Húnavaka - 01.05.2013, Page 52

H Ú N A V A K A 50
Það eru um 80 km að borginni sem á íslensku
er stundum nefnd Fagraborg. Við höfum aftur
valið okkur enska leiðsögn og þegar við komum
til Flórens mætir virðulegur leiðsögumaður til
að leiða hóp „hinna ensku mælandi“. Hann er
fjarri því eins mikill karakt er og Tíberíus og
minnir meira á virðu legan kennara í enskum
há stéttarskóla. Við náum ekki nafni hans og lát-
um okkur í léttu rúmi liggja enda er hann strax
farinn að kynna okkur fyrir hinni mikilfenglegu
dóm kirkju sem rúmar 20.000 manns og er ein
mikil vægasta bygging í gotneskum stíl á Ítalíu.
Bygging hennar hófst árið 1296 og tók um 150
ár að ljúka við verkið. Hann segir okkur að það
sé frábært útsýni frá Giotto klukku turn inum en
það þarf að ganga upp 414 tröppur til að njóta
útsýnisins og við snúum okkur að annarri fegurð.
Eftir að hafa farið augum um ótrúlega fallega
skreytta hurð skírnarkapellunnar höldum við
inn á Piazzale Michelangelo þar sem trónir
berrössuð stytta af Davíð eftir Michelangelo.
Hvert sem litið er má sjá styttur og listaverk.
Miðbærinn ber einkenni listrænnar smekk vísi
og ef ekki væri fyrir nútímalegan klæða burð og
tæknibúnað þeirra sem fara um göt urn ar er eins
og við séum komin aftur til tíma Medici ætt ar-
innar. Við setjumst niður á lítinn veitingastað
við hlið þeirrar marmaralögðu kirku hins helga
kross og njótum ítalskrar pizzu gerðar. Rétt hjá
er einn af hinum merku sonum þessarar menn-
ingarborgar, skáldið Dante, greyptur í marmara.
Svipmikill með lárviðarkrans um höfuð og örn
við fótlegg sér starir hann yfir torgið. Það verður
ekki séður neinn guðdómlegur gleðileikur í svip
þessa manns en svona voru skáld fyrri tíma og
eru kannski enn. Við svipumst aðeins betur um
í borginni, förum fram hjá kirkjum og köstulum en fáum ekki tíma til að líta
við á slátrarabrúnni sem nú er orðin vel þekkt fyrir gull og skartgripasmiði.
Písa
Fjarlægðin milli Flórens og Písa er rétt um 100 km og leiðin liggur, eins og fyrr
um morguninn, um grónar byggðir Toskanahéraðsins. Við þjótum fram hjá
ökrum og skógivöxnum hæðum og fyrirheitið er borgin sem þekkt er fyrir
Giotto kirkjuturninn við
dómkirkjuna í Flórens.
Við fótstall Dantes.