidi Bu Said lauk á bráðskemmtilegu tehúsi þar sem
við fengum okkur sérstakt te að hætti heimamanna, jurtate kryddað með
möndlum og mintulaufi – klassadrykkur.
Á leiðinni til baka um borð í skipið var stigið út við glæsilega marmarabyggða
mosku sem við gátum fengið að mynda að utan en var eðlilega ekki hleypt inn.
Á höfninni biðu okkar svo ýmsir sölubásar auk hinna bláklæddu Karþagómanna
með úlfaldana og fálkana.
Heimsókn okkar á Afríkuströnd var fremur stutt því við vorum komin um
borð um kl. 13.00 og hálftíma síðar fylgdumst við með lágri sendinni strönd
færast fjær. Við skoðum skipið og höldum áfram að uppgötva nýja staði og
undrumst enn alla dýrðina. Kvöldið er tileinkað hryllingsbúningum en við
erum ekki með neinar flíkur sem passa fyrir það grín. Við njótum hins vegar
Sidi Bu Said.