Dagblaðið Vísir - DV - 15.10.2012, Side 3

„Alger kaflaskil fyrir okkur“
n Norðurskautsríkin semja um alþjóðlegar olíuvarnir n Forsenda tilraunaborana á Drekasvæðinu
Þ
essi sögulegi samningur um
alþjóðlegar olíuvarnir sem
við lukum hér í Reykjavík í
síðustu viku er að mínu mati
alger forsenda þess að hægt sé að
leyfa tilraunaboranir og olíuvinnslu
á Drekasvæðinu og á Jan Mayen
svæðinu hinum megin línunnar
sem Norðmenn ráða,” segir Össur
Skarphéðinsson utanríkisráðherra.
Hann segir samninginn sögulegan
„enda fyrsti samningurinn sem
norðurskautsríkin gera sameigin-
lega um varnir gegn olíuslysum.“
Össur segir að samningurinn feli
í sér gagnkvæmar skyldur sem feli
meðal annars í sér að hendi alvar-
legt olíuslys, þá eigi Íslendingar
sjálfkrafa rétt til að kalla eftir mann-
afla hinna ríkjanna, sem er þjálfað-
ur í að takast á við slík vandamál,
og fá búnað og efni sömuleiðis frá
þeim. Meðal norðurskautsríkjanna
átta eru sum helstu olíuríkja heims-
ins eins og Rússland, Bandaríkin,
Noregur og Kanada, en önnur ríki
eru Svíþjóð, Finnland og Danmörk
fyrir hönd Færeyja og Grænlands.
Um 70 sérfræðingar frá öllum
ríkjunum tóku þátt í að leiða samn-
inginn til lykta. Össur segir að sér
hafi komið á óvart hversu hratt gekk
að ljúka málinu, en aðeins er ríflega
ár frá því ráðherrar norðurskauts-
ríkjanna samþykktu að ráðast í gerð
slíks samnings. Það var á frægum
ráðherrafundi í Nuuk á Grænlandi.
„Þetta eru alger kaflaskil fyrir
okkur. Án samnings af þessum toga
hefði verið óðs manns æði að ráð-
ast í meiriháttar uppdrátt á olíu á
Drekanum án þess að hafa öryggis-
tryggingar af þessu tagi. Samn-
ingurinn, og sá aðgangur að bún-
aði og þjálfuðu atgervi sem hann
tryggir, gerir okkur líka miklu hæf-
ari til að grípa til björgunaraðgerða
ef stórt olíuskip fer niður norðan Ís-
lands, en það má búast við mikilli
fjölgun ferða slíkra skipa á næstu
áratugum vegna bráðnunar íssins.“
„Hraðinn við gerð samnings-
ins undirstrikar líka hversu skil-
virk íslenska utanríkisþjónustan er
þegar hún beitir sér fast í tiltekn-
um málum. Við höfum verið eins
og húsleki með þetta mál á öllum
fundum með utanríkisráðherrum,
embættismönnum og sérfræðing-
um hinna ríkjanna, og stöðugt sett
á oddinn að ráðist verði í samn-
inginn. Ég tók þessi mál aftur og aft-
ur upp við Jónas Gahr Störe, þáver-
andi utanríkisráðherra Noregs, og
olíusamningurinn var það mál sem
ég lagði þyngsta áherslu á þegar ég
átti frægan fund með Hilary Clint-
on í Washington í fyrra. Hún tók
mjög ákveðið undir minn málflutn-
ing um þetta. Sömuleiðis ræddi ég
þetta oftar en einu sinni við Sergei
Lavrov, utanríkisráðherra Rússa.“
Utanríkisráðherra segist gera ráð
fyrir að árið 2025 verði þrjú olíu-
svæði starfrækt norðan Íslands. Eitt
útaf Norðaustur-Grænlandi, ann-
að á Drekanum og hið þriðja Nor-
egsmegin lögsögunnar á svæði sem
jafnan er kennt við Jan Mayen. n
Fréttir 3Mánudagur 15. október 2012
Ræddi við þjóðarleiðtoga Össur segir
gerð samningsins undirstrika hversu skilvirk
íslenska utanríkisþjónustan sé.
Lögreglan á að
rannsaka lækni
n Ríkissaksóknari snýr við frávísun lögreglunnar
R
íkissaksóknari hefur sent
kæru Páls Sverrissonar
aftur til rannsóknar hjá lög-
reglunni eftir að henni hafði
verið vísað frá. Kæran snýr
að háttsemi Magnúsar Kolbeins-
sonar læknis sem í tvígang skoðaði
sjúkraskrá Páls vegna kærumáls fyrir
siðanefnd Læknafélags Íslands, sem
var Páli sjálfum óviðkomandi. Gögn
úr sjúkraskránni notaði Magnús svo
í vörn sinni fyrir nefndinni en hún
fjallaði um ummæli sem hann lét
falla um annan lækni í samtali við
Pál.
Greindur með vitræna skerðingu
Í gögnunum sem Magnús sendi
siðanefndinni kom fram að Páll
hefði verið greindur með vitræna
skerðingu F07.9 en sjálfur hafði
hann aldrei fengið að vita af þeirri
greiningu, að eigin sögn. Málið
komst upp þegar siðanefnd Lækna-
félagsins birti brot úr sjúkraskránni
í úrskurði sínum í deilu Magnúsar
við Skúla Bjarnason, sérfræðilækni á
bráðadeild Landspítalans. Úrskurð-
urinn var birtur í Læknablaðinu án
þess að upplýsingarnar um Pál væru
afmáðar.
Saksóknari telur ástæðu
til rannsóknar
Í ákvörðun Helga Magnúsar Gunn-
ars sonar vararíkissaksóknara kem-
ur fram að hann telji ástæðu til að
lögregla rannsaki kæru Páls á hend-
ur Magnúsi. Þar kemur fram að það
sé rökstuddur grunur um að Magn-
ús hafi brotið gegn ákvæði almennra
hegningarlaga þegar hann miðl-
aði upplýsingum um Pál vegna eig-
in ágreiningsmáls við annan lækni.
Vararíkissaksóknari telur einnig
að lögregla eigi að kanna háttsemi
Magnúsar með það fyrir augum að
hann hafi kannski brotið læknalög
sem kveða á um fyllstu þagmælsku.
Málið snérist um ummæli Magn-
úsar þegar hann kallaði Skúla „fylli-
byttu úr Borgarnesi“. Í kjölfar þess
að siðanefndin tók upp málið skoð-
aði Magnús sjúkraskrá Páls í tvígang
í þeim tilgangi að finna gögn máli
sínu til stuðnings en hann hélt
því fram að ummælin hefðu ver-
ið misskilin og að hann hefði aldrei
kallað Skúla fyllibyttu. Siðanefndin
komst að þeirri niðurstöðu að
Magnús hefði gerst brotlegur við
siðareglur en felldi þann úrskurð úr
gildi eftir að hann kærði niðurstöð-
una vegna galla á meðferð málsins.
Persónuvernd hefur
fjallað um málið
Málið hefur farið fyrir Persónuvernd
en stofnunin sendi athugasemd til
forstöðulæknis Fjórðungssjúkra-
húss ins í Neskaupstað. Í svörum
hans kom fram að stjórnendur
sjúkrahússins teldu ekki óeðlilegt að
Magnús hafi skoðað gögnin þegar
kvörtun vegna hans barst siðanefnd
lækna. Í svarbréfinu, sem DV hefur
undir höndum, segir hins vegar að
kvörtunin hafi borist frá Páli. Hins
vegar harmar forstöðulæknirinn að
Magnús hafi sent upplýsingarnar úr
sjúkraskránni til siðanefndarinnar.
Persónuvernd hefur einnig fjallað
um Heilbrigðisstofnun Austurlands
fyrir að senda sjúkraskrá sína með
hefðbundnum pósti til siðanefndar-
innar. Persónuvernd gerði í raun líka
mistök í því máli en Páll var nafn-
greindur í úrskurði stofnunarinnar.
Í niðurstöðum Persónuverndar kom
einnig fram að það hefði ekki verið
eðlilegt að senda sjúkraskrána með
hefðbundnum pósti. n
Aðalsteinn Kjartansson
blaðamaður skrifar adalsteinn@dv.is
„Hann kall-
aði Skúla
„fyllibyttu úr
Borgarnesi“
Ekki ánægður Páll Sverrisson
kærði athæfi læknisins til lög-
reglu. Embætti ríkissaksóknara
hefur nú beint því til lögreglunnar
að rannsaka málið eftir að því var
fyrst vísað frá. MyND GuNNaR GuNNaRSSoN
Jarðskjálfti
í jöklinum
Jarðskjálfti af stærðinni 3,1 á
Richter-skalanum varð um klukk-
an 12:20 á sunnudag. Upptök
skjálftans var um fjórum kílómetr-
um norðnorðaustan við Kistufell í
Vatnajökli, samkvæmt upplýsing-
um frá Veðurstofu Íslands.
Afar ólíklegt er talið að hann
hafi fundist í byggð en engin frek-
ari merki eru sjáanleg um óróa.
Þó fylgdu nokkrir eftirskjálftar í
kjölfarið. Skjálftar af þessari stærð
mælast annað slagið í jöklinum.
Árásir vegna
sonar síns
„Þjóðfélag er komið í mikinn
vanda ef fjölmiðlar og dómstól-
ar láta óátalið að foreldrar eða
börn stjórnmálamanna þurfi að
sæta persónulegum árásum vegna
stjórnmálastarfa ættingja sinna,“
segir Gunnlaugur M. Sigmunds-
son í nýlegri tilkynningu sem
hann hefur sent á fjölmiðla. Af því
sem þar stendur má skilja Gunn-
laug sem svo að hann telji sig sjálf-
an hafa orðið fyrir „persónulegum
árásum“ vegna þess að hann er
faðir Sigmundar Davíðs Gunn-
laugssonar.
Málið á rætur að rekja til meið-
yrðamáls hans á hendur bloggar-
anum Teiti Atlasyni en Héraðs-
dómur Reykjavíkur sýknaði Teit
vegna málsins í síðasta mánuði.
Teitur skrifaði pistil á sínum tíma
þar sem hann rifjaði upp hið svo-
kallaða Kögunarmál en það lík-
aði Gunnlaugi ekki. Hann kærði
niðurstöðu héraðsdóms til Hæsta-
réttar sem tók kæruna ekki til
greina með úrskurði síðastliðinn
föstudag. Svo virðist sem Gunn-
laugur ætli að berjast áfram í mál-
inu: „Slíkt ástand á ekki að líða og
við munum halda áfram að berjast
gegn slíkri þróun.“