Öldrun - 01.11.2007, Blaðsíða 6


www.oldrun.net ÖLDRUN – 25. árg. 2. tbl. 2007
Félagslíf
Á Höfða er margt til gamans gert. Það er mikið spilað
og teflt, reglulegar boccia æfingar og mót, upplestur,
bingó, harmonikuspil, góðir gestir koma í heimsókn með
ýmis skemmtiatriði og sýndar eru kvikmyndir í samkomu­
sal. Farið er daglega í gönguferðir um hið fagra nágrenni
heimilisins. Púttvöllur er á lóð Höfða. Þorrablót er árlegur
viðburður, einnig kökukvöld þar sem starfsmenn baka
heima og bjóða íbúum til veislu með skemmtiatriðum.
Síðla vetrar er haldin Höfðagleði þar sem íbúar og starfs­
menn koma saman til árshátíðar með veislumat og góðum
skemmtiatriðum. Þá halda íbúarnir kaffihúsakvöld öðru
hvoru þar sem boðið er upp á kaffi, kökur og léttar veit­
ingar. Á haustin taka íbúarnir þátt í sláturgerð fyrir heim­
ilið og fyrir jólin er laufabrauðsgerð.
Á hverju sumri er farið í ferðalag, nú síðast um Suður­
nes með Birni Inga Finsen sem fararstjóra. Í fyrra var farið
um Árborgarsvæðið þar sem Guðni Ágústsson ráðherra
var leiðsögumaður og bauð öllum hópnum á heimili sitt í
lok ferðar. Mikil þátttaka er jafnan í þessum ferðum.
Sóknarpresturinn messar mánaðarlega. Kór Akranes­
kirkju og organisti sjá um tónlistina. Messur eru jafnan
mjög vel sóttar.
Öflugt starfslið
Starfsmenn eru 88 í 64 stöðugildum. Mjög lítil breyt­
ing er á starfsliði frá ári til árs og er það styrkleiki heimilis­
ins. Starfsmenn eru kunningjar og vinir íbúanna og
gjörþekkja þarfir þeirra. Framhaldsskólanemar leysa af í
sumarleyfum og standa sig mjög vel í starfi. Margir þess­
ara nema vinna hér sumar eftir sumar. Einn starfsmanna
Höfða, Emilía Petrea Árnadóttir forstöðumaður dagvist­
unar, hefur unnið á heimilinu frá því rekstur hófst fyrir
tæpum 30 árum.
Lögð er áhersla á fræðslu fyrir starfsfólk. Fyrirlestrar
og ýmis fræðsla eru reglulega yfir vetartímann. Þá hafa
LaufabrauðsskurðurÞorrablót
Vaxmeðferðin er vinsælSaumaklúbbur