Lögmannablaðið - 01.11.2008, Blaðsíða 20

20 < LÖGMANNABLAÐIÐ – 3 / 2008
Í síðasta pistli ræddi ég um blikur á
lofti í efnahagsmálum þjóðarinnar
og fyrirsjáanlegan samdrátt á
mörgum sviðum. Ég sá þó ekki
frekar en flestir aðrir fyrir það mikla
gerningaveður sem skall á nú í
október og sér ekki fyrir endann á.
Þannig stefnir að óbreyttu í gjaldþrot
fjölmargra fyrirtækja bæði stórra og
smárra en einnig er hætt við að
hrikti mjög í stoðum margra félaga
sem litið hefur verið á sem burðarása
í þjóðfélaginu til þessa. Næstu miss-
er in mun vafalaust reyna mjög á alla
innviði okkar samfélags, heilbrigðis-
kerfi, félagsþjónustu og allt fram-
kvæmdarvaldið, löggjafann og
dómstóla. Ekki síst mun þó reyna á
okkur sem þjóð og vonandi berum
við gæfu til þess að haga málum
þannig að þegar öldurnar lægir þá
stöndum við eftir sterkari þótt það
verði væntanlega ekki á fjárhags-
legan mælikvarða enda sá mæli-
kvarði sem betur fer kominn aftar í
forgangsröðina heldur en verið
hefur.
Að mínu mati er mikilvægt nú á
tímum sem þessum er mikilvægt að
flýta sér eins hægt og mögulegt er.
Það á sérstaklega við um aðgerðir
stjórnvalda hvort sem er fram-
kvæmda valds eða löggjafans. Stíga
verður til að mynda varlega til jarðar
þegar löggjöf er breytt án mikils
undirbúnings beinlínis vegna
ástandsins. Sérstaklega á það við
þegar mikilsverðum meginreglum
íslenskra laga er vikið til hliðar um
sinn a.m.k. Vissulega skapast þær
aðstæður stundum að nauðsynlegt
er að grípa hratt inn í atburðarrásina
en kappkosta verður ætíð að
aðferðin og niðurstaðan grafi ekki
undan trúverðugleika og trausti
almennings á því regluverki sem við
búum við, og höfum þróað á mjög
löngum tíma og með yfirveguðum
hætti. Hið sama gildir vitaskuld um
traust erlendra þjóða og lögaðila
gagnvart okkur því oftar en ekki
eiga meginreglur sér beina skír-
skotun eða samsvörun í rétti okkar
helstu vina- og viðskipta þjóða.

Við þessar aðstæður er og áríðandi
að halda uppi lögum og reglu í
víðasta skilningi þeirra orða. Þar
gegnum við lögmenn sem fyrr
mikil vægu hlutverki og berum mikla
ábyrgð hvort sem er í sókn eða
vörn.
Gerningaveður
Lárentsínus Kristjánsson hrl.
Formannspistill