Gerðir kirkjuþings - 1984, Blaðsíða 21
13
Nefndarálit
Um skýrslu Kirkjuráðs frá allsherjarnefnd
Frsm. sr. Jón Bjarman
Allsherjarnefnd hefir fjallað um skýrslu Kirkjuráðs, sem til hennar var vísað.
Augljóst er af skýrslunni, að störf Kirkjuráðs og umsvif hafa aukist við hina nýju skipan kirkju-
þings, sem nú kemur saman á hverju ári, það hefir og í för með sér, að þingið hefir betri yfirsýn yf-
ir hvað eina, sem er að gerast í þjóðkirkjunni. Við það styrkjast bæði ráð og þing og eflir það þá
væntanlega kristni í landinu.
Nefndin gerir eftirfarandi athugasemdir við einstök atriði og mál, sem skýrslan greinir frá:
1. Enn sem fyrr virðast þau mál, sem kirkjuþing sendir frá sér til Alþingis eiga fremur örðugt fram-
dráttar. Á liðnu ári náði aðeins eitt fram að ganga. Augljóst er, að hér er þó ekki um að kenna
óvild og andstöðu einstakra alþingismanna, nær undartekningalaust virða þeir kirkjuna og þing
hennar mikils og hlusta grannt eftir því, sem þaðan kemur, heldur mun vera við hitt að sakast, að
kirkjan hefir ekki lært að koma málum sínum fram á þessum vettvangi, ef til vill er fyrsta skrefið í
þá átt, að fá kirkjufólk um land allt til liðs við sig, sem talsmenn kirkjunnar, við fulltrúa sína á lög-
gjafarþinginu. í því sambandi bendir nefndin á 12. mál yfirstandandi þings.
Nefndin væntir mikils af samstarfsnefnd Alþingis og kirkju, en saknar þess, að ekki skuli liggja
fyrir skýrsla um störf nefndarinnar fyrir þinginu. Nefndin bendir einnig á, að skýrslur vantar og
frá mikilsverðum og stórum starfseiningum kirkjunnar, svo sem Hjálparstofnun kirkjunnar,
Útgáfunni Skálholti, Lýðháskólanum í Skálholti.annarri starfsemi á Skálholtsstað, sem er í umsjá
Kirkjuráðs, starfseminni að Löngumýri. Þá saknar nefndin skýrslna frá kirkjulistarnefnd,
utanríkisnefnd og fjölda annarra nefnda, sbr. skýrslu nefndanefndar bls. 111 —138 í Gjörðum
kirkjuþings 1983. Einnig hefði verið vænt að fá að vita af störfum laganefndar kirkjunnar og
kirkjueignanefnd.
Allt þetta starf er mikilsvert fyrir kirkjuna og ekki einungis forvitnilegt fyrir kirkjuþing að fylgj-
ast með því, heldur bráðnauðsynlegt, þegar ætlast er til þess að þingið móti heildarstefnu kirkj-
unnar, bæði í ytri og innri málum hennar. Nefndin þakkar jafnframt þær skýrslur, sem lagðar
hafa verið fyrir þingið, en það er, auk skýrslu Kirkjuráðs, ársskýrsla kirkjufræðslunefndar, nefnd-
arálit þriggja manna nefndar er fjalla skuli um niðurstöður nefndanefndar og greinargerð frá
nefnd, er skipuð var til undirbúnings útgáfu sálmabókarviðbætis. Þær upplýsingar, sem fram
koma í þessum gögnum, eru mikilsverðar.
2. 2. mál.
Nefndin fagnar því, að svo vandlega hefir verið fjallað um frumvarpið til laga um starfsmenn
Þjóðkirkju íslands, sem nú er, annað árið í röð, aðalmál þingsins. Mikilsvert er, að þau
lagafrumvörp, sem kirkjuþing gengur frá fái vandaða og góða meðferð. Til að hraða þeirri með-
ferð mætti hugsa sér, að þingið hefði nefnd þriggja manna er ynni náið með Kirkjuráði og laga-
nefnd þjóðkirkjunnar að endurskoðun kirkjulegrar löggjafar. Er þeirri hugmynd varpað hér fram.
3. 3. mál.
Hér er eitt þeirra mála, sem ekki hefir náð fram að ganga hjá ríkisvaldinu. Málið var rætt við
Þorleif Pálsson deildarstjóra í kirkjumálaráðuneytinu, sem upplýsti að nefnd á vegum forsætis-
ráðuneytis, er sett var á laggirnar skömmu eftir kirkjuþing 1983, hefði komist að þeirri niðurstöðu,
að fækka bæri ráðuneytum, svo hér væri kirkjunni ráðlegt að fara með löndum. Nefndarmenn
urðu sammála um, að önnur mál, sem sækja þarf til Alþingis, væru brýnni, svo hér væri það ekki
til skaða að fara hægt og setja annað á oddinn, án þess þó að láta málið sofna.
4. 4. og 5. mál.
Nefndin fagnar nýjum þingsköpum og reglugerð um störf kirkjuþings og leggur til, að kirkju-