Húnavaka - 01.05.2013, Blaðsíða 51

H Ú N A V A K A 49
Sjálf Péturskirkjan er líka yfirfull af fólki
og við höfum stuttan tíma en stöldrum við
fyrir framan höggmynd Thorvaldsens sem
er eina verkið eftir listamann sem ekki var
kaþólskur. Við Íslendingarnir erum frekar
stolt af þessum danska Skagfirðingi sem er
örugglega skyldur okkur fram í ættum.
Á leiðinni út úr Róm til Civitavecchia
fáum við að vita að regnhlífartrjánum, sem
eru svo einkennandi fyrir borgina, hafi m.a.
verið plantað í þúsundum á tíma Mussolinis.
Það er byrjað að skyggja þegar Sovereign
leggur frá bryggju í „Gömlu borg“ dress
codi kvöldsins um borð er svart og hvítt.
Við búum okkur uppá og njótum stundar -
innar í skemmtisölum skipsins þar sem allt
er gert til að okkur líði eins og munaðar -
seggjum hinnar fornu Rómaborgar.
Livorno – Florens – Pisa
Það er kominn fimmtudagur 19. apríl og
leið okkar upp með Ítalíuströnd hefur borið
Sovereign til hafnar í Livorno. Í skipsblaðinu
er Livorno lýst sem höfuðborg Leghorn
héraðsins á Toskana svæðinu. Hún er aðal
hafnarborg þessa svæðis og skipasmíðar,
járniðnaður, olíuhreinsun og annar slíkur
iðnaður einkennir atvinnulífið. Hér er líka
herskipahöfn, herstöð og herskóli Ítalíu.
Sem fyrr er ferð okkar ekki bundin við
hafnarborgina heldur ætlunin að skoða
gamlar menningarborgir.
Flórens
Ferðinni er heitið til Flórens, sem Ítalir kalla
Firenze, þeirrar sögufrægu borgar sem
jafnframt er höfuðstaður Toskanahéraðsins.
Á endurreisnartímanum var hún borgríki
og síðar höfuðborg hertogadæmisins Toskana. Hún er fræg fyrir að hafa alið
marga helstu snillinga endurreisnarinnar á sviði vísinda, heimspeki og lista,
svo sem Leonardo da Vinci, Galileo Galilei, Michelangelo Buonarroti og
Niccolò Machiavelli.
Í Vatikansafninu.
Í garði Vatikansins er hnattlíkan af
því sem kallað hefur verið pláneta X.