Gerðir kirkjuþings - 1984, Blaðsíða 85
77
1984
15. Kirkjuþing
32. mál
Tillaga
til þingsályktunar um kirkjubyggingar
í nýjum íbúðahverfum.
Flm. sr. Hreinn Hjartarson
Kirkjuþing haldið í Reykjavík 1984 vekur athygli á þeirri óheillavænlegu staðreynd, að ný íbúðahverfi með tugum þúsunda
íbúa hafa verið án kirkjuhúss árum eða jafnvel áratugum saman.
Kirkjuþing ályktar því — að beina þeim eindregnu tilmælum til biskups og Kirkjuráðs að gera allt sem unnt er til að koma í
veg fyrir að slíkt endurtaki sig í hvert sinn er nýtt íbúðahverfi rís af grunni. Má í því sambandi benda á væntanlega byggð við
Grafarvog í Reykjavík.
Greinargerð
Ekki þarf að fara mörgum orðum um skaðsemi þess, bæði fyrir kirkju og söfnuði, að heilar kynsióðir
skuli alast upp án þess að komast í snertingu við nokkuð, sem unnt væri að nefna „kirkjuna mína.”
Þá má benda á þau óþægindi, kostnað og fyrirhöfn, bæði fyrir söfnuð og prest, sem eru því samfara
að þurfa árum saman að fá kirkjuhús að láni fyrir kirkjulegar athafnir. Er oft um langan veg að fara.
Segja má að það sé ekki forsvaranlegt, að ekki skuli vera til vígður reitur eða helgur staður í byggð
sem telur tugi þúsunda íbúa.
Brýna nauðsyn ber því til að kirkjuyfirvöld hlutist til um að kirkja rísi sem fyrst í nýrri byggð. Svo
ekki verði sagt um öll ný hverfi sem byggjast, jafnvel áratugagömul: Kirkja fyrirfinnst engin.
Vísað til allsherjarnefndar er lagði til að tillagan yrði samþykkt með smávegis orðabreytingu og við-
bót. (Frsm. Margrét K. Jónsdóttir)
Nefndin leggur til að tillagan verði orðuð þannig:
Kirkjuþing haldið í Reykjavík 1984 vekur athygli á þeirri óheillavænlegu staðreynd að íbúðahverfi
með tugi þúsunda íbúa hafa verið án kirkjuhúss árum og jafnvel áratugum saman.
Kirkjuþing ályktar því að beina þeim eindregnu tilmælum til biskups og Kirkjuráðs að gera allt sem
unnt er til að koma í veg fyrir að slíkt endurtaki sig hverju sinni er nýtt íbúðahverfi rís af grunni. Má í
því sambandi benda á væntanlega byggð við Grafarvog.
Taka þarf upp viðræður við skipulagsaðila hverju sinni svo staðsetning kirkju liggi fyrir þegar í upp-
hafi.
Samþykkt samhljóða.