Lögmannablaðið - 01.12.2008, Blaðsíða 30

30 < LÖGMANNABLAÐIÐ – 4 / 2008
Þann 21. nóvember 2008 stóð
Félag kvenna í lögmennsku
ásamt Félagi kvenna í endur­
skoðun fyrir námskeiði sem bar
yfirskriftina „þjálfun í framsækni
fyrir þig og fyrirtæki þitt“.
Umsjón með námskeiðinu hafði
Sigríður Arnardóttir, sem margir
þekkja betur undir nafninu Sirrý, en
hún hefur áratuga reynslu af því að
starfa við fjölmiðla. Sirrý starfar nú
sem ráðgjafi í almannatengslum.
Henni til aðstoðar var Dúi J. Land­
mark kvikmyndatökumaður. Nám­
skeiðið var haldið í Turninum við
Smáratorg í Kópavogi, nánar tiltekið
á 19. hæð en þar fengu þátttakendur
í kaupbæti frábært útsýni og ljóm­
andi góðan mat.
Gott samband myndaðist með þátt­
takendum sem höfðu mismikla
reynslu af því að koma fram í fjöl­
miðlum. Sirrý fór með lifandi og
skemmtilegum hætti í gegnum það
hvernig hægt er að ná athygli áheyr­
enda, hver sé lykillinn að góðri
tækifærisræðu, tækni við örugga
sviðsframkomu og samskipti við
fjölmiðla svo eitthvað sé nefnt.
Þátttakendur fengu að spreyta sig á
því að koma fram en afraksturinn
var síðan tekinn upp á myndband.
Sirrý gerði gott betur en að leiðbeina
með tæknileg atriði, hún hafði
margt annað til málanna leggja og
sýndi með skemmtilegum hætti
hvað jákvæðni, einlægni og ekki síst
bros skiptir miklu máli í mannlegum
samskiptum. Minnti hún m.a. á
hvað það getur breytt miklu að
kunna að þakka fyrir allt það góða
sem við eigum.
Almenn ánægja var meðal þátt­
takenda með fyrir komulag nám­
skeiðsins og alla umgjörð. Því lauk
með hátíðlegu borðhaldi á 19. hæð
þar sem þátttakendur skiptust á að
taka til máls og láta ljós sitt skína.
Var það samróma álit allra að vel
hafi tekist til. Þátttakendur fóru
heim af námskeiðinu ríkari en þeir
komu og þá var tilganginum náð.

Þórdís Bjarnadóttir hdl. og Margrét
Gunnlaugsdóttir hdl.
Framsækni og framkoma
Sigríður Arnardóttir.
Þann 1. janúar n.k. taka gildi sérstök innheimtulög nr.
nr. 95/2008, sem ætlað er að gilda um innheimtu
gjaldfallinna peningakrafna, annarra en skatta og
opinberra gjalda eða krafna sem innheimtar eru á
grundvelli réttarfarslaga. Á sama tíma tekur gildi
reglugerð þar sem nánar er kveðið á um framkvæmd
laganna og hámark innheimtukostnaðar. Laganefnd
Lögmannafélagsins skilaði ítarlegri umsögn um
innheimtulagafrumvarpið, sem hægt er að lesa á
heimasíðu félagsins, en félaginu var hins vegar ekki
gefinn kostur á því að tjá sig um inntak reglu­
gerðarinnar meðan hún var í vinnslu í viðskipta­
ráðuneytinu þrátt fyrir að ítrekað væri eftir því gengið.
Ljóst er að nýju lögin munu hafa umtalsverð áhrif á
vinnu við frum­ og milliinnheimtu en ekki á formlega
lögfræðiinnheimtu þar sem hún er undanskilin í
lögunum.
Samkvæmt 15. gr. laganna annast Fjármálaeftirlitið
almennt eftirlit með framkvæmd þeirra en úrskurðar­
nefnd lögmanna fer með úrskurðarvald gagnvart
lögmönnum á grundvelli laga um lögmenn.
Eftirlitsaðilum er gert að samræma verklagsreglur
sínar en félagið vinnur nú að þessum reglum í samráði
við Fjármálaeftirlitið.
ný innheimtulög
Félag kvenna í lögmennsku
Af vettvangi félagsins