Húnavaka - 01.05.2013, Qupperneq 239

237H Ú N A V A K A
sem seldar voru söluvörur frá RKÍ.
Þessar söluvörur hafa einnig verið til
sölu og kynningar á jólamarkaði í
bænum og í tengslum við fatamarkað.
Eins og áður hefur safnast mikið í
fatagáma deildarinnar þetta árið en í
ár fengum við annan gám sem
staðsettur er hjá endurvinnslunni á
Blöndu ósi. Allar konurnar í stjórn
RKÍ A-Hún. tóku þátt í kvennahlaup-
inu í ár og sömuleiðis var söfnun á
undirfatnaði í tengslum við hlaupið.
Deildin fékk góðar heimsóknir í
sum ar, meðal annars frá sjálfboðalið-
um úr Rauða krossinum í Árnesdeild
sem sögðu okkur frá því góða starfi
sem þar fer fram. Einnig kom Jófríður
Jónsdóttir með góða gesti úr sumar-
búðunum á Löngumýri í Skagafirði er
var boðið að skoða sjúkrabílana okkar.
Deildin á sinn fulltrúa í almanna-
varnarnefnd svæðisins og hefur reglu-
lega farið yfir neyðarvarnaráætlun.
Sett var upp fjöldahjálparstöð í tengsl-
um við rútuslys í Langadalnum í
haust og tókst ágætlega til. Fengu
stjórn armenn tækifæri til að fínpússa
neyðarvarnaráætlunina í kjölfarið.
Deildin hefur tekið þátt í söfnun
vegna jólaaðstoðar á svæðinu ásamt
félagsþjónustunni, kvenfélögum á
svæðinu og Lions.
Anna Kr. Davíðsdóttir, formaður.
KRABBAMEINSFÉLAG A-HÚN.
Starfsemi Krabbameinsfélagsins
hefur varað allt frá árinu 1968 og
beinist að forvörnum, fræðslu og
stuðningi við þá sem greinast með
krabbamein, við fjölskyldur og vini
þeirra. Styrkur þess felst í fjölda
félagsmanna sem eru nú tæpir 200 og
þann velvilja héraðsbúa að taka þátt í
fjáröflunarstarfssemi á vegum félagsins
er sölufólk gengur í hús. Þannig
styðjum við samborgara okkar.
Meðal verkefna hefur félagið greitt
leigu fyrir íbúðir til þeirra sem eru í
krabbameinsmeðferð í Reykjavík en
íbúðirnar eru í eigu Krabbameinsfélags
Íslands. Ef ekki tekst að fá þar leigt
eru einnig leigð út herbergi á vegum
Landspítala og félagið hefur veitt
aðstoð við leigu. Einnig hefur félagið
stuðlað að forvörnum gegn reykingum
grunnskólabarna, stutt fjölskyldur
krabbameinsveikra og gefið tæki til
Heilbrigðisstofnunarinnar á Blöndu-
ósi m.t.t sjúkdómsins.
Nú og á síðasta ári er á döfinni það
verkefni að veita stuðning og fé til for-
varna gegn veirum er valda krabba-
meini í leghálsi með bólusetningum
ungra stúlkna. Félagið tók að venju
þátt í „Árvekni“ átaki sem gert er til
þess að hvetja til baráttu gegn brjósta-
krabbameini kvenna í októbermánuði
en sá mánuður er ár hvert helgaður
málefninu. Í tilefni þess sá stjórnin um
að lýsa upp í bleikum lit kirkjuna á
Skagaströnd og Heilbrigðisstofnunina
á Blönduósi og minna þar með íbúana
á átakið.
Hjördís Þórarinsdóttir færir deildinni
afrakstur af tombólum sem hún og vinkona
hennar, Helga Björg Jónsdóttir, stóðu fyrir.
Ljósmyndari: Anna Kr. Davíðsdóttir.