Öldrun - 01.11.2007, Blaðsíða 16

1
www.oldrun.net ÖLDRUN – 25. árg. 2. tbl. 2007
og líkt eftir „venjulegum heimilum“. Átta til tólf manns
búa í einingu og hugmyndafræðin er að starfsfólkið vinni
á heimilum íbúanna, en þeir búi ekki á vinnustað starfs­
fólksins. Engin leið er réttari en önnur. Hægt er að læra af
öðrum þjóðum, en aðlaga þarf hugmyndafræði að hverri
þjóð og menningu hennar.
Hanna Lára Steinsson, félagsráðgjafi, kynnti Bjarma­
lund: Heildræna lausn fyrir sjúklinga með heilabilun og
aðstandendur þeirra. Heilabilun er fjölskyldusjúkdómur
og aðstandendur glíma við mörg vandamál. Úrræði þar
sem boðið er upp á heildræna lausn skortir. Hugmyndin
„Bjarmalundur“ gerir ráð fyrir upplýsinga­ og fræðslu­
miðstöð ásamt skammtímadvöl og dagdeild. Hanna Lára
hefur þegar hrint fyrsta áfanga af stað, þar sem hún rekur
ráðgjafarstofu um málefni tengd heilabilunarsjúkdómum.
Kristjana Gígja, hjúkrunarfræðingur og Jóna Magnú­
sdóttir, fræðslustjóri, kynntu hjúkrunar­ og öryggisíbúðir
í Eirarhúsum. Hugmyndafræðigrunnur að þeim íbúðum
er að íbúar geti búið sem lengst heima. Allir sem eru
orðnir 65 ára geta sótt um, en gert er ráð fyrir að íbúar
þurfi ákveðna þjónustu. Þar er samþætting þjónustu
heimahjúkrunar og félagsþjónustu. Íbúar hafa kost á að
kaupa þjónustu frá Eir og sjálfstætt starfandi aðilum þar.
Ingibjörg Bernhöft, hjúkrunarfræðingur, flutti erindi
sem hún nefndi Viltu eiga val? Þar fjallaði hún um sína
framtíðarsýn að í búsetuúrræðum framtíðarinnar væri
sjálfræði og fjárhagslegt sjálfstæði haft að leiðarljósi og
þannig aukin lífsgæði íbúa. Hægt væri að nota t.d. stór
einbýlishús sem löguð væru að þessum þörfum. Hver íbúi
hefði sína íbúð eða herbergi með baði og starfsfólk væri
til staðar allan sólarhringinn. Kostir þessa búsetuúrræðis
væru minnkuð stofnanavistun, heimilislegri aðstæður,
búseta í íbúðarhverfi o.s.frv. Einstaklingurinn greiðir fyrir
sig sjálfur: leigu, fæði og fyrir þá þjónustu sem hann fær.
Í daglegu lífi eru ekki allir sáttir við það sama og það breyt­
ist ekkert með aldrinum. Sumir vilja hafa rúmt í kringum
sig meðan aðrir vilja búa þrengra.
Umsjón ráðstefnunnar var í höndum Sigurveigar H.
Sigurðardóttur, lektors í félagsráðgjöf og Sigrúnar
Guðjónsdóttur, sjúkraþjálfara.
Sigrún Guðjónsdóttir
FRÆÐSLA OG SÍMENNTUN Í ÖLDRUNARGEIRANUM
Stórhöfða 25 • 110 Reykjavík • sími 569 3100 • www.eirberg.is
Senta baðlyfta
– örugg umönnun
• fyrir bað
• fyrir sturtu
• fáanleg með vog
• hámarksþyngd notanda 150 kg
Fjölbreytt úrval baðtækja
Persónuleg þjónusta og fagleg ráðgjöf