Gerðir kirkjuþings - 1984, Blaðsíða 42

34
49. gr.
Auk lögboðinna skýrslna embættismanna þjóðkirkjunnar er biskupi rétt að krefja þá skýrslna um störf þeirra og embættis-
rekstur í því formi, sem hann ákveður. Þá getur biskup skyldað presta til þess að sækja kirkjulega fundi.
50. gr.
Biskupar setja presta og prófasta um stundarsakir þegar þörf krefur.
51. gr.
Nú getur biskup ekki gegnt störfum vegna veikinda, fjarveru eða af öðrum sérstökum ástæðum, og getur hann þá með sam-
þykki ráðherra falið öðrum, eftir því sem við á, að gegna starfmu um hríð á sína ábyrgð.
Nú fellur biskup íslands frá eða lætur af embætti, og skal þá setja þann biskup, sem eldri er að biskupsvígslu, til þess að
gegna embættinu, uns nýr biskup hefur verið skipaður. Nú fellur Skálholts- eða Hólabiskup frá eða lætur af embætti, og skal
þá biskup íslands gegna störfum hans, uns nýr biskup hefur verið skipaður.
52. gr.
Biskup íslands vígir biskupa eða sá hinna biskupanna, sem eldri er að biskupsvigslu.
53. gr.
Nú losnar biskupsembætti í þjóðkirkjunni. Skal þá ráðherra láta fara fram biskupskjör. Um biskupskjör er kveðið á í öðrum
lögum.
V. kafli.
Stjórnvaldsreglur, gildistaka og brottfallin lög
54. gr.
Kirkjumálaráðherra er rétt að setja nánari ákvæði um framkvæmd laga þessara með reglugerð að fengnum tillögum biskups.
55. gr.
Lög þessi taka gildi þegar í stað, sbr. þó 27. gr. í 2. málsgr. Frá sama tima falla úr gildi þessi lög og réttarreglur:
Konungsbréf 16. feb. 1621, um aldur presta.
Alþingissamþykkt 30. júni 1629 um legorð presta.
Alþingissamþykkt 1. júlí 1629 um prestmötu.
Tilskipun 16. maí 1646 um legorð stúdenta.
Dönsku lög Kristjáns V. frá 15. apríl 1683 2. bók 2. kap. 5. gr. og 2. bók 11. kap. 4. og 13. gr.
Konungsbréf 9. maí 1738 um legorð andlegrar stéttar manna.
Konungsbréf 6. mai 1740 um portionsreikning bændakirkna.
Tilskipun 29. maí 1744 áhrærandi ungdómsins catachisation á íslandi.
Konungsbréf 19. maí 1747 um gegnumdregnar bækur.
Konungsbréf 5. apríl 1756 um uppreisn æru presta, sem vikið hefur verið frá embætti.
Tilskipun 21. des. 1831 VI. kafli.
Konungsbréf 11. mars 1796 um prestsverk prófasta innan prófastsdæmis.
Tilskipun 27. jan. 1847 um aukatekjur presta o.fl.
Lög nr. 4, 27. feb. 1880 um eftirlaun presta.
Lög nr. 13, 3. okt. 1884 um eftirlaun prestsekkna.
Lög nr. 21, 22. maí 1890 viðauka lög við nr. 5, 27. feb. 1880 um stjórn safnaðarmála og skipun sóknarnefnda og héraðsfunda.
Lög nr. 8, 47, 16. nóv. 1907, um laun prófasta 3. gr.
Lög nr. 48, 16. nóv. 1907 um ellistyrk presta og eftirlaun.
Lög nr. 49, 16. nóv. 1907 um skyldu presta til að kaupa ekkjum sínum lífeyri.
Lög nr. 26, 16. feb. 1953 um heimild fyrir kirkjumálaráðherra til að taka leigunámi og byggja á erfðaleigu hluta af prestsseturs-
jörðum.
Lög nr. 35, 9. maí 1970 um skipan prestakall og prófasta, gr. 6b til 10. gr. og 17. gr.
Kirkjuráð vísar 55. gr. til kirkjuþings.
Frv. vísað til löggjafarnefndar. (Frsm. Gunnlaugur Finnsson). Gerði hann grein fyrir breytingartillög-
um, sem fyrir liggja á sérstöku þingskjali og bar þær saman við orðalag frumvarpsins. Löggjafarnefnd
bendir á, að nú fari frumvarpið til ýmissa aðila, sem geti sniðið vankanta af því. Urðu miklar umræður
um nefndarálitið og margar breytingartillögur fluttar. Verður skriflegra breytingartillagna hér getið:
Sr. Hreinn Hjartarson bar fram tvær breytingartillögur við 46. gr. Sú fyrri; niður falli ,,og fastir