Fréttablaðið - 20.11.2014, Page 77

FIMMTUDAGUR 20. nóvember 2014 | LÍFIÐ | 65
Ofurfyrirsætan Janice Dickinson
segir í viðtali við Entertainment
Tonight að grínarinn Bill Cosby
hafi nauðgað sér árið 1982. Janice,
sem nú er 59 ára, segist fyrst hafa
hitt spéfuglinn, nú 77 ára, þegar
umboðsmaður hennar kom á fundi
með þeim til að ræða um mögulegt
hlutverk hennar í skemmtiþættin-
um The Cosby Show.
Þau hittust aftur eftir að Janice
hafði farið í meðferð, en þá bauð
grínarinn henni umrætt hlut-
verk. Cosby bauð henni til Lake
Tahoe til að horfa á uppistand með
honum. Janice segir að hann hafi
gefið henni vínglas og verkjalyf
því hún þjáðist af tíðaverkjum.
„Ég vaknaði daginn eftir og var
ekki í náttfötunum og ég man eftir
að hafa hugsað, áður en ég leið út
af, að ég hefði verið kynferðis-
lega misnotuð af þessum manni.
Það síðasta sem ég man var Bill
Cosby í náttslopp. Síðan fór hann
úr náttsloppnum og lagðist ofan á
mig. Og ég man eftir miklum sárs-
auka. Næsta morgun vaknaði ég í
engum náttfötum og með sæði á
milli fótanna.“
Janice segist hafa reynt að
skrifa um atvikið í sjálfsævisögu
sinni No Lifeguard on Duty: The
Accidental Life of the World’s
First Supermodel, sem kom út
árið 2002, en lögfræðingar Cosbys
þvinguðu hana til að gera það
ekki.
„Ég er að gera þetta núna því
að það er hið rétta í stöðunni og
af því að þetta kom fyrir mig og
þetta er sönn saga. Ég trúi öllum
hinum konunum,“ segir Janice.
Greint var frá því fyrir stuttu að
þrettán konur hefðu sakað Cosby
um nauðgun en lögmaður grínist-
ans hafnar þeim ásökunum.
Segir Bill Cosby hafa nauðgað sér árið 1982
Fyrrverandi ofurfyrirsætan Janice Dickinson steig fram og sagði sögu sína, sem hefur vakið mikið umtal.
Það síðasta sem ég
man var Bill Cosby í
náttslopp. Síðan fór
hann úr náttsloppnum
og lagðist ofan á mig.
Janice Dickinson.
REYNDI AÐ SEGJA FRÁ Janice ætlaði
að skrifa um nauðgunina í ævisögu
sinni.
Ástralski leikarinn Chris Hems-
worth er kynþokkafyllsti maður
heims að mati tímaritsins People.
Chris, sem er 31 árs, segir í sam-
tali við People að honum hafi þótt
fyndið þegar hann fékk að vita að
hann væri kynþokkafyllstur. Eig-
inkonu hans, fyrirsætunni Elsu
Pataky, sem er 38 ára, fannst það
einnig spaugilegt.
„Ég held að nú megi ég monta
mig í nokkrar vikur heima. Ég
get bara sagt við hana: Mundu
að þetta er það sem fólki finnst
þannig að ég þarf ekki að vaska
upp lengur. Ég þarf ekki að skipta
um bleyjur. Það er fyrir neðan
mína virðingu. Nú er ég búinn að
meika það,“ segir Chris.
Hemsworth
valinn kyn-
þokkafyllstur
CHRIS HEMSWORTH Þykir afar þokka-
fullur. NORDICPHOTOS/GETTY
Tónlistarmaðurinn Noel Gall-
agher kláraði á dögunum plötuna
Chasing Yesterday sem kemur út
í mars á næsta ári.
Er hann líklega þekktastur
fyrir að hafa verið einn af með-
limum bresku hljómsveitarinnar
Oasis ásamt bróður sínum Liam
Gallagher.
Eftir að hafa hætt í Oasis árið
2009 einbeitti hann sér að sóló-
ferli sínum og gefur nú út sína
aðra sólóplötu. Plötuna tók hann
upp í London þar sem hann segir
afar erfitt að einbeita sér.
Gallagher segir að hann leggi
sig aldrei 100 prósent fram við
tónlistarsköpun eða tónleikahald
vegna þess að hann vilji ekki
skilja alla orkuna eftir uppi á
sviði.
Leggur sig
ekki allan fram
GALLAGHER Von er á sólóplötu númer
tvö í mars.