Öldrun - 01.11.2007, Blaðsíða 7


ÖLDRUN – 25. árg. 2. tbl. 2007 www.oldrun.net
starfsmenn heimsótt og kynnt sér starfsemi annarra
sambærilegra stofnana innanlands og utan, t.d. lá leiðin
til Þýskalands í þessum tilgangi í september síðstliðnum,
en þar heimsóttum við dvalar­ og hjúkrunarheimilið St.
Barbara í Koblens og fengum frábærar viðtökur. Þetta
er álíka stórt heimili og Höfði og var mjög fróðlegt fyrir
okkur að kynnast því hvernig Þjóðverjar standa að þessum
málum. 57 starfsmenn Höfða tóku þátt í þessari ferð.
Læknar – lyf
Yfirlæknir heilsugæslustöðvarinnar sinnir læknisþjón­
ustu á Höfða samkvæmt samningi. Hann hefur fasta
viðveru á Höfða á ákveðnum tímum. Í fjarveru hans sinna
aðrir læknar heilsugæslustöðvarinnar þessari þjónustu.
Yfirlæknirinn er einnig trúnaðarlæknir heimilisins. Hann
tekur jafnframt þátt í fræðslu fyrir starfsfólk.
Höfði hefur samning við Lyfjaver um öflun lyfja,
vélpökkun lyfja og lyfjafræðilega þjónustu fyrir heimilið.
Sjálfseignarhús
Á lóð Höfða standa 31 sjálfseignarhús fyrir 60 ára og
eldri. Íbúar húsanna hafa aðgang að fjölbreyttri þjónustu á
Höfða, svo sem hárgreiðslu, fótaaðgerðum, sjúkraþjálfun,
dagvistun, mötuneyti o.fl. Sumir íbúanna notfæra sér
þessa þjónustu í einhverjum mæli en aðrir ekki.
Gjafasjóður
Höfða berast af og til góðar gjafir, smáar og stórar. Allar
peningagjafir fara í gjafasjóð, en hann starfar samkvæmt
skipulagsskrá, samþykktri af dómsmálaráðherra, með
sérstakri stjórn og er algjörlega aðskilinn frá rekstri
Höfða. Markmið sjóðsins er að kaupa tæki og búnað sem
nýtist heimilisfólki með sem beinustum hætti svo og til
dægrastyttingar fyrir íbúana. Það er þessum góðu gjöfum
að þakka að heimilið er mjög vel búið tækjum og búnaði.
Málin rædd í sumarsól
Gönguferð í nágrenni Höfða
Sumarferð á Suðurnes