Húnavaka - 01.05.2013, Blaðsíða 158

H Ú N A V A K A 156
algjörlega eiga sig. Hann var þannig að það var tekið eftir honum þar sem
hann var. Hann var yfirleitt mjög hress og ræðinn við fólk. Þá var hann snar í
hreyfingum og snöggur að snúa sér við ef svo bar undir. Hólmsteinn var mikill
sveitamaður í sér, samt var hann aldrei bóndi en átti löngum hesta og á yngri
árum átti hann eitthvað af kindum.
Hólmsteinn var mikið í Grænuhlíð og átti þar lögheimili um tíma. Þegar
aldurinn færðist yfir og heilsan fór að gefa sig flutti hann til Akraness en þar
býr sonur hans, Valdimar Stefán. Hann kom þó alltaf norður á sumrin og þá
helst í Víðiholt í Skagafirði þar sem frændfólk hans býr.
Hólmsteinn lést á sjúkrahúsinu á Akranesi. Hann var jarðsunginn frá Akra-
neskirkju 24. október 2011 og jarðsettur í kirkjugarðinum þar.
Einar Kristmundsson
.
Þormóður Sigurgeirsson,
Blönduósi
Fæddur 3. nóvember 1919 – Dáinn 8. janúar 2012
Þormóður var fæddur á Orrastöðum í Austur-Húnavatnssýslu. Foreldrar hans
voru Torfhildur Þorsteinsdóttir, 1897-1991 og Sigurgeir Björnsson, 1885-
1936, bændur á Orrastöðum. Þormóður var annar sonur þeirra hjóna.
Bræður Þormóðs eru; Þorbjörn, Þorgeir, Þorsteinn Frímann og hálfbróðir,
Sigurgeir Þór Jónasson.
Þormóður ólst upp á Orrastöðum. Eftir
hefðbundna skóla göngu fór hann í Héraðsskólann
á Laugarvatni og lauk þaðan burtfararprófi árið
1938. Árið eftir réði hann sig að Lækjarhvammi
til Einars Ólafs sonar en þar var hann vinnumaður
um tíma.
Á hernámsárunum vann hann við byggingu
flugvallarins í Reykjavík og auk þess ýmsa
byggingarvinnu. Eftir það hóf hann störf hjá
Kristni vagnasmið veturinn 1946-47 og síðan hjá
Ræktunarsambandi Kjalarnesþings, fyrst á
skurðgröfu og síðan á verkstæði þeirra og tók þar
síðan við sem verkstæðisformaður. Þar vann hann
til ársins 1960 er hann flutti norður og hóf störf
hjá Vélsmiðju Húnvetninga. Þar var hann verkstæðis formaður í 12 ár.
Hann lauk prófi frá Iðnskólanum í Reykavík árið 1963 og fékk meistara rétt-
indi í faginu ári síðar. Ýmis námskeið sótti Þormóður í viðhaldi og viðgerðum
á landbúnaðarvélum, meðal annars til Bandaríkjanna.
Eftir árin í Vélsmiðju Húnvetninga rak hann búskap á Orrastöðum og á
Blönduósi. Orrastaði átti Þormóður, jörðina hafði hann keypt sautján ára
gamall á uppboði eftir andlát föður síns.