Lögmannablaðið - 01.12.2008, Blaðsíða 8
8 < LÖGMANNABLAÐIÐ – 4 / 2008
Um langan aldur munu lög nr. 125
frá 7. október 2008 skjóta upp
kollinum í lagakennslu á Íslandi.
Með lögunum var brugðist við
fyrirsjáanlegu bankahruni á Íslandi,
hruni sem síðar kom í ljós að á sér
vart hliðstæðu í gervallri hagsögunni.
Mælt var fyrir frumvarpi til laganna
af hálfu forsætisráðherra skömmu
fyrir klukkan fimm síðdegis á þeim
örlagaríka degi 6. október 2008 og
var frumvarpið samþykkt með
atkvæð um 50 þing manna laust fyrir
miðnætti.
Óhætt er að fullyrða að lög nr.
125/2008 eigi sér ekki hliðstæðu í
sögu löggjafarvalds á Íslandi. Með
lögunum voru breytingar gerðar á
fjórum lagabálkum auk þess sem
Alþingi veitti fjármálaráðherra
sérstaka heimild til að reiða fram
fjármagn til að stofna nýtt fjár mála
fyrirtæki eða yfirtaka fjármála
fyrirtæki eða þrotabú þess í heild
eða að hluta. Einna viðurhlutamest
var sú breyting sem gerð var á lögum
um fjármálafyrirtæki þar sem
Fjármálaeftirlitinu var fært æðsta
vald í málefnum fjármálafyrirtækja
vegna sérstakra aðstæðna eða atvika
í því skyni að takmarka tjón eða
hættu á tjóni á fjármálamarkaði.
Með ákvæðinu var margvíslegum
réttindum hluthafa og annarra vikið
til hliðar á grundvelli almanna hags
muna. Hafa lög nr. 125/2008 því
réttilega verið nefnd neyðar lögin.
Lagadeild Háskólans í Reykjavík
stóð fyrir opnum fundi um neyðar
lögin miðvikudaginn 12. nóvember
sl. undir yfirskriftinni: „ Með lögum
skal (nýtt) land byggja Lögfræðileg
álitamál á umbrotatímum,“ þar sem
sex fræðimenn við lagadeild skólans
fluttu erindi um mörg þeirra álita
mála sem risið höfðu í kjölfar
setningar neyðarlaganna.
Stjórnskipulegur
neyðarréttur
Ragnhildur Helgadóttir, prófessor
við lagadeild Háskólans í Reykjavík,
flutti erindi um stjórnskipulegan
neyðarrétt. Fram kom í máli Ragn
hildar að íslensk réttarsaga hefði að
geyma tvö dæmi um beitingu stjórn
Með lögum skal (nýtt) land
byggja