Gerðir kirkjuþings - 1984, Blaðsíða 58

50
1984
15. Kirkjuþing
8. mál
Tillaga
til þingsálykturnar um sjúkrahúsapresta.
Flm. sr. Ólafur Skúlason, vígslubiskup.
Kirkjuþing felur Kirkjuráði að taka upp viðræður við stjóm Ríkisspítalanna og Borgarspítalans i Reykjavík um störf sjúkra-
húspresta við þessar stofnanir. Skulu þessir prestar starfa innan prófastsdæmisins og vera sett erindisbréf af biskupi í samráði
við dómprófast.
Greinargerð
Samkvæmt lögum er gert ráð fyrir sjúkrahúspresti í Reykjavík. Undanfarin ár hefur þó ekki fengist
fjárveiting til þess starfs og því ekki ráðið í það. Þetta er ástand, sem er allsendis ófullnægjandi og segir
sig líka sjáft, að ekki dugar að hafa einn prest í starfi fyrir öll sjúkrahús borgarinnar. Mundi slíkur
maður í hæsta lagi komast yfir það að skipuleggja starfið í samráði við viðkomandi sóknarpresta, sem
hafa unnið mikið og gott starf, þrátt fyrir annríki í sóknum sínum og oft erfiða aðstöðu á sjúkrahúsun-
um. Á fundi í samstarfsnefnd Reykjavíkurborgar og Reykjavíkurprófastsdæmis 8. okt. sl. var þetta mál
sérstaklega rætt og lýsti nefndin sig fúsa til þess að fylgja því eftir í umræðum við stjórn Borgarspítalans
og borgarstjórn, þykir því sjálfsagt að hafa það til hliðsjónar, þegar tekið verður á þessum málum.
Það er vitað, að félagsfræðingar vinna við spítalana og sinna þar margvíslegum nauðsynjastörfum.
Ekki ætti síður að vera nauðsynlegt að hafa prest til sálgæzlu vegna sjúkra og aðstandenda þeirra.
Málinu vísað til allsherjarnefndar. (Frsm. sr. Sigurpáll Óskarsson)
Fram kom breytingartillaga við álit nefndarinnar þannig að á eftir Kirkjuráði komi — ,,og samstarfs-
nefnd Reykjavíkurborgar og Reykjavíkurprófastsdæmis að taka upp...”
Var tillagan samþykkt þannig orðuð:
Kirkjuþing felur Kirkjuráði og samstarfsnefnd Reykjavíkurborgar og Reykjavíkurprófastsdæmis að
taka upp viðræður við stjórn Ríkisspítalanna og Borgarspítalans í Reykjavík um störf sjúkrahúspresta.
Skulu þessir prestar starfa innan prófastsdæmisins og vera sett erindisbréf af biskupi í samráði við dóm-
prófast.