Húnavaka - 01.05.2013, Page 266

H Ú N A V A K A 264
HÖFÐASKÓLI.
Starfið í Höfða skóla
fór vel af stað að loknu
jólafríi. Lesið í skammdeginu er
lestrarátak sem við höldum á hverju
ári. Meðan á því stendur má finna
nemendur og starfsfólk um allan
skólann kúrandi undir teppum, með
kodda við höfðalag og með góða bók
í hönd. Fastur liður er svo að fá skáld
í heimsókn. Að þessu sinni komu
Margrét Örnólfs dóttir og Kristín
Helga Gunnarsdóttir og áttu þær
góða stund með nemendum í lok
lestrarátaksins.
Skólahópur frá leikskólanum
Barna bóli kom í heimsókn um miðjan
janúar og fengu þá nemendur 1.
bekkj ar að heimsækja gamla leik skól-
ann sinn.
Nemendur 9. bekkjar heimsóttu
Laugar í Sælingsdal. Auk þess að
dvelja á merkum söguslóðum og
kynnast nemendum annars staðar að
fá þátttakendur margs konar fræðslu
um lífið í þessum skólabúðum UMFÍ.
Einnig fóru nemendur á unglingastigi
í iðngreinakynningu í FNV og þar
fengu þeir að kynnast því af eigin
raun hvað það þýðir að fara í iðn-
nám.
Nokkrir nemendur í 10. bekk stofn-
uðu hljómsveitina Dornik og tóku
þátt í undankeppni Samfés í Varma-
hlíð fyrir hönd félagsmiðstöðvarinnar
Undirheima. Hljómsveitin fór með
sigur af hólmi og öðlaðist þar með
rétt til að taka þátt í aðalkeppninni í
Reykjavík í byrjun mars. Þetta var
þeim góð og skemmtileg reynsla og
öllum til sóma.
Á unglingastigi var prófað annað
fyrirkomulag við námið en hefð-
bundið. Haldnir voru fyrirlestrar að
morgni dags og höfðu nemendur þar
úr þremur að velja. Að fyrirlestri
loknum gengu nemendur til verka.
Verkefnalisti lá fyrir og þurftu nem-
endur að ljúka tilteknum verk efnum á
degi hverjum. Þegar verkefni lágu
fyrir fluttu nemendur kennurum og
samnemendum afraksturinn.
Árshátíð skólans var síðan haldin
23. mars. Fram komu litlir og stórir
listamenn. Nemendur sungu, léku
og gerðu létt grín að sjálfum sér og
starfsfólki skólans. Að skemmti-
atriðum loknum var svo dansað
fram eftir kvöldi.
Árlega er keppt í upplestri á
miðstigi í skólanum. Um miðjan
febr úar var Framsagnarkeppni
Höfða skóla haldin. Þar sýna nem-
endur í 5.-7. bekk leikni sína í að
gæða texta lífi. Sú keppni er und-
anfari Framsagnarkeppni grunn-
skól anna í Húnavatnsþingi sem
haldin var á Húnavöllum. María
Jóna Jónasdóttir, Páll Halldórsson og
Eymundur Lórens Grétarsson kepptu
fyrir hönd skólans og komu þeir Páll
og Eymundur til baka með annað og
þriðja sætið í þeirri keppni.
Stundum var erfitt að komast í skóla vegna
fannfergis. Ljósm.: SR.